Tag 72 - R.I.P. Samy 🕊️🖤

Hüt isch für ois leider kein Reisetag. Hüt isch Samy-Tag. De Samy isch de Tanja ihres Pflegross.

Hüt isch de Samy ihgschlafe.

De Samy isch meh gsi als nur es Ross. Er isch de Tanja ihre Fründ gsi. De Tanja ihri Konstante.

De Samy isch nöd eifach "ihres Pflegross" gsi. Er isch Familie gsi, Zueflucht, en Rückzugsort, Energie tanke und na sovill meh.

Drümal pro Wuche - bi Rege, Sunne und Schnee - isch d Tanja zu ihm gfahre. Immer. 15 Jahr lang. Es halbs Lebe...

Es Kapitel gaht z Endi. Es Kapitel, wo vill grösser isch als jedi Reis.

Hüt het si en enorm wichtige Teil vo ihrem Herz verlore. Aber wer d Tanja kennt, de weiss: D Liebi wo si git, hört nie uf. Si veränderet nur ihri Form.

Mir widmed de Tag dir, Samy.
Danke, für all die unvergessliche Moment wo mir mit dir hend dörfe erlebe. Für dini Liebi, dis Vertraue und dis Wese - das alles bliibt.

Erinnerige a all die schöne gmeinsame Moment. Du hesch es schöns und langs Lebe gha.

Danke, Schwarze.
Run free.🕊️🖤
Mir hoffed, es het ganz vill grüeni Wise und süessi Banane für dich. 🍌Read more