Santiago de Compostela

Nachdäm mir gester ufemnä tollä Zäutplatz si acho, s' feins Curry hei ggässä u Cinema Alj hei gnossä, simr hüt am Morgä ufgstangä – u si erchlüpft! Äs isch riiiichtig chaut gsi u nass. Äs het Näbu gha u gägä Morgä isch diä Näbunessi u dr Tou uf üs abätropft. Richtigä Herbschtmorgä! D' Sunnä het i au derä Trischti aber äs Schouspiu bbotä: dür ihres Liecht hei d' Toutropfä glitzeret wie kostbarsti Perlä u d' Sunnästrahlä heisech dür Bletter u Escht kämpft.
Mir si när it Stadt gloffä u hei dert ä Typ troffä, wo sit 6 Jahr am Reisä isch, mit Outostopp, ÖV, abr vorauem z' Fuess! Im Schnitt machter pro Monet 1300km – u das äbä praktisch aues z' Fuess! Krassä Typ mit viu spannendä Gschichtä.
Witr heimr eigendlech it Kathedralä wöuä, da hättemer aber so lang müessä aahstah, dasmrsä vo ussä hei bestuunt u när witr si.
Z' Stedtli isch o widr charmant, mit ganz viunä schmaalä Gässli u chliinä Lädeli.
Nach Zmittag u Glacä simr de ufä Camping u vo dert uf Allariz. Morn göhmr de uf Portugal.Read more