Gmüatlich und ohni Stress isch üses Tagesmotto gsä hüt. Noch ara sehr ahgnähma Nacht (trotz am chräftiga Gwitter) simer am Morga top usgruabet is Städtli Byron Bay glofa. Näbet üserem Zelt isch no an Kokaburra ghöcklet und hät üs singend begrüasst. Uf Dütsch isch da Kokaburra der lachende Hans. Byron Bay isch ih da Surf Szena so an richtiga „Trendort“ und es lauft brutal viel döt. Da Morga isch leider no eher trüab gsä und gega Mittag isch dänn wieder s‘bescht Wätter gsä.
Chillig simer dur d‘Läda glofa, hond an feina Kaffi trunka, epa ah rundi Uno Flip gspillt und hond da Tag offach so richtig gnossa. Zum Zmittag häts ah richtagi Aussie Spezialität gä. Meat Pie (Chüachli us Blätterteig mit Hackfleisch-Brotasaucafüllig). Da Pie isch definitiv besser zum ässa, alser ussiaht.
Am früahna Nomi häts an abchüalanda Schwumm im Pazifik gä. Im nochhinein homer dänn usagfunda, dass hüt wäg ara Haisichtig am Hoptstrand vo Byron Bay eigentlich ah Empfehlig zum nöd bada gsä wär. Egal, mür hond zum Glück kon Haifisch gsächa.
Am Obet homer no zwo bekannti Gsichter troffa. Da Sandro und Tatjana, wo für ah längeri Ziit in Australia sind, homer in Byron Bay krüzt und sind dänn mitanand go Znacht ässa. D‘Wält isch scho chli, wäma epa 16‘000 Kilometer vo dahom wäg anand kännt.Read more
Traveler
Bähnlerkollega!😅
TravelerZwo alti Bähnler 😂😂
Traveler😂😂👍🏼