Von einer Insel zur nächsten

Höt semmer en Inseltour au bekannt als Safari Blue go mache. Es hed alles andere als schön agfange, s hed gregnet ond d Welle send emmer wie höcher worde, sodass mer alli denkt hei, jetzt kippemer de grad. Uf de erste Insel acho, semmer zerst mal go Schotz sueche ond hei eus i die trockne Tüechli igwecklet ond eus biz vom Schreck erholt. Nach korzer Zit zwar no klatschnass aber weder metem Lache, esches de witergange.
De nöchsti Halt esch ufere Sandbank gsi, wos fröschi Fröcht geh zor Stärkig. Weder ufem Meer, heimer endli dröfe go Schnorrchle, euses Highlight vom Tag😍. Witer esches de uf die nöchsti Insel zom Zmettagesse gange, womer weder feins lokals Esse becho hei. Zrög semmer de no dör Blue Lagoon, wonderschön. Zom Heifahre heimer de sogar no z Sonne gseh. Höt Obe gnüsse mer nomol euses Resort, bevors morn ab uf Arusha goht.もっと詳しく