Tag 44 - Welcome to Cemoro Lawang

Hüt isch es wieder früeh am morge los gange richtig Flughafe.
Am 7bni isch euses Taxi cho und am 12.30 simmer losgfloge zerscht uf Jakarta und vo Jakarta uf Surabaya.

Vom Flughafe in Surabaya hemmer denn namal öpe 2.5h müsse fahre bis mer im neue Hotel in Cemoro Lawang ahcho sind.
Mit Verspötig simmer denn öpe am 11i am Abig ahcho.

De eigentlichi Grund für euse Stopp da:
De berüemti, aktivi Vulkan Bromo.

De Bsitzer vo eusem Homestay isch so nett gsi und het extra na uf eus gwartet und het denn sogar na spontan zuegseit eus am nächschte Tag am 4i am morge mit em Jeep zumne bekannte Sunneufgangspunkt und spöter zum Vulkan Bromo z fahre.
Nach dere lange Reis simmer froh gsi, dass mer das na hend chöne organisiere. Z Fuess wärs nämli ganz schön wiit gsi de ganzi Weg z mache.

Oise Jungle Trek het chli Spure hinterlah. Hend fascht kei suuberi Chleider meh gha. Alles isch komplett verschwitzt und dur die hochi Luftfüechtigkeit und de Rege immerno pflotschnass.
De Janis isch komplett verklatscht wil er het sit 3 Täg nöd recht gschlafe. Aber mer probiered s beschte drus z mache und freued eus uf chli Erholig nachher, wo nachher chunt. ☺️

Im Zimmer ahcho simmer nur na is Bett ghüpft, sodass mer wenigstens na bizli Schlaf gha hend. Am 3.30 heissts nämlich wider ufstah. ☺️😴Læs mere