Tyhjennä haku
Mit Rucksack um die Welt
  • Free your mind
  • Surf your life
  • Free your mind
  • Surf your life

Mit Rucksack um die Welt

462-päiväinen seikkaillu — Free your mind & Surf your life. Lue lisää
+9
SeuraaYhteenvetoYhteenvetoKalenteriKalenteriValokuvatValokuvatJaaJaaToivelista
YhteenvetoKalenteriValokuvat
  • Mit Rucksack um die Welt
    1
    11Eini vode vellne Nachbarsinsle5Eusi Ussicht2Verusse gits auna es Bett🤗Es wird ufgstockt, immer vorzue do sTotora mitdr Zit absinkt🙈2Public school, au ufere us Totora erbaute Insle1JuanSogar esse chamer ds Totora2Eifach unde ar Wurzel wiene Banane schäle😅🍌1Ufm Totora Kanu am fische2DUsbüüti😅

    Titicaca See - Uros Insle

    10. joulukuuta 2022, Peru ⛅ 16 °C

    DLorena het Geburtstag, zu ihrem 29. leistemer eus 2 Übernachtige ufere Uros Insle bi Iheimische. All Insle sind us Totora (en Art vu Schilf) erbaut und schwümme ufem Titicaca See. Euse Gastgeber de Juan und sini Familie si wahnsinnig nett und verzelle eus velli spannendi Facts.
    🎂😊🎉

    I dere Comunity wohne ca. 1500 Lüt uf 120 Insle. Uf dene läbe jewils 2-3 Familie. Unter enang redesi Aymara, Spanisch und hüt zu tags o Englisch lerne si ersch ir Schuu. Sit de Spanische Eroberer ums Jahr 1500 gits di Inslene. Das Totoramateriau mues aui 2-3 Jahr ersetzt werde, wüus mit dr Zyt dr Uftrieb verlührt. Si boue denn eifach e witeri schicht obe druf.    Lue lisää

    Katso käännös
  • Mit Rucksack um die Welt
    1
    1

    Rückblick Peru

    11. joulukuuta 2022, Peru ☁️ 13 °C

    Mir hei grad na Glück und verlönd ds Land rechtzitig🙈 Nachdem dr aktuell Peruanisch Präsident am gliche Tag abgsetzt und is Gfängnis gsteckt wurde isch, gits direkt Unruhe und Proteste im Land. Mir chöme mit über das im Moment ds Land stillstaht und Touriste festhocke. De Machu Picchu isch zue, de Zug und Buss fahre nümme und de Flughafe in Cusco isch gsperrt😬🙈

    Während eusere Reiseziit het eus Peru aber sehr gfalle. Wunderschön vode Landschaft, e Traumdestination für Wanderfans und e erhalteni spannendi Kultur usdr Inkaziit. I ke anderem Land treffemr uf so velli Andelüüt, agleit mit riiese Wickelröck, hohe Sombreros und farbige Tragtüecher. 🏔️🥾🏄‍♂️☀️🏄‍♀️🚞⛰️    Lue lisää

    Katso käännös
  • Mit Rucksack um die Welt
    2Usblick uf Copacabana vom Cerro Calvario
    2Usblick uf Copacabana vom Cerro Calvario12Isla del Sol☀️111

    BOLIVIEN - Copacabana

    13. joulukuuta 2022, Bolivia ☁️ 11 °C

    🇧🇴 Bolivien - Land Nr. 8 🇧🇴

    Mitem Tuktuk fahremer di letsche paar meter ad Grenze zu Bolivie. Dert bechömemer ohni ahstah und nüt dr Usreisestempu vo Peru, gö zfuess 200m witer is Migrationsbüro vo Bolivie und einzige womer dert müesse mache füre Ihreisestämpu isch ine Kamera inegrinse 😁
    Mitem Colectivo geits denn no bis nach Copacabana.

    Copacabana isch ufe erst ihdruck nid grad dr schönst Ort, vorauem trüebt üs o ds wätter bizli. Es ligt immerno am Titicaca See, dr höchst schiffbar See vor Wäut (3810 mü.M.)
    Weme dr Legände vo de Inkas gloubt, denn isch i dem See dSunne gebohre. Mir mache e wunderschöne Tagesusflug zur Isla del Sol und loufe vom Norde vor Insle bis i Süde.    Lue lisää

    Katso käännös
  • Mit Rucksack um die Welt
    Rundfahrt ir schwizer Gondelbahn
    Rundfahrt ir schwizer GondelbahnHäxemärit2Ds Chaos besteit nid nur uf de Strasse

    La Paz

    17. joulukuuta 2022, Bolivia ☁️ 14 °C

    Mir reise wiiters nach La Paz. Weder mal e Grosstadt... Üs blibt vorallem dStadtfüehrig mit sehr interessante Infos, die huufe Märite und dSchwiizer Gondelbahn in Erinnerig😅 Schön finde düemr Stadt aber ned, näbst 2 Touristrassene, hets e huufe Gstank, Abfall und Chaos.

    Ir Stadtfürehrig erfahremer, dases zmitzd ir Stadt es Gfängnis het wo insgesamt ca. 3000 Lüt läbe (inkl. Familie). Nachemne richtige Gfängnis tönts für üs aber nid, mir si zimlich schockiert. Geld isch Macht. Wer Geld het cha sich es Luxusloft für 3000.- pro Monet leiste mit Jacuzzi und Flatscreen Tv. Wohne duetmr zeme mitdr Family. Wer ke Geld het, zahlt 50.- und wohnt mit mind. 3-4 Familie zeme uf engstem Ruum. Als wer das ned gnueg, gits sogar eigeti Wahle wo dChefe erwählt werde. Wer ke Geld het muess schaffe. Näbe de normale Jobs, gits au e huufe Jobs im Drogehandel. Durnes Fenster im Obergschoss werde regelmässig Cocain Päckli usem Fenster zu Kuriere ufd Strass abegschosse. Usbreche wett usdem Gfängnis schinbar au niemerts. Sicherheitsvorchehrige sege zwar lausig abr dLüüt blibe trotzdem. Nach dene Facts für eus au ned verwunderlich... Wo esch da dRegierig?!

    Witer geits ufe Märit, wo vorauem Froue us dr Aymara Kultur ihri Produkt ahbiete. D Bechleidig vo dene isch sehr traditionell und so usgleit das si müglechst attraktiv würke. Das heisst für sie: e grosse farbige Rock zum dHüft betone, gnueg churz dasme ds schönschte Körperteil vo de Aymara-Fraue no gset....dWadli 😅. Mit ihrem Höche aber zchline Huet ufem Chopf sägesi us, öps si scho vergäh si. Wenn ja, denn isch dr Huet grad obe druf, wenn ned, denn isch dr Huet schreg ufem Chopf. Usserdem heisi zwöi längi Zöpf us ihrne dunkle Haar gflochte und zum die no chli lenger und schöner la würke, gits e Art vo "Extensions" i Form vo Bömbel dri.

    Denn gits no dr Häxemärit. Dert chame für jedi art vo Beschwerde es Heilmitteli choufe. Und me fingt o aues wome brucht fürnes Opferritual, unter anderem Alpakaföte....    Lue lisää

    Katso käännös
  • Mit Rucksack um die Welt
    WM Finale luegemr während em warte ufs Collectivo
    WM Finale luegemr während em warte ufs CollectivoSamaipataCasa de TarzanZoologico el refugio2Mirador el CerroDr Garte vom Hostel

    Samaipata

    20. joulukuuta 2022, Bolivia ⛅ 21 °C

    I dene paar Täg vor Wiehnachte machemer nüme viu. Mir entscheide üs ines chlises abglägnigs Dörfli ir nechi vom Dschungel zga.
    Uf dr länge Busfahrt vo La Paz nach Santa Cruz rägnets nonstop. In Samaipata gniessemer aber es paar schöni und ruhigi sunnigi Täg womer einisch ines Refugio für Tier gö, einisch ufne Ussichtspunkt loufe und am Abe Spili spile.
    Mir si imne familiäre Hostel mit schönem Garte.    Lue lisää

    Katso käännös
  • Mit Rucksack um die Welt
    Feliz Navidad
    Feliz NavidadSucre, wiisi KolonialstadtSopa de Mani1Wiehnachtsbrunch2Praliné 🤤Wiehnachtsmenu, selber gmachte Stocki🎉

    Sucre - Wiehnachte

    24. joulukuuta 2022, Bolivia ⛅ 22 °C

    Wiehnachte fiiremr in Sucre, de Hauptstadt vo Bolivie. Euses schöne Hostel organisiert füre 24. es gmeinsams Dinner, dekoriert de Garte schön und laht Wiehnachtsmusig us Boxe ab 😊 Es wird e huufe Gschwätzt und Speli gspielt. 🎶🎁🥂
    In Sucre machemr wie so oft e Stadtfüehrig, gö an Märit go lokal Esse und erkunde suscht echli dStadt. Zu Wiehnachte lütemer natürli auna diheime ah🤗☎️

    Frohi Wiehnachte allne, schön dasmer eusi Reis es stückwiit mit euch döffe teile ☺️❤️🎄    Lue lisää

    Katso käännös
  • Mit Rucksack um die Welt
    Salzäbeni
    Salzäbeni1161💞

    Uyuni - Salt Desert I

    26. joulukuuta 2022, Bolivia ☀️ 15 °C

    Es isch eis vo de Highlights uf üsere Reis dür Südamerika. D Landschaft chunnt üs surreal vor. Zäme mit üsem Guide Marco und 4 andere Touriste fahremer dür Salzäbeni und Wüestene. Mir gse Vulkän, Geysire, farbigi Lagoone und verschidnigi Tier unterwegs.

    Am erste Tag simer vorauem ir Salzäbeni, chöme am Cementerio de Trenes verbi, mache lustigi perspektive Fotis und loufe über d Isla Incahuasi mit ihrne grosse Kakteeä. 🦙🦊🌵    Lue lisää

    Katso käännös
  • Mit Rucksack um die Welt
    Laguna Cañapa
    Laguna CañapaVulkan OllagueLaguna Chiar Kkota2Zmittag mit Ussicht uf d LaguneVisachaEs windet fest und isch chaut🥶😅Arbol de PiedraLaguna colorada2Bim Geysir dampfts und brodletsAm morge früeh vom dritte TagLaguna verde. Uf dr hindersite vo dem Vulkan ligt Chile11

    Uyuni - Salt Desert II

    27. joulukuuta 2022, Bolivia ☀️ 9 °C

    Am zwöite Tag geits scho früeh am morge los, es wird e länge Tag mit viu schöne Landschafte zum bestune. Mir chöme a verschide farbige Lagoone verbi und gse immer mau wider idrücklechi Vulkän, Geysire und Felsformatione. 🌋🦙🌵

    Am dritte Tag fahremer no e letschde Teil düre Nationalpark bis ad Gränze nach Chile.    Lue lisää

    Katso käännös
  • Mit Rucksack um die Welt
    Gässli
    GässliUnterkunft2Gläceli gnüsse3Sternehimmel

    CHILE - San Pedro de Atacama

    30. joulukuuta 2022, Chile ⛅ 25 °C

    🇨🇱 Chile - Land Nr. 9 🇨🇱

    San Pedro de Atacama esch sehr touristisch. S'het en huufe Souvenir- und Schmuckständ sowie Toureverastalter. Bizli müed vode velle Idrück vor Uyuni Tour, gnüsse mer dWärme, choche fein und spiele Pingpong 🏓 😅
    Überall esches sehr trocke und staubig aber mir finde s'Städtli interessant😊 Mir merke au grad dass mer imne neue Land si, es esch alles bereits viel organisierter und türer hie in Chile im Verglich zu Bolivie.    Lue lisää

    Katso käännös
  • Mit Rucksack um die Welt
    Mhh richtig feini Pizza 😁
    Mhh richtig feini Pizza 😁Silvester🎉😅Mit Tessa und Brüetsch am Sushi esse 😊2Eini vo de chilenische Spezialitäte: Hot Dog Completo 🌭 😆Mit dr Cecilia bim znacht😊

    Santiago de Chile

    4. tammikuuta 2023, Chile ☀️ 30 °C

    Nach 24h Busfahrt chömemr am 31. erst am abe in Santiago ah. Anstatt feins esse und Füürwerk, gits für eus nume Popcorn im Bett und en Chämpis chlöpfe😅 Mir freue eus glich sehr ufs kommende Jahr ;)
    In Santiago heissts für eus plane und Entscheidige treffe wie wiiters. Do mir ke Chuchi hend, essemr die meisti Ziit uswärts 💰 Mir gö mit dr Tessa, wo mer siit eusem Panama Segeltrip kenne, und erem Brüder go esse und übernachte na 2 Nächt binere Bekannte usdr Schwiiz. 😊    Lue lisää

    Katso käännös
  • Mit Rucksack um die Welt
    Vulkan Villarrica
    Vulkan VillarricaUnterkunft1Lunita🥰VelotourliBädele

    Pucón

    8. tammikuuta 2023, Chile ☀️ 25 °C

    Mir fahre witer i Süde und es wird immer wi grüener. Pucón isch es chlises aber touristischs Dörfli amne See. Ds wätter isch summerlech warm wimer das vor Schwiz kenne. Drum ziets hie im Dezember, de Summerferie vo de Chilene, o ganz viu Iheimischi häre. Usserdem isch a dem Wucheend no grad e Triathlon ufgrund vo dem all Strasse gsperrt si.
    Mir mache es Velotourli, gö im Fluss go bade und gnüsse die lange helle abige 😊    Lue lisää

    Katso käännös
  • Mit Rucksack um die Welt
    Vorbereitig ✔️
    Vorbereitig ✔️Los gaht'sDie erste Guanakos 🥰Zmittag ufgrund vu starkem Wind im Auto1Pali Aike Nationalpark🥾1Ahkunft am 1. ÜbernachtigsplatzZnacht chöcherle112Stellplatz Tag 1Am nächste morge... 😍As erst's mal es Kaffi🙊Ahkunft Übernachtigsplatz 2Stellplatz 24Idrück Tag 1 & 2

    Roadtrip Patagonie - Tag 1 & 2

    15. tammikuuta 2023, Chile ☁️ 18 °C

    Nach so viel Mönet emmer mit Bus und i Hostels unterwegs si, entscheidemer eus ds wunderschöne südliche Patagonie na mit em Auto zerkunde. Do Hochsaison esch, gits ke Uswahl meh bide Autos, sgit wases git. So wirds en SUV, wo mir aber im Nachhinein super froh sind drum. In Chile isch es sehr sicher und mir dörfe 9 vo 10 Nächt im Auto ir freie Natur übernachte. 1 Nacht verbringemer na imne warme schöne Airbnb.
    Am Tag 1 gaht's bereits wunderschön los. Mir fahre in ned touristische Nationalpark Palie Aike und gsehnd ufm Weg dert here, Schafherdene, en huufe wildi Guanakos mit Junge (wildi Art vo Llamas) und Nandus (Strusse). Fürne Stund teilemr eus sAuto na mitme argentinische Hitchhiker, wo im Füürland wohnt. Im Nationalpark machemer zwei chlini Wanderige bevor mir s'erste Übernachtigsplätzli sueche. Mir hei grad wahnsinnig Glück und verwütsche en wunderschöne Spot. Flamingos tummle sich im Teich, zeme mit Gäns und Möwe, Feldhase hopplet überd Wiese, Guanakos graset friedlich und löh sich au vum verbi schlichende Fuchs ned störe. Imne chline Unterschlupf, gschützt vorem Wind, laht sichs gäbig choche und ihkuschlet i eusne Schlafsäck im Auto, gaht de erst erläbnisrichi Roadtrip Tag zEnd.
    Tag 2 startet früeh mit Sunneschii, früsche Temperature und herumhockende Adler. Mir mache eus ufe Weg richtig Tierra del Fuego. Mitdr Fähre setzemr ufd Insle über und fahre bimne chline Dörfli verbii. Churz Wasser und en Peperoni ichaufe, wiiter gaht's. Mir chönd ufdr Fahrt erneut e huufe Tier beobachte. Euse Übernachtigsplatz findemr ufere Näbestrass direkt binere grosse Schafsherde, ir Wiiti gsehtme na ufs Meer. Es windet fest und fürs choche versteckemr eus im Windschatte vum Auto. So gaht de zwoit Tag ebefalls rasant verbii. Die Nacht wirds chalt im Auto und sPiji wird mitdr Daune Jacke ufgstockt😅    Lue lisää

    Katso käännös
  • Mit Rucksack um die Welt
    Üses Zmorge gset jewils so us, Kaffee und Avena
    Üses Zmorge gset jewils so us, Kaffee und Avena1KaiserpinguineDürs Fernrohr no chli vo necherBieberGratis Stellplatz am Lago BlancoZorroWildi RösserKarukinka NationalparkWanderig 1Es feins Picknick zum ZmittagBiberbauCamping bim ParkihgangChurzi Wanderig am füfte TagÜbernachtig 5Di sechsti Nacht mau wider imne Bett😍Airbnb in Puerto Natales1

    Roadtrip Patagonie - Tag 3-6

    17. tammikuuta 2023, Chile

    Am dritte Tag vo üsem Roadtrip bsuechemer e Kaiserpinguin Kolonie und fahre denn witer zum Lago Blanco🐧. D Landschaft wird bizli hügeliger und waldiger. Am Lago Blanco löhmer üs de zur dritte Nacht ufemne gratis Stellplatz nider. Dert hets ganz e hufe neugierigi Füchs.🦊
    Am nächste Morge fahremer zum Karukinka Nationalpark und mache dert e Wanderig, womer Guanakos vo ganz näch, Vögel und Bieberbau gsehnd. Bim Ihgang vom Park hets e chline idyllische Camping wo üs so guet gfaut, dasmer dert di 4. Nacht verbringe. Näbst üs hets fast ke anderi Lüt. DSunne schiint warm und es windet usnahmswiis chum
    🥾☀️
    Am füfte Tag verlöhmer d Tierra del Fuego und mache üs, nachere churze Wanderig ufe Weg nach Puerto Natales. Mir fahre wieder mitde Fähri übere und si froh de Nami mit Auto fahre zverbringe, do's fasch dr ganz Tag regnet. Mir übernachte ufme chline Näbesträssli womer näbst Guanakos und Hase auna es Stinktier sichte 😅
    Tag 6, Ahkunft in Puerto Natales, Usgangort für i Torres del Paine Nationalpark. Dert buechemer es Airbnb und schlafe mau wider imne weiche Bett. DZiit verbringemer mit Ihtrittsticket und Campingplatz bueche für im Park.    Lue lisää

    Katso käännös
  • Mit Rucksack um die Welt
    Base Torres del Paine
    Base Torres del PaineWanderig 1, Mirador FerrierUfdr Fahrt zum CampingUssichtspunkt bim CampingCamping Pehoe1Am morgefrüeh vor Wanderig 2Base Torres del Paine, made it 🤗Ufm Weg zur Wanderig 3Salto GrandeWanderig 3Mirador los CuernosStellplatz 9Stellplatz 10Letschti Morge, namal Sichtig Delfine🐬🐬☀️🥾Zemefassig 10 Täg Roadtrip

    Roadtrip Patagonie Tag 7 - 10

    22. tammikuuta 2023, Chile ☀️ 4 °C

    Mir choufe e 3 Tages Pass füre ungloublech schöni Torres del Paine Nationalpark. Am morge nach dr Nacht im weiche Bett fahremer los richtig Ihgang. Scho ufem Weg dert häre gits immer wider schöni Ussichtspünkt.
    Am Nami mache mir de e ersti Wanderig am "Lago Grey" zum "Mirador Ferrier". Es geit 2h steil deruf. Obe ahcho hetme zwar e schöni Ussicht, wome aber nid lang cha gniesse wüus eim fasch vom Feuse windet. Wider unde, geits denn witer zum Campingplatz wo mir di nächste 2 Nächt wärde verbringe. Dr Camping ligt am wunderschöne "Lago Pehoe" wo, wenn dSunne ufs Wasser schiint, imne ungloublech schöne Türkisblau strahlet.
    Am nechste morge stöh mir bereits am 6:15 uf. Mir wei drum di längi Wanderig zum "Base de los Torres" mache und di grossi Mönschemasse umgah. Mir hei glück mitem Wetter und si zügig unterwegs. Für di 20km bruche mir nur 6.5h mit pousene.
    Dr 9. Tag gömer chli gmüetlecher ah und mache nurno e chlini Spazierwanderig, verbii am "Salto Grande" zum "Mirador Cuernos". Nachem Mittag fahremer wider zrüg richtig Punta Arenas und übernachte ufemne Gratisstellplatz mit Usblick ufs Meer.
    Am letschte Tag ischs Ziel na in Süde vo Punta Arenas zfahre. Ganz unerwartet gsehmer ufm Weg dert abe, vum Strasserand us, en huufe Delfine am jage😍 Au suscht esches namal sehr en schöni Strecki wo em Meer entlang füehrt. Churze Spaziergang und chli Sünnele, so gaht de letsht Tag vo eusem Trip zEnd. 🐬☀️    Lue lisää

    Katso käännös
  • Mit Rucksack um die Welt

    Rückblick Bolivia & Chile

    30. tammikuuta 2023, Chile ☀️ 32 °C

    Bolivie und Chile sind zwei sehr unterschiedlichi Länder.
    In Bolivie hets überall na ganz en huufe indigeni Lüüt, dKultur isch sehr stark dervo prägt, sie hend immer na en huufe Ritual und chleidet sich traditionell. Leider esch das Land wirtschaftlich ned guet gstellt und sie send offe sehr unzfriede mit ihre Politik. Vieles esch korrupt und au kes Gheimnis. Mir gnüsseds namal i die traditionelli Kultur ihztauche, verbringe Wiehnachte im schöne Sucre und sind aber au chli truurig über die viele fragwürdige Umständ i dem Land. Mitdr Uyuni Tour erläbemr namal en unvergässlichi Zyt bevors überd Grenze gaht.🎄🦙🌴🌵🏜️

    Chile esch wirtschaftlich guet gstellt und schiint kulturell stark vode Amis beiflussts sii. I jedem Zimmer hets e riese Fernseh, wo Tag und Nacht vor sich herelauft. Ide Supermärkte chame alles poste, wos bi eus inere Migros au git. Das findemer nume so mässig lässig, derfür cha eus Chile mit sine wunderschöne naturbelassene Landschafte überzüge. 😍 Mir sattle namal fliessig dWander"schueh". Patagonie und sFüürland beschere eus en sehr idrückliche Abschluss mit einzigartiger Natur und Tierwelt. 🐧🐬🦊🐑🦙🥾🏔️🚙☀️⭐🌬️

    Nach so vielne wunderschöne und spannende Iihdrück vo dem Kontinent, machemr eus biz wehmüetig aber glichzytig vorfreudig uf Richtig Asie. 🤗✈️    Lue lisää

    Katso käännös
  • Mit Rucksack um die Welt
    1
    1Im ahflug in TorontoBanh My, Baguette mit versch. FülligeTrain Street 🚂1Pho Suppe (zum Zmorge)Hoan Kiem See

    Vietnam - Hanoi

    2. helmikuuta 2023, Vietnam ☁️ 20 °C

    WELCOME TO ASIA

    🇻🇳 Vietnam - Land Nr. 10 🇻🇳

    Üsi letschde paar Täg in Südamerika verbringemer in Santiago und bereite üs ufne länge Flug vor. Es geit über Toronto und Tokyo nach Hanoi.

    Nach über 40h landemer ir nacht am 11i in Hanoi am Flughafe. Dert verlouft d Imigration ribigslos und sogar ds Gepäck hets bis da häre gschafft. Kulturell esches komplett anderst als in Südamerika. Mir finde all die neue Idrück und feine Grüch vode asiatische Chuchi super spannend und probiere grad mal möglichst velles us🤗 Hocke düend dLüt uf Chinderstüehli vorem "Resti" ufdr Strass. Au das findemr witzig und au gar ned mal so unbequem 😊 Do mir nur es 30 Tag Visum hei und soo viel möchte gseh, reisemer biz zügiger als gwohnt... Nach 2 Täg Sightseeing, Jetlag uskuriere, authentischs Streetfood probiere, reisemr bereits witer.    Lue lisää

    Katso käännös
  • Mit Rucksack um die Welt
    Cat Ba Insle41Euses Schiff9So fancy😅2So fein😊1Dark Cave1Affe 😍Euse Guide, BenFloating Village

    Ha Long Bay

    6. helmikuuta 2023, Vietnam ☁️ 19 °C

    Mir mache en 2 Tagestour dur die berüehmti Ha Long Bay mit ihrne Kalksteininsle. Anstatt vo Hanoi startemr allerdings vo Cat Ba us, e Insle ned wiit vum Festland entfernt. Nach ere Übernachtig ufdr Insle, werdemr am morge vo eusem Tourguide abgholt. Mir si e Gruppe vo 12 Lüüt, alles Europäer😊

    Am 1 Tag geits aus ersts mau is Wasser, das isch früschi 18°C, denn geits nachemne feine Zmittag ufs Kajak und am Abe nachem Znacht probieremer üs (leider erfougslos) im Squidfische.😅
    Nachere gmüetliche Nacht ufm Schiff machemr namal e Kajaktour ufdr Suechi nach Tier. Mir hei Glück und gseh es paar Affe mit Junge🤗 Nachme churze Schwumm, fahremr ufm Rückweg na amne Floating Village verbi bevor de Trip de bereits wedr zEnd geit.    Lue lisää

    Katso käännös
  • Mit Rucksack um die Welt
    2Sleeping bus 😅1Finke für ide Raststätt, im Bus ide SockeHomestayD Wanderig dür Dörfer vo Sa Pa1DChilli eusi GuidinSa Pa StadtMärit in Sa PaStreet Food1Cat cat Village2Chli usserhalb1Und nomau Street Food 🤤

    Sa Pa

    8. helmikuuta 2023, Vietnam ☀️ 18 °C

    Vo Cat Ba us reisemr mit emne Sleeping Bus nachli in Norde vo Vietnam nach Sa Pa. Das esch vorallem bekannt für sini schöne Riisfelder und authentische Dörfer. Mir übernachte 1 Nacht imne Homestay bir Lily und ere Familie. Sie wohne im einte vo dene vielne chline Dörfer direkt ide Riisfelder. Nachdem mer am erste Tag ned viel unternehme, laufemer am zweite Tag vu eusem Dorf uf Sa Pa Stadt ufe. Mir werde vonere lokale Guidin de Chilli begleitet, wo eus e huufe über ihres eigete Läbe und über Kultur vo hie verzellt. DLüt vum Land und vor Stadt läbe sehr unterschiedlich. Sie esch ganz e chlini Person und mir müesse euses Schrittempo ahpasse😅
    Mir verbringe no e Nacht in Sa Pa Stadt und gö am nächste Tag ds Cat Cat Village ga bsueche. Leider dunkts eus hie chli weniger authentisch. Im einte Teil chöme mir üs sogar chli vor wi imne Filmset, es het ganz viu asiatischi Touriste wo hie es Fotoshooting mache.😅
    Im Homestay gits es Family Dinner und ider Stadt essemr zweimal Street Food🤗    Lue lisää

    Katso käännös
  • Mit Rucksack um die Welt
    Tam Coc3Im Hintergrund gsetme scho dr Hang Mua Viewpoint41Bootstour in Trang An13Üsi Unterkunft

    Ninh Binh - Tam Coc

    11. helmikuuta 2023, Vietnam ☁️ 24 °C

    Erneut mitemne Sleeping Bus fahremer uf Ninh Binh. Üses Homestay (Guesthouse) isch aber bizli usserhaub in Tam Coc und het e wunderschöne Pool (womer leider ufgrund vom Wetter chum chöi nutze). Tam Coc esch ganz es herzigs Dörfli amene chline See. Unter de Touriste isches bekannt vorauem wüus e guete usgangspunkt für verschidnigi Aktivitäte isch.
    No am gliche Tag womer ahchöme, loufemer dür Riisfelder zum Hang Mua Viewpoint. Dert geits 500 Stägetritt deruf fürne wunderschöni Ussicht uf di ihdrücklechi Landschaft.
    Am zwöite Tag mietemer es Velo und fahre nach Trang An zum dert e Bootstour ufem Fluss mache. Die füehrt zu verschidnige Temple und dürne 1km länge natürleche Tunnel. 🛶 ⛩️🚲🐉    Lue lisää

    Katso käännös
  • Mit Rucksack um die Welt
    4Das mal verwütschemr en Kabine Bus
    4Das mal verwütschemr en Kabine BusDracheboot in HuePagodeMärit2Im Zug

    Hue

    13. helmikuuta 2023, Vietnam 🌙 27 °C

    Mir si leider echli ahgschlage und verchältet vode Klimaahlage ide Nachtbusse. Für 1 Tag machemer eus uf nach Hue, ehemaligi Kaiserstadt und Usgangspunkt fürne schöni Zugreis. Mir gö dPagode und de Märit gah besichtige, sii abr susht viel Zit im Hotelzimmer am uskuriere. Am nächste Tag nähmemr de dr Zug nach Hoi An. DStrecki führt entlang vo Riisfelder, em Meer und tropische Wälder. Näbst de schöner Ussicht, findemr au de Trubel im Zug inne recht spannend. Es git verschednigi Essenswägeli wo ah eim verbifahre, mal mit Suppe, mal mit Riis und Fleisch oder fast scho gwöhnlich es Kiöskli.Lue lisää

    Katso käännös
  • Mit Rucksack um die Welt
    1
    1Vo dene Läde wimmlets nur soSelber gmacht im Chochkurs😊4Eusi 4 Gricht, Fresh Spring Rolls, Pho Soup, Eggplant in Clay Pot, Banh XeoRiisfelder11Night Market, Street Food (a die hemr üs ned gwagt😉)1

    Hoi An

    14. helmikuuta 2023, Vietnam

    Das herzige Städtli isch bekannt für zwöi sache, gueti und günstigi Schnider und schöni Laterne&Lampions us Bambus und Stoff. Es het viu schöni Kafis und Restaurants, e guete Früchte und Gmües Märit, vili Streetfood Ständ, jede abe e Night Market und d Autstadt isch grösteteils Outo- und Töfflifrei. Es bietet sich aso super ah zum dür die mit Laterne und Lampions beschmückti Autstadt düreschlendere. Sobauds dunku wird, dLaterne i ane mügleche Farbe lüchte, chame ufem Fluss e Rundi mitere Lampion beschmückte Gondola dräie, oder es Cherzli ufemne Papierschiff la schwümme. 🏮🕯️🏮🕯️🏮
    Das ganze schafft e romantischi und kitschigi atmosphäre wo üs gfaut und o d Asiate vou druf abfahre.
    Womer am erste abe id Autstadt gö simer aso nid di einzige. Und denn faut üs no uf, das ja Valentinstag isch. 😅 🙈 💞

    Mir blibe grad ganzi 5 Täg 🙊🤗. I dene paar Täg isch wider bizli ruhiger im Städtli.
    Mir fahre mit de Velos ir Gegend ume, dür Riisfelder a de Buure und Wasserbüffle verbii, eimal sogar as Meer, mache e Chochkurs womer 4 verschidnigi vietnamesischi Gricht zuebereite und erkunde zFuess dAutstadt mit ihrne schöne Gässli.

    Je witer i Süde mir gö, umso meh entspricht ds Wetter dem womer üs hei vorgsteut gha in Südostasie.
    Heiss, düppig und ab und zue e grosse gutsch Räge.🌧️☀️    Lue lisää

    Katso käännös
  • Mit Rucksack um die Welt
    Crazy House
    Crazy HouseUnterwasserwelt im Crazy House2Nei ned mit dem... 😅2Sondern mit dem fahremr ume😊Übung macht den Meister😜1Clay Tunnel ParkDatanla WaterfallHappy Fat BuddhaLinh An Pagoda, riiise grossi StatueTypische Hot Pot schlemme 🤤

    Da Lat

    19. helmikuuta 2023, Vietnam 🌙 16 °C

    Mir si z'Da Lat, im Hochland. Nach drü Wuche beobachte vum vietnamesische Verchehrschaos, wagemer eus aumal dri und miete e Roller. 🛵 😁 Mir besichtige dermit verschedeni Sehenswürdigkeite und gnüsse aber au eifach s'fahre dur die schöni Landschaft.

    - Crazy House
    - Maze Bar
    - Clay Tunnel
    - Datanla Waterfalls
    - Buddhist Monastery
    - Linh An Pagoda
    - Elephant Falls    Lue lisää

    Katso käännös
  • Mit Rucksack um die Welt
    3Fischerböötli in Mui Ne
    3Fischerböötli in Mui NeFancy Zimmer & UssichtUssicht in Saigon🤗2Herzigs Homestay2Cu Chi Tunnels, versteckte IgangIgang zum 100m Touri-Tunnel2Japanischs Festival in Saigon

    Mui Ne & Saigon

    22. helmikuuta 2023, Vietnam

    Mir mache e churze Zwüschestopp am Meer in Mui Ne. Leider chame ide Nächi vo eusere Unterkunft ned im Meer go bade, derfür hemer aber en Pool zum eus abchüehle. Es fühlt sich a wie ein Tag Badeferie imne Resort 😅
    Mitm Bus fahremr wiiters nach Ho Chi Minh. Vorem Vietnam Chrieg het Stadt na Saigon gheisse, mitem Sieg vor kommunistische Regierig esch sie de neu benennt wurde. Biz usserhalb vo Saigon befindet sich eine vode ehemalig wichtigste Kriegsort. DNordvietnamese hend sich imne Tunnelsystem (Cu Chi Tunnel) unter de Erde versteckt und vo dert us ahgriffe. Mir mache en Tour zu de Cu Chi Tunnel und erfahre en huufe überd Kriegsgschicht vude Vietnamese. Eus beiidruckt de Gedanke, dass die Lüüt dert idene schmale Tunnels hend gwohnt sehr. Mir döffe teste wies esch bimne gheime Ihgang ihzstiege und bestritte na en 100m länge Tunnel. De esch aber nüme Original und sogar extra für Touriste nachli grösser baut wurde.🙈 Trotzdem escher für eus emrna gnueg ahstrengend und eng, sesch dunkel, heiss und stickig..    Lue lisää

    Katso käännös
  • Mit Rucksack um die Welt
    1Ms. Ha
    1Ms. HaPromenade in Can Tho1Street Food in Can ThoTofu Factory1Ds Ushängeschiud was si aues im Ahgebot heiZmorgesuppeD Tour chunnt inklusive Fotoshooting wo si üs i aui mügleche Pose setzt😅Restprodukt wärde witerverwertet...Us Bananebletter und brönnte Riisschale gits es UfzuchttöpfliFresh Noodles1Dried NoodlesAm tröchneAm ässe 🍜

    Mekong Delta - Can Tho

    25. helmikuuta 2023, Vietnam ☁️ 27 °C

    Zum Abschluss vo Vietnam fahremer no is Mekong Delta id Stadt Can Tho. Nid wit entfernt vo der gits de bekannti Floating Market.
    Mir übernachte mal weder imne Homestay. Eusi mega authentischi Ms Ha cha usnahmswiis guet englisch und bütet en privati Tour für ihri Gäst ah. So hemrs mega Glück mit ihre zeme und na 5 anderne en authentischi, sehr spannendi und ganz wenig Touristische Tour döffe zunterneh, wo vorallem au viel Esse probiert wird😅. In Vietnam ischs üeblech dasd Märite früeh am morge stattfinde, sehr früeh. Aso steuemer dr Wecker am 4:15 und e Haubstung speter geits scho zügig los. Ufdr Tour besichtige mir en "normale" Märit, de Floating Market, wo mir auna grad e zMorgesuppe bechömed, zwei verschednigi Glasnudel Factorys, en Candy Factory und es Dörfli am Ufer vum Mekong.Lue lisää

    Katso käännös