Oukersdag 2016

Elke goeie dag begin met 'n draffie...ons almal het vroeg omgekap gisteraand en ek was dou voor dag wakker van die lig en 'n paar vrolike kinders wat gesels. Ek het nog so 'n versie geslaap tot kwart oor ses toe spring ek in my tekkies in, en hardloop tot by die die sandblow, 'n paar moeilike bulte breek my bietjie maar die kilo in die natuurreservaat is verskriklik mooi.

Terug by die huis help ons coolers pak, kinders organiseer ens. Net voor 9 is die 4x4 tyd, wiele afblaas en ons ry op die elle lange rainbow beach tussen groot sandduine en plekke waar dit so half en half 'n canyon maak langs die see. Ons kry 'n perfekte stopplek waar daar min bakkies sodat dit nie 'n uitdaging met die kinders is nie. Ons maak 'n brunch op die strand, baljaar in die vlakwater saam Alyssa en Connor . Ek lees bietjie my beachhut verder en wees net....

Ek was oortuig ons het die kinders gedaan gespeel, maar hulle was almal soos opwen muise en ek en Roedolf is die enigstes wat poegaai is, ek lees 'n bietjie tot my oë toeval.

Na my recharge sessie gaan loop ek 'n draai deur die winkeltjies en verken die dorpie so bietjie. Daar is 'n oulike paar plekkies. Defnitief 'n koffieplek waar ek wil gaan kuier.

Terug by die huis is dit amper persente tyd...Читать далее