Similan eilande

Blou blouer blouste!! Oral bo en onder die water is sulke dramatiese klippe asof "iemand" dit to gepak het, dis verstommend mooi. Die hele area is 'n natuurreservaat en bewaarde gebied, ten minste kan ek sien die Thai mense probeer darm 'n bietjie hulle omgewing oppas, dis maar alles in opvoeding en om mense bewus te maak van die impak wat hulle op hulle area het. Een van die gidse het vanoggend 'n praatjie gegee oor klein goedjies wat mens kan doen, soos as jy 'n water of koeldrank koop het jy nie 'n strooitjie in 'n plastiekomhulsel in 'n plastiesesak nodig nie, jy kan die koeldrank net so neem en in jou handsak druk.

Ek is beindruk met die duikplek, hulle doen waar moontlik alles ekovriendelik. Die seep, shampoo en konditioner wat hulle verskaf het 'n neutrale PH en nie kan dus nie die alkaliteit van die see beinvloed nie. Meeste mense dink dis net global warming wat koraal bleiking veroorsaak, maar wisselvallige alkaliese vlak veroorskaak dit ook. Hulle gebruik plaaslike produkte en het groot waterkanne om duisende leë plastiek waterhouers te beperk. As jy uitwerk hoeveel gemors hul net daardeur spaar deur hulle organisie oor die duikseisoen so te behartig is dit 'n reuse verskil.Read more