Die letzti Nacht uf de Garden Route

Höt Morge semer uf die 8ti uf ond hei gmüetli Zmörgelet ond alles zämepackt. Nachedem mer alli euse 7be Sache im Auto verstaut hei, hets no e korze Morgespaziergang i eusem Quartier geh. Alles esch nochli verschlofe gsi sogar s Wetter hed zode Morgestemmig passt. Es hed eus biz as Schwizerwetter erinneret, grau in grau😄.
Nach eusem Spaziergang esches de los gange rechtig Mossel bay, det weimer höt döre Tag biz d Kösteregion erkunde. Womer de det acho send, het au de Himmel ufdo ond mer hei be Sonneschiin eusi chlini Köstewanderig chöne gnüsse😍☀️🌊.
Weder zrög bem Auto esch bereits halbi 3 gsi, euses nöchste Ziel esch es Café en Riversdayl gsi, da esch öpe 1h Fahrt vo Mossel bay entfernt ond öpe ide Hälfti vo eusem no vor eus legendem Weg gsi bis zo eusem hötige Zielort. Nacheme Kaffi, heimer eus de a die letzti Etappe gmacht ond send tüüf is Land ine, öber Feldwege heimer de eusi Onterkonft erreicht, "Anna's Farm" ond ja genau da esches. Höt schlofe mer emne wonderschöne alte Farmhuus. D Anna hed eus härzlech Begrüesst ond eus alles zeigt. Nach de Akunft semer zerst mal uf die wonderschöni Veranda ghocket ond hei d Ussicht gnosse. Plötzli hets eus aber glich no d Entdeckigslost packt ond mer send nochli id Felder use. Hüehner, Vögel, Schaf ond sogar emne Has semer begegnet. D Obesonne hets ganze Land om eus so schön belüchtet. Uf die 7ni hets es typischs afrikanisch Znacht geh ond mer cheu säge, eis vode beschte Ässe wo mer do en Südafrika gha hei. D Anna hedsech meh als öbertroffe mrt ehrne Kochkönst. Nacheme feine Znacht ond ehre fröschr Duschi, semer de nomol biz usegsässe ond hei de Tiergrüsch zueglost. Bevors jetzt för eus rechtig Bett goht. Guet Nacht zäme🌟.もっと詳しく