Vor Farm id Grossstadt👩‍🌾👨‍🌾🏙

Die Nacht esch äwua die ruhigsti ond donklisti Nacht sit langem gsi, de osser dere Farm gits Kilomterewit nüt rondome. Erholt ond meteme wonderschöne Usblick ufs Land hei mer euse Tag gstartet. Vorem Zmorge heimer no e korze Spaziergang gmacht. D Anna eusi Gastgeberin het üs meteme rechtig feine Zmorge verwöhnt, nachem Zmorge het sie eus de no ehres Rezept vom Dessert am Vorobig geh, da wärde mer defitiv nomache. Gstärkt heimer eus de uf die letzte 298km vo eusere Reis begeh. Mer send zerst rechtig Bettys bay gfahre, det hets e Halt geh zom die härzige Pinguine beobachte ond eusi Bei vertrete. Nach eusem Abstecher, semer de alles ade Köste entlang rechtig Kapdtadt gfahre, eusem letzte Ziel. In Kapstadt acho, heimer grad i euses Zimmer chöme ichecke, vo do heimer e wondervolle Usblick ufs Meer. Nachemr Kaffi ufem Balkon, semer de ad Promenade abe go spaziere, spontan hets de no e Abstecher ine schöne Park geh. Uf die 5i semer de go Picknick för morn ikaufe ond zrög is Hotel go Dusche. Uf die 7ni semer de bide Waterfront acho, det semer de nochli entlang gschlenderet ond hei d Lüt beobachtet😄😃. Bevor mer de is 1. Resti send, det semer ad Bar vertröstet worde, nach 45 Min o d scho fast halbi 9ni, heimer aber de doch langam Honger gha, de Kellner het eus aber no ke Tisch gha. Also esch de Stefan korz is Resti gegeöber go froge ond e ha det gwartet falls doch epis frei wör wärde. Glöcklecherwis, heisi em 2. ufgsuechte Resti grad Platz gha ond so beni au zo desem Resti öbere. Det heimer e schöne ond feine Obe gha. Ufem Heiweg hed d Alina de chli ehri Lachafäll becho, so dasmer hed chöne meine sie heigis Bier tronke ond de Stefan seig nöchtern gsi😄😄ups🤪🫣 aber meh seit ja Lache esch gsond😉. Dehei heimer eus de müed ond lachend bettferti gmacht ond send de schnell em Bett gsi, wos för eus jetzt höchsti Ziit esch zom pfuse, morn gohts nehmli weder früeh uf😍😃, guet Nacht🌟🫶Read more