PERU - Huanchaco

Mir reise is Land Nr. 7 🎉
PERU 🇵🇪

Nachme lange Nachtbus, womer am 2i ir Nacht vo Ecuador uf Peru über dGrenze gö, chömemr im bekannte Surferort Mancora ah. Obwohl mir mit Sunneschii begrüesst werde, gfallt eus die sehr touristisch und lärmigi Stadt ned. Mir mache eus imne wiitere Nachtbus bereits nach eim Tag zügig wiiter richtig Süde. Mir lande in Huanchaco. Ebefalls emne Surferort. Das chline Städtli und sHostel hingege gfalle eus so rechtig guet. Es isch trotz liechtem Tourismus na sehr authentisch bliebe. Die Iheimische fische am morge vo Hand nach Muschle und Lobster und gö am Namitag mit ihrne Caballito de totora ("kanu") nach grössere Fische go angle.

Mir blibe ganzi 10 Täg🤗
Verbringe Ziit mit Surfe, Yogalektione (sogar de Tim💪), Usflüg, plane und Zügs erledige 😊
(Leider gits vum Surfe imerna ke Footage)Read more