Tag 43 - Sumatra 2D1N Jungle Trek 2/2

Tag 2 im Jungle 🌳🐒

Am morge simmer vo de Sunne und vo de Grüsch vo de Vögel und Insekte gweckt worde. Zum Glück hemmer kei Bekanntschaft gmacht ih de Nacht mit irgendwelchne unerwünschte Tier 😅

Zum Zmorge hemmer Tee und es Toastsandwich becho. Nach dem mer eusi Sache zemepackt hend, hemmer eus wieder uf de Weg gmacht.

Hüt hemmer nöd ganz so viel gseh wie geschter. Aber mir hend es unfassbars Glück gha und wildi Black Siamang Affe gseh! Das seg anschienend mega selte de Fall. Nebed de Orang Utans am erschte Tag, isch das s Highlight gsi vo eusere Tour! ☺️😍

Am früehne Namittag simmer denn an Fluss abegwanderet, wo mer mit zemebundene Reife es Rafting zrugg zu eusem Guesthouse gmacht hend 😄🛞
Eigentlich hets würkli Spass gmacht, aber nach wenige Minute hets voll ahgfange regne und denn isch es ganz schön chalt worde so uf em Wasser 🙈

Zrugg im Guesthouse ahcho simmer denn grad go dusche und trochni Chleider go ahlege.

Alles in allem isch es würkli e sehr cooli Erfahrig gsi! Aber mer münd au sege, dass eus ei Nacht glanget het 🙈😅☺️

Am Abig hemmer denn na probiert eusi nasse Sache z tröchne, leider erfolglos, da alles so füecht isch.. so hemmer denn halt eusi Sache mit em nasse Züg wieder müsse iipacke..

Morn gahts wiiter uf Surabaya (Java) ☺️🌋Læs mere