• Townsville

    November 8 in Australia ☀️ 34 °C

    Als Ihstig in neua Tag und noch da langa Fahrt am Vortag häts am Morga no ah chlini Rundi z‘Fuass und an feina Kaffi in Airlie Beach gä. Epa am Nüni simer dänn aber oh uf di hütige 300 Kilometer Etappa gstartet mit üsem Kia.

    Vo Zuckerrohr bis zu riesiga verbrennta Wälder und Flächana homer wieder alles gsächa hüt. Ah richtigi Fahrt durs Outback, vors dänn ih Richtig Cairns & Rägawälder goht di nögschta Täg. Tropischi Füachtigkeit und warmi Temperatura homer definitiv erreicht.

    Sightseeing Stops häts hüt natürlich oh gä. Bi Stone Island in Bowen, ufem Mount Inkerman und am Castle Hill homer die wunderbara Ussichta chöna gnüssa und ah paar Fötali macha. So an Richtig gmüatlicha Tag.

    Epa am Zwo simer ih üsem Backpacker in Townsville ahcho. Mür hond dank am netta Herr ah da Reception sogär no ah Upgrade ina grosses Zimmer übercho. Grad vorem Zimmer ussa isch da Rooftop-Pool, womer natürlich oh usgibig teschtet hond.

    Da Nomi und Obet isch mitama Bsuach im Tropic Queensland Museum und am sehr früahna Znacht (16:30) oh schnell umi ganga. Ih üsera Bar isch bis am 17:00 ah Sonderahgebot gsä, zwo Pizzas und zwo Bierli für nöd amol 20.- (Alina häts usagfunda „Schnäpplijäger“).
    Read more