Guatapé

Nur 2h usserhaub vo Medellin befindet sich Guatapé. Es esch recht touristisch aber eus, vorallem de Lorena, gfallts mega. Ned nur sStädtli mit all siine künstlerische und farbige Fassade, sonder au die rundume liegendi Landschaft esch eifach "spectacular" 🤗

Mir verbringe endli mal wedr en ganze Tag ufem Velo. Zerscht fahremer wie ufemne Passsträssli uf San Rafael abe, gö mitm Bös zrug und mache de am Nami na es chlises Rundfährtli vo eusem Hostel us. Mir werdet treu vom Hostelhundi ufdr ganze Tour begleitet🙊🥰

Ir nechi vom Hostel hets e chline Hoger womer am Abe no churz ufeloufe und scho mau e ersti Ussicht ufe See und ds Städtli gniesse.Read more