ZoLe in Island | FindPenguins

Najpierw najnowszy

Rozpocznij wyprawę
21 lutego 2023
ZoLe in Island Podróżnik
Reykjavik
21 lutego 2023, Islandia ⋅ ☀️ 16 °C
Mir startä üsi Reis vo Bärn nach Züri-Flughafe- mitemne zimli chlinä Flugzüg geits nach Kopehage & vo dört us verwütsche mer perfekt üse nächst Flug nach Island.
In Island acho, suechemer üses Outo womer nid diräkt gfungä hei aber nach churzem loufe het o das klappet.

Üse Dacha Duster 4x4 wird üs die nächste 10Täg dür Island füerä.
D‘ fahrt zu üsem 1 Hotel ca. 90‘ wird zum erstä Highlight vo üsnä Feriä. Mir wärdä mit dr Abesunne empfangä woruf ä wunderbare Sunneungergang folgt.
D Zoe aus Bifahrer probiert di erstä Idrück fest z haute, wo bi me die Landschaft fasch nid cha i Wort fassä.

Im Hotel Amar acho, seit üs die nätti Dame am Empfang ds dr Hotpot und d‘ Saune bis 23:00 offä het. S‘ isch grad dämmerig woruf mir üs entschlossä hei die schöni Stimmig/ und Reis im Hotpot la usklinge z‘lah.

Im Aschluss es leckers Dinner (sogar mitmne vegane Menü was d‘ Lena natürlech glücklech macht).
& zäggg gheiemer sehr müed is Bett und schlafä lang. Czytaj więcej
Zobacz tłumaczenie
1 lajk
ZoLe in Island Podróżnik
Snaefellsnes
22 lutego 2023, Islandia ⋅ ❄️ -1 °C
Nachemne grandiose Frühstück im Hotel heimer wieder packt und si losgfahre richtig Westä. Ds Wätter sehr bewöukt/ rägnerisch/ windig/ Schnee, d‘Sunnä hets leider nid dürrä gschafft. D Strasse meh oder weniger gäbig befahrbar mit teilwis meh u teilwis weniger Schnee. Stou heimer bis iz no nienä gha.
Hüt ufdr suechi nachere klassische Touristä- Attraktion „Kirkjufell“. Dr bekannt Berg us Game of Thrones. Bim Parkplatz acho heimer ersch gmerkt wie windig dases eigentlech isch… Di meistä Mönsche si nid dussä sondern dinnä im Outo gsi. Mir hei d Skihosä etc. agleit u hei üs när ufe Wäg gmacht. Zersch e klassische Wäg mit de Touristä u när no chli ä witteri Tour queer dür d‘ Landschaft. Womer gmerkt hei ds d Skihosä dürre löh sie mer de langsam wieder zrügg zum Outo.
No ca. 20‘ bis zu üsem Cottage.
& jetzt mal entspannen und prossecölen. 🥂
Und nid vergässe ufwerme 🥶
Vo witem gsemer e Wal im Meer, isches äs würklech einä heimer üs gfragt. D‘ Nachbare o am Fenster mitem Feudstächer (die hei einiges besser gmacht aus mir).
Mir wüsses bis hüt nid, aber luut Google isch Snaefellsness sehr bekannt für dsme Wale gset.

Zum Z‘Nacht e eifachi leckeri Pasta & dr Abe la usklingä.
Was morn ufem Programm steit wüssemer nid usert dasmer nomau e Nacht hie wärdä blibe. 🏠 Czytaj więcej
Zobacz tłumaczenie
1 lajk
ZoLe in Island Podróżnik
Ólafsvík
23 lutego 2023, Islandia ⋅ ☁️ 1 °C
🐋🐋🐋
I üsem gmüetleche Cottage heimer üs Gedanke drüber gmacht wasmer a üsem „freiä Tag“ wei ungernäh.
Gstartet het dr Tag mitmne gmüetleche Yoga.
Nach längerem Überlege und Google heimer usegfunde dass im Februar eini vo dä beschtä Zytä söu si zum Wale z beobachte.
Am Morgä isch z Wätter so dürrzogä… nach längerem Überlege & mne usgibigä Z‘morgä heimer üs entschidä die Tour z‘buechä.
Am 2i ischs losgangä.
Womer in Ólafsvík achömä heimer scho viu Mönsche gse u dsmer e Azug bechöme- woruf mir üs unendlech fescht gfröit hei & natürlech ghofft das mer ganz viu Wale gse.
Womer mitm Schiff usem Hafe si gfahrä heimer aues no lustig gfungä… dr Wäuegang isch scho denn zimli starch gsi.
Sie hei afah d Asag machä wie me sich mues verhaute ufm Schiff & dsmä sich immer mues häbe. Öppe 2‘ speter hets dr eint ufe Bode gleit wöuer sich nid ghäbt het… öppe 30‘ später isch di ersti Person wiss agloffä hingere.
Mir hei iz Meer usegluegt und Usschou ghaute wie aui.
Nach ca. 1h isch dr erscht Buckelwal entdeckt wordä.
Nach paar Minute däm zueluegä hani gmerkt dses mer nümm so guet geit..
Zoe het gfunge si chunnt o mit mir inä. I ha mi ufe Bank gleit und 2h gwartet bismer ändlech zrügg im Hafe sie..
d‘ Frou het geng wieder gseit oh, look at 2pm there is a humback wale playing with some delfines… Zoe und ig luegä üs mit haub offnige Ouge u düe sä wieder zue😂
Am Schluss heimer fescht drüber glacht u sie froh gsi heimer wenigstens ei Wal gse.
Im Supermarkt es Cola & es Buechstabesüppli und d Wäut het scho wieder besser usgse:) Czytaj więcej
Zobacz tłumaczenie
1 lajk
ZoLe in Island Podróżnik
Geysir
24 lutego 2023, Islandia
Mir mache üs hüt langsam vom Weste ufä Weg richtig Oste… mitmne Zwüschestopp bim Geysir inkl. Übernachtig.

Mir hei üs chli übere Golden Circle informiert was ja e riesä Touristä- Attraktion isch & när glich gfunde mr gö zum Gullfoss (Wasserfall) & när is Hotel ga icheckä und vo dört z‘Fuess zum Geysir.
Geysir isch ä heissi Quelle wo au paar Minute Wasser in Form vorä Fontäne usstösst.
Ds Hotel- wunderschön- stilvoll.
D Receptionistin het gmeint s gäb hüt bis am 18:00 Happy Hour. ds lömer üs de scho nid 2x la sägä.
Zersch ä Drink & när es wunderbars Dinner.
Ds Island nid günstig isch heimer gwüsst & hüt definitiv bim Znacht ässe gspürt. 💰
Früe gömer is Bett da morn e 6stündigi Outofahrt bevor steit. 🚗

Ds näblige, rägnerische, chaute Wätter heimer iz gse und hoffä uf paar Sunnestrahle🫣 Czytaj więcej
Zobacz tłumaczenie
1 lajk
ZoLe in Island Podróżnik
Höfn
25 lutego 2023, Islandia ⋅ 🌬 6 °C
Dr 25.02. startet früeh, 07:00 lütet üsä Wecker für dasmer in Rueh chöi düschälä & üs parat mache fürd witerreis.
S richhautigs Z‘morgä im Hotel Geysir für dsmer üsi 6stündigi Fahrt i agriff chöi näh.
Spontan fahrä mir bim Selijalandsfoss Wasserfall dürrä womer natürlech e chlinä Stopp hei igleit.
D‘ Füess chli verträtte und dä Imposant Wasserfall beguetachte.
Zimli viu Mönsche hets gha… e Rägezäue natürlech oscho wieder ober üs & mir pflutschnass. Nach ca. 1h simer zum Outo hei öppis warms trunkä & si witer gfahrä.

Scho lang heimer nümme so viu Räge erläbt zum Glück dörfe mer deckt und ar wermi si.
Gfüut 1000 Päss später chunnt plötzlech usem nüt e troumhafti Landschaft mit sogar Sunne.
Mir chöi üsne Ouge fasch nid trouä womer usem Räge fahrä und hei ungloublech fescht fröid.
Mir säge bir nächste Usfahrt gömer usä für dsmers churz chöi gniessä.
Per Zuefau isches dr Jökulsárlón Glacier Lagoon wome ufe gwautig Gletscher cha luegä.
D‘ Abesunne zouberet e Stimmig häre wo me nid cha beschriebä.
Wo sech d Sunne langsam hingere Wolke versteckt entscheidä mr üs zum witerfahrä.

Ca. 10‘ später gsemer rächts e wunderschönä schwarze Strand und grossi Wäue.
O dört heimer aghaute und dä Moment gnossä.
Womer zrügg bim Outo si fragt einä öbmer die Skulpturä gse heigä u mir hei gfragt was fürigi?
Är het gmeint da sig dr Diamond Beach wo sehr spezieui schöni „is - Skulpturä“ sött ha. Leider hetmä sä a däm Tag nid gse.

In Höfn acho üsem „günstigste“ Hotel vor Reis erklärt üs d Frou ar Reception dsmer im 3. Stock sigä und d‘ Stäge grad hinger üs😂
Mir hei scho dänkt wieso üs di Mönsche ir Lobby so aluegä…
E nätte junge Typ het de gfunge er treit üs üsi Köffer ufä🤣
Obä im Zimmer acho heimer gse dsmer sogar Meerblick hei. Wieso ds Hotel so günstig isch heimer zu däm Zitpunkt no nid gwüsst.

E Pizza zum Z‘nacht es Glas Wissä zur Erholig. Di Reis het einiges mit üs gmacht, müed simer beidi gsi.
Ar Reception heimer ihm gseit är söu üs alütä wenn dr Aurora- Alarm isch.
Mir si ca. 21.30 müed ga schlafä.
23.00 tschädderet ds Telefon im Zimmer so lut ds heimer beidi no nie erläbt.
3x hingerenang hets glüttä, aber am Telefon het niemer gredt. Mir beidi „liecht- gnärvt“ überlege wasmer iz söue. Dussä isch nüt sichtbar, wie o bi denä vilä Liechtiflüss.

Üses chline Tröimli laht üs la ufstah und no einisch is Outo sitzä. ohni Plan simer losgfahre ine richtig wos dunku isch. Nöime usgstigä heimer när beschlossä dsmer wieder zrügg is Bett gö.
Zrügg im Hotelzimmer ghöre mer üse Bettnachbar schnarchlä, mir hei beidi vor übermüedig nurno glachet u hätte am liebstä grännet - das iz ou no.🤪😄
So isch dä läng Tag z‘ Änd gangä. Czytaj więcej
Zobacz tłumaczenie
1 lajk
ZoLe in Island Podróżnik
Höfn
26 lutego 2023, Islandia ⋅ ☁️ 6 °C
26.02.2023, mir hei usgschlafä und probiert üs z‘ erholä.
Bimne Z‘mittag ire Spuntä am Hafä und mne käffeli heimer üs entschiedä morn e Gletscherwanderig z buechä.
Mir si beidi chli erschlagä vo dä Idrück & vom Reislä.
Drum weimer doch d Zit i üsem Hüsli ga gniessä.
da mir zum Glück früecher dörfä Icheckä gömer dä verrägnet Tag ga la usklingä lah und mau wieder öppis „gsunds“ chochä🤪.

Bidä bewärtige vo Aurora Cabins üsi Unterkunft für hüt Nacht, steit mehrmalig dases e super Spot sig zum Polarlichter z‘gse…

Ds Aurora App seit üs ds mä d Polarliechter iz bi üs sött gse- leider hets z viu Wolke wo üs d Sicht wieder verdeckä🥺. Czytaj więcej
Zobacz tłumaczenie
PodróżnikOh nei! I drücke euch beidne fest dr Dume das dir Polarliechter gseht! 🍀🤍
28.02.2023OdpowiedzTłumaczyć
1 lajk
ZoLe in Island Podróżnik
Skaftafell
27 lutego 2023, Islandia ⋅ 🌫 4 °C
11:30 Träffpunkt in Skaftafell fürd Gletscherwanderig. 1h 30‘ heimer gha bis dört häre.
D Zoe isch bitzeli nervös gsi, aber i ha natürlech öppis liechts buechet😁
Mä het sich bimne Hüsli troffä wo när aues erklärt isch wordä und mir d Usrüschtig hei chönnä apassä.
Ä Heum, Stigisä, Picku, Gstäutli.
Zersch ä chlini Information über d Gletscherwäut & när ischs inä Bus wo mir richtig Gletscher gfahrä si.
Dr Bus (Off Road) hets zum Glück gschafft di nid so toll befahrnigi Strass z überquere.
Bir Akunft het üsä Guide dr Hendrik scho uf üs gwartet.
När simer churz chli über Gröll ufe gloffä & hei d Stigisä montiert.
Plötzlech stömer scho ufem Gletscher.
Wunderbar di gwautigi Isch- landschaft. Czytaj więcej
Zobacz tłumaczenie
0 lajki
ZoLe in Island Podróżnik
Island Vik
27 lutego 2023, Islandia ⋅ 🌬 7 °C
in Vik acho, gömer ga ichoufä für när e gmüetleche Abe i üsere Wohnig.
Ds mer tolli Unterkünft hei buechet ds heimer gwüsst aber das heimer scho nid grad erwartet.
E prachts Wohnig, so gmüetlech u schön designet.
Üse „Prosecco“ womer no hei gha vom Dutyfree isch alkohoufrei gsi, was natürlech nid plant wär gsi aber mir chöis bekanntlech o lustig ha ohni aukohou🤪.
Am Abe no e Film uf Netflix und sehr wahrschinlech ufem bequemste Bett ever ischlafä. Czytaj więcej
Zobacz tłumaczenie
0 lajki
ZoLe in Island Podróżnik
Reykjavik
28 lutego 2023, Islandia ⋅ 🌧 6 °C
Nachem Uschlafä heimer lecker brunchet.
Ds Wätter wie jede morgä sehr näblig/ bewölkt/ rägnerisch.
Mir entscheidä üs nachem uscheckä no a reynisfjara beach z‘ gah. Dört wär dr Sunneufgang Spot gsi…
Riesä Wäue und natürlech wieder mau viu Touristä wo Fotos schiessä.
Nur churz simer dört- wöu mir wei ja langsam aber sicher richtig Reykjavík- um dört üsi letstä Täg z verbringä.

Ig bi ungloublech Happy wemer in Reykiavik acho si und mir nümme wit müessä fahrä, langsam hani z Outo fahre chli gse und i dänke d Zoe aus Co- Pilot o😅

Direkt ir Mitti vo Reykiavik befindet sich üsi härzigi Wohnig (überraschend mit Chuchi).
Ds Fahrä ir Stadt wird müesamer aus ufem Land, isch o hie nid anders..

Mir machä üs ufd suechi nacherä Happy Hour & schlendere dür d Stadt.
Uf dr suechi nach öppis wo chli iheimisch würkt heimer tatsächlech ä Bar gfunde mit mehrheitlich Iheimischä plus Happy Hour bis 20:00😁.

Plötzlech womer per Zuefau dussä stöh, gsemer wie Mönsche hin und här rennä. Wo mir ufä luegä gsemer e chlini Aurora, ganz fiin wöus ir Stadt sehr häu isch.
Mir si ganz ufgregt uf hüt Nacht, gsemer se iz ändlech mau no richtig oder söus nid si?

Da mir d hoffnig allei ir Dunkuheit Plätzli suechä wome Polarliechter gset chli ufgäh hei probiere mers no mitere Tour womer buechet hei.
Wo mir 21:30 richtig Busstation loufä, wo dr Träffpunkt isch, hets ca. 200 Mönsche…

4 Car chöme, d Näme wärdä ufgrüeft u de darfmä i Bus istigä. Im Car 3 dörfe mir inä…
Nach 45‘ fahrä und paar Erklärige über Polarliechter, wie sie entstöh/ wases brucht dasme se gset etc. chömemer a üsem Platz ah.
D Mönsche verteile sich guet mä cha irgendwo häre wos eim gfaut.

Sehr bewölkt isches plötzlech was hüt no nid viu dr Fau isch gsi. Chaut, windig bruchtmä seeeehr viu Geduld.
2h später ca. 00:30 hets plötzlech agfangä.
Und was när passiert isch säge gloub üsi Biuder gnue.
Mir heis eifach nur gnossä ds Naturspektakel dörfe z‘ erläbe.
03:30 simer mega happy ändlech im Bett. Czytaj więcej
Zobacz tłumaczenie
0 lajki
ZoLe in Island Podróżnik
Reykjavik
1 marca 2023, Islandia ⋅ ☁️ 6 °C
Mir hei z Glück gha nach dere churzä Nacht i üsem Hotel dörfä uszschlafä.
Gäge 14:00 heimers när mau id Stadt gschafft. womer chli dür d‘ Strasse gschlendert si & glädelet hei.
Reykjavik isch gar nid so gross wie mir üs das vorgsteut hei.
Mitmne liechtä hüngerli loufe mir dür d Strass & gse plötzlech beidi dr Ramen Momo. 🍜
Mir luegä üs glichzitig a u frage üs gägesitig öb dr anger ds o so gern het. Mir hei d Kartä düregläse & o da fingemer wieder e vegani Option. (Für d’Veganer isch auso ufem Land wie o ir Stadt immer öppis uf dr chartä.)
Wede i ds Restaurant ine loufsch ischs gfüut chliner aus üses Schlafzimmer & d Schibe vom Dampf agloffe.
Mir hei z Glück u s het grad es Plätzli gäh.
Herrlech isch ds Ässe gsi, no es letsts mau i üsi „Stamm-Kneipe“ bimne Schiff versänke es Bier/ Glas Wi trinkä. Czytaj więcej
Zobacz tłumaczenie
0 lajki
ZoLe in Island Podróżnik
Sky lagoon
2 marca 2023, Islandia ⋅ ☁️ 7 °C
Dr zwöit letst Tag vo üsere Reis steit bevor.
Mir hei vore Iheimischä wo hie wohnt üs la berate lah und üs gäge d Blue Lagoon entschidä.

mir hei es 7 Step Retreat ir Sky Lagoon buechet.
Zersch zeme packä und uscheckä.
Unextra heimer üses Parkticket nid verlengert und e Buess becho… Nach längerem informierä heimer se chönnä ir Bank ga zahlä.

Ir Sky Lagoon heimers üs chli la guet gah & näbst gfüut 100 Touristä wo aui am fötele si gsi. si mir di einzige im Wellness gsi ohni Handy & heis eifach gnossä.
E spezieuä Ort isches definitiv, und mit Abstand ds schönste Wellness woni je gse ha.

Mir fahrä när is Flughafä-Hotel für üses Gepäck abzladä und bringä när ds Outo zrügg.
Klappet aues ribigslos, zrügg im Hotel no einisch Znächtle & när dr Wecker uf 04:00 steuä..😴 Czytaj więcej
Zobacz tłumaczenie
0 lajki

Koniec wyprawy
3 marca 2023