• Emmerald Beach

    November 2 in Australia ☀️ 23 °C

    Noch ara eher ungmüatlicha Nacht mit am Ihsatz vo da Füürwehr im Backpackers, simer dänn halt glich am Achti ufgstanda und losgfahra Richtig Norda. Epa 350 Kilometer sind hüt uf am Plan gsä bis zum Ettapaziel Byron Bay.

    Noch guat ara Stund fahrt homer uf am Highway ah Werbig für an Holzsteg gsä. Döt homer dänn gseht, dass mer dä Abstächer machid ih d‘Uringa Lagoon. Ganz viel Fisch (sogär Chugelfisch) und Chräbs homer ih da Laguna gsä.

    Wiiter isches dänn uf Coffs Harbour in chlina Fischerhafa ganga und döt häts ah chlini Rundi über d’Muttonbird Island gä, bevor mer den zum Höhepunkt vo hüt cho sind.

    Da bekannt Look at Me now headland walk Naturpark in Emmerald Beach. Wunderschöni Klippa und Felsformationa mit ara Gruppa wilda Kängurus doba. Chog glatt gsä zum däna ihdrücklicha Tierli zuazluaga und im Hindergrund da Pazifik.

    Gstärkt mit ama feina Kaffi homer dänn no di letschta 150 Kilometer vo hüt under d‘Räder gno. Churz vor Byron Bay homer an Rägawald mitem bekannt Killen Wasserfall bsuacht. Ah komplett anderi Welt. Pflanza womer no niah gsächa hond vorher.

    Übernachta tomer di nögschta beda Nächt im Arts Factory Backpacker. Eigentlich hetid mer ah chlises Kämmerli buachet und hond aber ah Upgrade für ah Zelt übercho mit ama Wasseragama als Nochbuur (ah riessegi Eidächs).
    Read more