Huaraz

Huaraz ligt zmitzd i de Ande uf über 3000 mü.M. und isch drum e guete usgangs Ort für grossi und chlini Wanderige.
Da mir leider bizli am chränkele si und üses hostel nid so ihladend isch zum lengers blibe, entscheide mir üs nur für zwöi Tageswanderige. ☀️🥾🏔️

Di ersti zum mau luege wis so geit mit dr Höchi isch 12km und unter dr 4000er Gränze. Si geit zumne Ussichtspunkt wome uf dStadt und di ihdrückleche umligende Bärge gset.

Di zwöiti isch zwar nur 8km aber derfür höcher gläge und es geit steil ufe. Scho nach paar wenige Schritte merkemer dHöchi, ds Härz pumpet und dLunge schaffet.
Trotzdem schaffemers ohni Höhechrankheit zur Laguna Churup uf 4450mü.M. Dert gömer sogar no am See entlang witer und ufe zum nomau höcherglägene Churupito (4550mü.M.) 🥵Read more