Medellin

Mir nimmet vo San Gil us weder en Nachtbus nach Medellin. Das mal verlauft aber ned alles so riibigslos.. Ahgfange bim Taxi zum Busterminal San Gil, womer nachdem euse wahnsinnig ghässig Taxifahrer nach 15min. Weg sueche dur di verkehrsüberlastete Strasse eus churzerhand am Strasserand wedr abstellt und mir uf es neus Taxi müend warte, het euse Bus de ca. 30min Verspätig zum Abfahre. Mir stiege in Bucamarangua ufe nächst Bus nach Medellin um. 23.40Uhr gahts ziemli pünktlich los. Leider für ned allzu lang. Völlig im Dunkle und ohni Info sitzt euse Bus locker mal 3h am gliche Ort fest. Erst bi bereits erste Sunnestrahle, wird emal Türe vum Bus uftah und nachegfragt was lauft. Durs Gwitter hets Strass blockiert, die werd etz fängs mal gruumet. Endli mir fahre...
I 15min settemr Medellin ahcho, dLorena leit hoffnigsvoll shomal zSchueh ah. Wiiteri 1.5h später Ankunft in Medellin🤣

In Medellin unternimmemr en sehr spannendi Tour durd Komuna 13, vor es paar Jahre eini vo de gefährlichste Viertel Südamerikas. Mittlerwiile Hotspot für gfüehrti Touritoure mit viel Graffiti, musikalische Darbietige und Essenständ. Mir sind sehr beidruckt.
Mir mache na e Usflug zum Park Arvi, Naturschutzgebiet und bummlet chli durs Viertel Poblado. 😊Read more