Weligama

Zum gloorriche Start vo mim Reiseabentüür beni zersch mal ines Surfcamp im Süde vo Sri Lanka für satti 8 Nächt. De Weg det hi hani döffe mit Qatar Airlines bestriite - guete Luxus für 350 chf 🤷🏼 - und be am morge am 3/4i am flughafe z Colombo acho, saudmüed weli statt schlafe ha müsse One Piece Netflix Adaption luege (Legende Serie❤️). Schnell e sim charte nit unlimitiert internet gstibitzt und denn mich vomne organisierte fahrer 2h is Surfhostel fahre lah. Im Auto hani chli chönne pfüüsle 😴.

Det acho hends mi vertröschtet bis am mittag, also beni det vom 6i bis öbbe am 11i uf de lounge go döse besi ufgwache be und gmerkt ha dass die ganz terasse voll vo lüüt esch und ech safe de platz bruche vo öbbe 4 lüüt 🙈😳. De schüchi Nathan hed sich det nani so traut mit lüüt rede, also beni no es stündli am handy gsi bevori is zimmer ha chönne. Hani aber eifach sones kack Übergangszimmer becho für die erscht Nacht well sie sich mit em Platz im Hostelgebäude verkalkuliert hend - jänu, ha es bett für mich gha im nebegebäude und ha denn en nap gmacht für 2-3h trotz ned so schönem zimmer :). Gad vor dem nap hends mer denn aber scho gseid dasi die erscht surflektion ha am nami am 4i 🤯. Esch happig gsi aber trotzdem Spass gmacht 😁.

De Nathanus hed sich natürli zvell vorgno und hed s programm gwählt mit 2x Surfe pro Tag für 6 täg und ab Tag 4 hed mich min Körper regelrecht agschreit werum zur höll ech mer das atue 😂 en Massage hed dem aber chli chönne helfe. Trotzdem, i de letschte lektione beni nur froh gsi wenni innerhalb vo 1.5h au nur einisch en halbdezenti Welle verwütsche 🙈🏄🏼. Surflektione sind trotzdem immer en spass gsi wobi au mengmal biz en Qual und d surfintruktor*inne send vo scheisse bis perle alles debi gsi 😄. Ben amo upgradet worde vom Whitewash zu Small Green Waves, i dem Sinn Ziel erreicht.

Hostellebe esch de füdliblut Wahnsinn gsi mit guete Lüüt, jede obig Programm, sogar mal es Sundown Yoga und brutal vibige Musig immer (danke Yoga-Lehrerin, din Musiggschmack esch 1A🙏🏻).

Special Mentions:
- Snake Farm Bsuechli mit emne Typ wo Angscht hed vor Schlange 😄
- Bsüechli vom niederländische Kolonialdörfli Galle
- Busfahrte (Psycho hoch 1000, hend di fasch ned lo usstige lah, so präsant hendses immer 😂)
- z 7te höch bsöff ines Tuktuk zum in Usgang gah, sogar selber döffe sounde über d Tuktuk Boxe🎉
- Boat Party mit em ganze Hostel - Grande

Am Mittwuch eschs de wiiter gange mit 2 Österrichinne (Maya + Cindy) und emne Iir (Sean)🙏🏻.Read more