Reimposta ricerca
Auszeit
  • Alessia Gürber
  • Andy Kiser
  • Alessia Gürber
  • Andy Kiser

Auszeit

13 Monate unbezahlbare Erinnerungen ❤️☀️ Leggi altro
+15
SeguiPanoramicaPanoramicaCalendarioCalendarioFotografieFotografieCondividiCondividiLista dei desideri
Prima i più nuovi
  • Auszeit

    Wandern zwischen Schafen🐑

    12 maggio 2022, Irlanda ⋅ 🌧 10 °C

    Hellohello🙋‍♀️
    Höt hemmer en Abschwänker gmacht ond sed weder es bezzli is Landesinnere gfahre. Ganz gnau in Rechtig Killarney Nationalpark. 🌲🌳
    Uf de Fahrt do he semmer bimene Fine Food Lädeli verbi cho met alles regionale & sälbergmachte Produkt. Das womer scho gässe hend esch super lecker gseh & ufs Andere fröiemer üs😋. Einisch meh, hemmer i dem Lade weder d Fröndlechkeit ond Offeheit vom irische Volk döffe gspöre🤗. Sehr toll!
    Am Nomitag hemmer denn en chlini Wanderig gmacht uf de Strickeen⛰️, en Hügel uf 440müM 😁. Zoberst obe hemmer paar heftigi Windstöss vom Atlantik abbecho, devör esches troche blebe.    Leggi altro

    Guarda la traduzione
  • Auszeit

    Tag 40!😲

    17 maggio 2022, Irlanda ⋅ ⛅ 13 °C

    Woow, scho 40 Täg semmer onderwägs ond huusid i eusem Wohnmobil🤗. S chond üs gar noned so lang vor..ond glich fühlemer üs sehr wohl i eusem aktuelle, nöie Dehei😁.
    Noch dem mers die letschte paar Täg eher chli gmüetlech gno hend, g wäsche ond chli potzt..semmer höt ufem Wild Atlantic Way wiitergreist ond grad a mehrerne Ussechtspönkt verbi cho📸. Met vöu Wend ond ab ond zue paar ☀️-Strahle hemmer de hötigi Tag gnosse.
    D Bridges of Ross ond de Loop Head hemmer höt bsuecht. S Carrigafoyle Castle am Samstig.    Leggi altro

    Guarda la traduzione
  • Auszeit

    Cliffs of Moher

    19 maggio 2022, Irlanda ⋅ ⛅ 11 °C

    Wöus gester Nomitag us Chöble gschöttet hed🌧, hemmer euse Bsuech bide Cliffs of Moher uf höt verschobe. Ond wöumer die letschte Täg d Erfahrig gmacht hend, dasses oft am Morge no schöner☀️ esch, hemmer weder einisch en Wecker gstellt.
    Üse Plan esch gseh am 8i uf de Bu, zo de Cliffs ond denn am Klippepfad entlang zrog zom Womo z Laufe🚶‍♀️🚶‍♂️.
    Wöumer d Bushaltestell ned grad sofort gfonde hend hemmer en Frau denoh gfrogt, wo grad vo ehrem Morgeschwomm🏊‍♀️ zom Auto gloffe esch. Sie hed eus denn erklärt, dass das do ufem Land alig ned so secher seg, öb d Büs fahrid oder ned..vorallem au well noned Hauptsaison esch. Sie hed üs gfrogt womer denn he wetid ond ohni gross z öberlegge gseid mer selid iistige, sie brengt eus det he🤗. Einisch meh semmer dankbar för die Fröndlechkeit vo dene Ire🇮🇪. Bide Cliffs acho hemmer zerst mol paar Fotis gschosse..mösse luege, dass eus ned devo wendet🌬😅 ond hend üs denn am Klippepfad entlang uf de Wäg gmacht. Mer hend super Wätter ond herrlechi Ussechte döffe gniesse🤩. Die letschte Kilometer send de Stross entlang gseh, das hät ned ombedengt mösse sii hemmer gseid zonenand. Wies de Zuefall denn hed welle semmer vo 4 Lüüt agsproche worde, wo grad det ade Stross zomne Van usgstege send. Die hend welle wösse öbs möglech seg bis zu de Cliffs z Laufe. Mer hend gseid jo ond sie hend sech vo dene Beidne im Van verabschedet ond gseid sie laufid ufe ond träffed enand de spöter weder. Das esch üsi Chance hed de Andy gmeint ond die hemmer packt😅! Dank dem liebe, amerikanische Päärli hemmer die 1-2 Kilometer de Stross entlang au chönne omgoh🤗!    Leggi altro

  • Auszeit

    Galway City

    20 maggio 2022, Irlanda ⋅ ⛅ 14 °C

    Genau vor 6 Woche semmer losdüset ond etz höt in Galway onderwägs. Fast chli komisch weder mol innere Stadt z si🤭.
    Höt esch chli dör d Stadt schländere agseid ond gäge Obe gods denn weder wiiter.
    S Wätter esch noch wie vor irisch onberächebar..3 Minute Räge ond de plötzlech weder stahlblau😄🤷‍♀️.    Leggi altro

    Guarda la traduzione
  • Auszeit

    Dublin

    23 maggio 2022, Irlanda ⋅ ☁️ 13 °C

    Noch guet 2 Woche Westküste, hemmer üs entschede ad Ostküste z wächsle. Drom hemmer üs gester Vormittag uf de Wäg gmacht noch Dublin. Do gniessemer etz no de Obe, hend fein Gässe ond tauchid etz nomol chli is Publäbe iih. 🎶
    Morn gods denn rechtig Nordirland.    Leggi altro

    Guarda la traduzione
  • Auszeit

    Tollymore Forest & Belfast

    24 maggio 2022, Irlanda del Nord ⋅ ⛅ 13 °C

    Hello again🙋‍♀️
    Noch dem mer in Dublin fein gässe gha hend ond denn no d Pubs erkundet, semmer zrog zom Womo gange. Eigentli esch de Plan gseh, dasmer grad det Öbernachted womer eh scho Parkiert gha hend. Wo de aber grad i dem Momämt wo mer zrog cho send, 3 super cooli Teenies s Gfühl gha hend sie mönd die ganz Stross entlang alles omerüehre wo ned agschnüert esch (au uf die Parkierte Autos😠), hemmer üs omentschede ond send förd Nacht chli us de Stadt usegfahre. Mer hend ke Lost gha z Nacht denn uf z mösse..wöu so wiesi üs gmosteret hend womer näbem Womo gstande send, hends secher dänkt "mer chömid de nomou zrog!" 🤷‍♀️
    Am nöchste Morge semmer denn witergfahre zom Tollymore Forest Park. Det hemmer bi dörzognem Wätter e schöne Spaziergang gmacht. Fast semmer verrägnet worde🙈☔️.
    Routetechnisch semmer vo det us uf Belfast ond au die Stadt no go aluege. Das wellmer de Norde no wend gseh ond d Fähri noch Schottland denn in Larne nänd..das esch oberhalb vo Belfast.
    Mer hend i allne 3 grosse Städt jewils sehr Glöck gha met de Parkmöglechkeite. Ond randaliert worde esch zom Glöck au nonie a üsem Dehei uf Räder😇.    Leggi altro

    Guarda la traduzione
  • Auszeit

    Slieve League

    26 maggio 2022, Irlanda ⋅ ⛅ 11 °C

    Mer send nomou ganz ad Küste gfahre, no en Teil vom Wild Atlantic Way ond d Slieve League Klippene go bestuune. S Ufelaufe esch wäg sehr starkem Gägewend ned emmer ganz eifach gseh😅🌬. Dobe hemmer üs de zom Teil rechtig mösse gäg de Wend Stemme ond s Handy guet hebe. Söst häts de schön verwackleti Belder gä. D Ussecht hed sech uf jede Fau glohnt. S Wätter hed au metgmacht. Rechtig uuf to heds de womer weder am abelaufe gseh send.☀️Leggi altro

    Guarda la traduzione
  • Auszeit
    1

    Gap of Mamore 🌅

    28 maggio 2022, Irlanda ⋅ ⛅ 11 °C

    Üsi letschti Nacht in Irland hemmer bim Gap of Mamore Ussechtsponkt verbrocht. En schöne Obe ond en no schönere Sonneondergang hemmer det döffe gniesse. Mer bleckid uf fast 4 Woche Irland zrog ond chönds nor wiiterempfähle! 🤩
    Jo, es rägnet zwor regelmässig..das füehrt aber dezue, dass das Land do alles so lüüchtend Grüen esch. Vöu tolli Erläbnis hemmer döffe sammle i dene Woche, send gspannt uf die letschte Täg in Nordirland ond fröied üs denn uf Schottland 🤗.    Leggi altro

  • Auszeit

    Nordirland

    31 maggio 2022, Irlanda del Nord ⋅ ⛅ 11 °C

    1 Monet semmer in Irland onderwägs gseh ond chönd meteme vollpackte Rocksack met tolle Erläbnis ond Erennerige zrogblecke🤩🇮🇪.
    Die letschte Täg hemmer in Nordirland verbrocht. Do paar Idröck devo...
    D Ruine vom Dunluce Castle.
    En Whiskeydegustation i de Bushmills Distillery🥃.
    De Giant's Causeway (Damm des Riesen), das send mehrheitlech sächseckige Stei wo bis zu 12 Meter höch chönd si. Entstande segid die dör Lava.
    Ond diversi Ussechtspönkt entlang vode Küste.
    Üses nöchste Ziel esch Schottland🏴󠁧󠁢󠁳󠁣󠁴󠁿. Mer send gspannt was üs det alles erwartet🤗.    Leggi altro

    Guarda la traduzione
  • Auszeit

    Glasgow

    2 giugno 2022, Scozia ⋅ ☁️ 18 °C

    Mer send guet in Schottland acho ond s hed üs relativ us ersts uf Glasgow zoge.
    Sehr en idröcklechi Stadt, met vöu Sehenswördigkeite aber au schöni Bar's ond Cafe's womer d Ziit schnöu vergesst.
    Binnere Hop On Hop Off Sightseeingtour hemmer vöu öber die Stadt ond s Läbe in Glasgow erfahre💡.
    Glasgow seg bekannt för ehri Wandbelder. Die gsehdmer au wörkli fast i jedere Stross ond send wonderschöön🤩. Puuri Konst!    Leggi altro

    Guarda la traduzione
  • Auszeit

    Highland Games 🏋‍♂️👯‍♀️

    4 giugno 2022, Scozia ⋅ ☀️ 18 °C

    Vo Glasgow us semmer witer gfahre noch Balmaha. Vo det us hemmer en chorzi aber sehr schöni Wanderig zom Conic Hill gmacht. Dobe acho semmer metere wonderschöne Ussecht öber d Landschafte ond de Loch Lomond (en See) belohnt worde🤩.
    Noch dere Wanderig semmer rechtig Helensburgh, womer de höt d Highland Games send go luege. Sehr idröcklech das mol z gseh.
    En kulturelle Alass met Diszipline wie Chogelwärfe, Hammerwärfe, Baumstammwärfe oder schottische Tanz. Au en Chliformation met Dudelsäck ond Trommele esch debi gseh.
    Au en Stand, bekannt be üs met Dosewärfe, heds gäh..nor hend sie do uf Porzellansache gworfe😅. E riise Krach heds gmacht ond mer hends natürli au welle usprobiere.    Leggi altro

    Guarda la traduzione
  • Auszeit
    1

    Glenfinnan Viaduct - Tag 60!

    6 giugno 2022, Scozia ⋅ ☁️ 20 °C

    Gester Obe hemmer plötzlech no Bsuech becho. Nor paar Meter entfärnt hend sech 6 Hirsche uf de Wäg gmacht zom go Bädele🤗🦌.
    Höt semmer witergreist noch Glenfinnan.
    D Harry Potter Fans onder üs mössted die Brogg eigentli grad erkönne😁🪄.
    En chorze Spaziergang ond mer hend e tolli Ussecht gha uf d Brogg & gwartet bis de Zog chond.    Leggi altro

    Guarda la traduzione
  • Auszeit
    1

    Isle of Skye

    7 giugno 2022, Scozia ⋅ ☁️ 15 °C

    De hötigi Tag hemmer uf de Isle of Skye verbrocht. Es Ahängsel am schottische Festland. Es seehr es schöns Ahängsel🤩.
    Bim erkonde vo dere wonderschöne Landschafte chondmer sech mängisch vor wie bi Hobbit oder söst innere Felmkulisse, eifach schön.
    Mer hend Ussechtspönkt wie de Fairy Glen, the Quiraing one d Fairy Pools agstüret. Aber au ufem Wäg zo dene jewilige Pönkt hemmer onglaublech vöu gseh! S Wätter esch einisch meh genial gseh☀️, so gar ned schottisch🤗.    Leggi altro

    Guarda la traduzione
  • Auszeit
    1

    NC500 🏴󠁧󠁢󠁳󠁣󠁴󠁿

    10 giugno 2022, Scozia ⋅ ☁️ 16 °C

    Acho ide Highlands vo Schottland ond onderwägs uf de NC500.
    Wemmer z Schottland i Norde ufe wet, chondmer gar ned om die Stross ome. Es esch nämlech zomene Grossteil die Einzig oder ämu secher die Einzig womer metem Wohnmobil dörechond. Dementsprächend chammer sech au gar ned Verfahre🙌.
    Schöni Landschafte wäret de Fahrt oder bi Spaziergäng, onändlechi Flächene vo Natur ond öppe weder en Hersch chond üs vor d Lense📸. Au fahremer emmer weder a schöni Buchte he, Klippene oder die bekannzere Smoo Caves.
    Gspannt was no alles chond düsemer wiiter uf de NC500.    Leggi altro

    Guarda la traduzione
  • Auszeit

    Inverness

    12 giugno 2022, Scozia ⋅ ☁️ 14 °C

    Weder chli wäg vom höche Norde, fahremer höt uf Inverness.
    Die letscht Nacht hemmer zwor en tolle Platz gha zom Freicampe, wells aber emmer meh esch cho Wende heds ned so vöu Schlof gä😴.
    Ned so tragisch..am Morge am 7ni heds deför no fast kei Verkehr uf de schottische Strosse😁.
    Noch Inverness semmer ufne Camping am Loch Ness. Weder einisch Wäsche esch agseid gseh🧺. S Wätter hed ämu passt dezue. Wäremer go Laufe, wäremer im 10 Minute Tackt verrägnet worde🥴.    Leggi altro

  • Auszeit

    Highland Folk Museum

    13 giugno 2022, Scozia ⋅ ☁️ 14 °C

    Noch Inverness ond emene met Räge dörzogne Tag am Loch Ness semmer höt fast 100 Johr id Vergangeheit greist.
    S Highland Folk Museum zeigt, wie d Schotte ide Highlands die letschte 100 Johr gläbt hend.
    Leider esch momentan ned alles zuegänglech, wels no Stormschäde hed zom Teil. Trotzdem sehr idröcklech gseh😁.    Leggi altro

  • Auszeit

    Edinburgh 🏴󠁧󠁢󠁳󠁣󠁴󠁿 - Day 70❗️

    16 giugno 2022, Scozia ⋅ ☁️ 21 °C

    Mer hend die schottische Highlands definitiv hender üs gloh ond send noch Inverness, Aberdeen, Perth ond Stirling höt in Edinburgh gseh. För üs definitiv eini vo de schönste Städt womer bis etz gseh hend🤩.
    Du laufsch dörne Stross, typischi Hüser uf bedne Site, Pflasterstei onder de Füess ond de seid öper, du segsch ufere Brogg..🤔🌉. Jo, wenn de nämlech mou neume zwöschet abe luegsch merksch, dass die eigentlechi stross öppe 15 Meter onder der döre god ond du tatsächlech ufere Brogg stohsch.
    Ned nor das..au die vele grüene Pärk ond eifach de Charme vo dere Stadt esch de Wahnsenn. Mer hend üs die bekannteste Fläcke dörne Bustour lo zeige ond hend d Gasse z Fuess erkondet.
    Im World of Illusions hemmer üs ned nor met Illusione omegschlage, sondern hend vode Dachterrasse au en tolle Bleck öber d Stadt chönne gniesse.    Leggi altro

    Guarda la traduzione
  • Auszeit
    1

    Lake District☀️

    20 giugno 2022, Inghilterra ⋅ ⛅ 20 °C

    Die letschte paar Täg hemmer im Lake District verbrocht. Bi de Akonft no bewölkt, heds de aber gäge Obe scho schön ufto🌅. Am zwöite Tag semmer noch Boot gfahre ufne National Trust Campsite. Inmette vo Grüen ond emene Bach. Chum semmer do acho, esch au d Sonne emmer meh vöre cho.
    Mer hend en chorzi aber sehr schöni Rondwanderig gmacht. Verbi cho amene Bärgseeli hemmer onde im Tal en Dampflocki ghört🚂.
    Am drette Tag hed sech de Andy gwönscht au met dere Dampflocki go z Fahre😁. Mer send denn metem Zögli dörs Lake District bis uf Ravenglass gfahre ond zrog met de Velos bi super Wätter.
    De Nomitag hemmer bim Sönnele ufem Camping gnosse☀️🤗.    Leggi altro

  • Auszeit

    Liverpool

    22 giugno 2022, Inghilterra ⋅ ☀️ 19 °C

    Mer send ufem Wäg, emmer wiiter südlech. Höt heds üs uf Liverpool glockt.
    Bim Plätzli womer die letscht Nacht verbrocht hend, semmer am Morge meteme ältere Päärli is Gspröch cho. Die hend de welle wösse womer no döre gönd ond hend üs sofort gseid womer in Liverpool selid go Parkiere🤗. Dem Rot semmer gfolgt ond dementsprächend zo de Liverpool Marina gfahre. Die hend do 14 Womoplätz, sehr zentral gläge för d Stadt ond s hed sogar Duschene🙌. Do mer jo au langsam sommerlechi Temperature hend, esch das suuper.
    De Vormittag hemmer meteme Bsuech rond om s Stadion Anfield vom FC Liverpool verbrocht ond send de am Nomitag is Stadtzentrum chli go Schländere. Super schöne Spaziergang a de Docks entlang vom Parkplatz bis zum Stadtzentrum.    Leggi altro

  • Auszeit

    Manchester ⚽️

    24 giugno 2022, Inghilterra ⋅ ☁️ 20 °C

    Acho in Manchester, semmer us ersts zom Old Trafford Stadion. Det esch en Tour planet.
    Go Amälde, Tickets becho, en digitale Füeherer becho ond de eschs los gange met de physische Füehrer dör s Stadion. Eine zvorderst, dese z henders. Dass au jo niemmer cha verlore go🫣.
    Die erste Gäng entlang zo de Stäge wo eus ufd Sir Alex Ferguson Stand brocht hed. Scho ide Gäng enne hedmer plötzlech de Groch vo Knobli🧄 ide Nase gha. Mer hend dänkt das esch öppe das, wos im Restaurant zom z Mettag gä hed oder so🤷‍♀️. Womer de aber uf dere Tribüne acho send heds nomeh noch Knobli gschmöckt ond euse Guide hed scho gli gfrogt wasmer do schmöcked. D Erklärig för de Knobligschmack esch aso ned d Chochi gseh, sondern en Maschene wo de Rase pflet. Knobli sell es Wondermettel sii förne gueti Rasepfleg☝️.
    Witer eschs gange zo de Omkleidekabine. Vo det us hemmer de grad dör de "Tunnel" chönne laufe, wo au d Speler aligs laufid för ufs Spellfeld. E chorze "Tunnel" esch das..aber sie laufid jo de aligs glich no gnueg😄. Ämu es Paari🤭.
    Spannend eschs gseh das Enneläbe zgseh ond au die verschedne Tribüne. Secher au sehr speziell es Spel z gseh aber die cheibe Tschüteler send grad alli ide Ferie🤷‍♀️☀️.
    De zwöiti Tag hemmer ide Stadt verbrocht.
    Wer s Gfühl hed ide Schwiz heigemer vöu Boustelle, sell mou uf Manchester ine Fahre🥴. Au ide Fuessgängerzone ond drom ome heds ei Boustell am andere gha. Aber söst eigentli en schöni Stadt. Chli dör d Gasse gschländeret semmer, bevor mer denn euse nöchsti Schlofiplatz agstüret hend😁.    Leggi altro

  • Auszeit
    3

    Birmingham

    29 giugno 2022, Inghilterra ⋅ ⛅ 17 °C

    Noch dem mer die letschte 2 Täg im Freizitpark 'Alton Towers' verbrocht hend, semmer höt in Birmingham gseh.
    Noch dene velle Loopings semmer höt mol weder im Bode noh.
    Mer send dör d Fuessgängerzone gschländeret, ane Fröchte-/ ond Gmüesmärt gloffe, au ine Märthalle ine (wonech de aber öppe weder use ha welle👃🐟🐙) ond schlossändlech in China Town glandet⛩️🧧.
    Noch dene turbulänte Täg🎢, rechtig gmüetlech.    Leggi altro

  • Auszeit
    1

    London 👑🇬🇧

    2 luglio 2022, Inghilterra ⋅ ⛅ 22 °C

    De krönendi Abschloss, vo üsere Reis dör Grossbritannie, esch London.
    Das hemmer eigentli vo Afang ah gwösst.
    Mer send ufeme Camping osserhlab vo de Low Emission Zone. Das esch secher omwälttechnisch ned s Dömmste ond au för üsi Närve ned, dör dä Verkehe döre😅.
    Drom semmer höt Morge bi ziite losglaufe för a Bahnhof (ca. 30Min.). Nochdem eschs metem Zog nomol 30Min. gange ond mer send bide Liverpoolstreet Station acho. Vo det us hemmer z Fuess scho einiges chönne besechtige. Onderanderem send üs riiesige Glastowers, sofort ufgfalle. Ganz ongwohnt, do in England.
    Üse Wäg hed üs witer gfüert ad Themse. Det entlang semmer denn spaziert bis zo de Towerbridge ond em Tower of London. Es esch rechtig agnähm gseh, wels am Vormitag noned so vell Touris ufd Strosse zoge hed😄.
    Vo det us semmer denn mol met Bus oder Underground ond au z Fuess natürli zo de andere Sehenswördigkeite witer gange.
    Per Zuefall semmer am Borough Market verbi cho ond das esch super gseh! Alles frösch ond au velles wod grad hesch chönne Ässe. Det heds de z Mettag gä ond mer hend sogar Raclettechäs gfonde😋.
    Au per Zuefall oder meh wäg de luute Musig semmer no plötzlech ad Praid Parade änegloffe🏳️‍🌈. Au das super toll gseh, während üsem Londonbsuech.

    Mer hend met London e tolle Abschloss gha vo üsere Reis dör Grossbritannie ond send scho gspannt was üs ide nöchste Länder erwartet🤗.    Leggi altro

    Guarda la traduzione
  • Auszeit

    Hallo Holland🇳🇱

    4 luglio 2022, Olanda ⋅ ⛅ 20 °C

    Am 4. Juli semmer met de Fähri vo Dover weder noch Calais zrog. Vo det us semmer meteme Boxestop in Belgie, zum Ichaufe ond Tanke diräkt is Tolpeland gfahre🌷.
    En sehr nätti Holländeri, wo en Privatcamping duet bewarte, hed üs de au ändlech weder mol gueti Neuigkeite bzgl. üsem "Gasproblem" gä.
    Mer hend nämlech in Irland en Gasfläsche kauft, well de Verkäufer üs versecheret het, dassmer die au z England chön retour gä...dem war dann wohl nicht so..🤷‍♀️. Wöusi üs niemmer abgno hed ond s Pfand ned uszahlt, hemmer si haud metgno. Dasmer aber im WoMo ned förige Platz hend ond dem entsprächend ned no e dretti Gasfläsche wend chaufe, esch klar gseh. Dank Google semmer ebe uf dä Privatcamping gstosse, hend üses Glöck probiert ond send he gfahre. Völlig simpel ond en Sach vo paar Sekonde ond die bede Gasfläsche (womer debi hend) send weder volle gseh🤗🥳. Bim Campe chonsch hald ohni Gas eifach scho gaar ned wiit.
    Guter Laune hemmer üs denn es schöns Plätzli gsuecht..ond au gfonde. En usgschelderete Wohnmobilplatz zom Öbernachte, also völlig legal. De Obe hemmer bi tollem Wätter lo usklenge ond üs vo de Tagesstrapaze ond de Fährifahrt erholt☀️.
    Gester (5.7) semmer denn ufne Camping ide nöchi vo Den Haag gfahre. Mer send fasziniert vo all dene Velowäge. Völlig abseits vo de Stross, dassmer nor sälte es Auto moss chrüze🙌. Einisch meh semmer bimene Spaziergang im Dörfli abe Märt äneglaufe ond hend super feine Pesto-Chääs postet😋🧀.    Leggi altro

    Guarda la traduzione
  • Auszeit

    Den Haag

    7 luglio 2022, Olanda ⋅ ☁️ 19 °C

    En gmüetleche Tag hemmer in Den Haag verbrocht. En schöni Altstadt met vellne Cafes. Au en grosse Chääslade hemmer gfonde met sehr feine Kreatione😋.

    Guarda la traduzione