• Airlie Beach

    November 7 in Australia ☀️ 32 °C

    Die längscht Etappa mit 800 Kilometer oder 10 Stund Fahrziit isch gschafft. Mit ara churza Pausa ih da Hälfti (ALDI Rockhampton), homer fascht alles ah om Stuck gmacht. Für da Fahrer häts aber natürlich oh mol am Kaffi töra liida. Abgfahra simmer am 06:15 in Hervey Bay und ahcho simmer am 16:30 in Airlie Beach.

    D‘Fahrt isch nu scho wäg da Natur brutal spannend gsä. Gstartet ih dichta Eukalyptus Wälder isches in Berich um Bundaberg ganga, wos extrem viel Zuckerrohr hät. Oh di ganz Zuckerindustrie homer gsächa während da Fahrt. Gega Norda isch d‘Landschaft dänn ih richtig Rägawaldgebiat ganga, wo üs dänn di nögschta Täg oh erwartet.

    In Airlie homer üsers Zimmer churz bezocha und mür sind dänn grad direkt as Meer abi. Leider isch oh doh s‘bada im Meer nöd empfohla. Do isches nöd wägs da Hai, sondern wäg da extrem giftiga Qualla wo im Früahlig aktiv sind. Zum Glück häts am Strand ah künstlichi Laguna, zum ah chlii abküahla chönna. Z‘Nacht häts dänn an feina Kebab gä und zum Abschluss as Victoria Bitter und ah XXXX Gold im Magnum Club (ghört zu üsem Backpacker).

    Zum Glück homer morn und di nögschta Täg numa so grossi Distanza zum fahra und chond super Wätter und di warma Temperatura ums Wasser gnüssa.
    Read more