Tyhjennä haku
Es süffigs Bsüechli in Prag
  • Simon Ballat
  • Chrigl
syyskuuta 2023

Es süffigs Bsüechli in Prag

Kleiner Städtetrip mit Chrigl Lue lisää
SeuraaYhteenvetoKalenteriJaaJaaToivelista
Uusin ensin
  • Matkan aloitus
    7. syyskuuta 2023
    Es süffigs Bsüechli in Prag

    Start unserer Reise

    7. syyskuuta 2023, Sveitsi ⋅ ☀️ 23 °C

    Mit einem leckeren Mittagsmenü sitzen wir im Zug Richtung Flughafen. Ohne grosse Wartezeit kamen wir durch den Sicherheitscheck und konnten am Gate, mit einem überteuerten Bier, auf unser Städtetrip anstossen.Lue lisää

    Katso käännös
  • Es süffigs Bsüechli in Prag

    Vítejte v Praze

    7. syyskuuta 2023, Tšekin tasavalta ⋅ 🌙 18 °C

    Ohni Verspötig und ohni Baggage Claim simmer so rassig usem Flughafe is Stadtesinnere cho, mer chönnt meine mier heiged 10 RedBull gsoffe.
    Im schöne Dream Hostel acho hemmr üsi Koffer neb de schlafende Zimmergenosse abgleid und sind direkt a d'Moldau de erschti Drink go näh. Herrlichs Wätter mit strahlendem Sunneschin und fröhlich schwimmende Otter hend üs in Prag begrüesst. Was en Tag!
    Spöter simmer en Teil vode Altstadt und diä erschte Souvenirläde go erchunde bis mer de im sorgfältig usgwählte Restaurant Pod Věži Tataki vom Hirsch 🦌 und Trüffel Pouletroulade gschnaused hend. 😋
    Spöter hemmr de Abig mit es paar guete Tschechische Bier im Hostel usklinge lah.    Lue lisää

    Katso käännös
  • Es süffigs Bsüechli in Prag

    En süffige Tag

    8. syyskuuta 2023, Tšekin tasavalta ⋅ 🌙 19 °C

    Nachere hitzige nacht simmer schweissbadet ufgwacht und hend üs zerst mal under dusche gschwunge. Nach dem mier denn usegfunde hend wie mer d fenster im Zimmer chan öffne, hemmer üs ufe Weg zum Museum für Ilusione gmacht. Es duzend cooli Föteli spöter simmer wiiter dur d stadt gwatschlet bis mer denn die richtig Strassebahn gfunde hend, wo üs zur Prager Burg bracht het. Det acho hemmer die wunderschöni Burg und Chille beguetachtet und üs denn im Burggarte zu Wurst und Pommes niederglah. Nachere guete Mahlziit hemmer üs ufe weg zum Vrtba-Garte gmacht, de het als Itritt jedoch nur Cash agnoh und drum hemmer en andere Ort müesse gfinde wo mer üses Geld hend chöne loswerde. Fündig simmer den scho gli worde und zwar bimne mittelalterliche Abigesse mit unlimitiert Bier und Wii und ere super Show. Gfächted (voll gesse) simmer den no chli dur d Altstadt gschländeret und hend üs scho bald bim dummi Föteli mache im Metall Arts Museum verwütscht. Will no chli Fernweh vo de Irlandreis ume gsi isch, hemmer denn de Abig imne Irishpub zu hervorageder Livemusig und spöter Karaokeabig usklinge lah.Lue lisää

    Katso käännös
  • Es süffigs Bsüechli in Prag

    Alltag in Prag

    9. syyskuuta 2023, Tšekin tasavalta ⋅ ☀️ 19 °C

    Guet usgschlafe simmer ab under Duschi ghüpft und nachemne ordentliche Zmorge ade früsche Luft los, richtig Norde zum Letna Park. Underwegs sind mier Chindschöpf ine Spielwarelade womer allerhand Spielzüg und inere Egge sogar es VR Abentüür durs mittelalterliche Prag entdeckt hend.
    Nachdem mier diä Stadt es paar Jahrhundert vor üsere Ziit vonere Katastrophe gretted hend ischs wiiter d'Ussicht über diä herrlich Stadt go gnüsse.
    Dur de Royal Garden mit vill Ständ, lokale Spezialitäte und traditioneller Musig ischs zumene Café gange, wo mier es paar Espresso Tonic's hinderegjuuzt hend. Vollparad simmer de ltschti Stutz duruf is Observatorium vill go läse und d'Sunne wiä au d'Venis go beobachte. Ufem Petrinturm isch üs diä ganz Stadt wieder zu Füssen gelegen. Mit leerem Mage heds üs spöter ines urchigs Prager Restaurant gschlage wos "Dech mrtvé milenky" dä Atem vom tote Liebhaber und "Svíčková na smetaně", es feins Rahmfilet mit Knödel gäh hed. Läck, hed das Bodä gäh. Perfekt für üse letschti Halt im U Malého Glena Jazz Club womer zu Saxophonkläng guets böhmischs Bier gsoffe hend. Süügeil!    Lue lisää

    Katso käännös
  • Es süffigs Bsüechli in Prag

    Bildung für Erwachsene

    10. syyskuuta 2023, Tšekin tasavalta ⋅ 🌙 20 °C

    Mit emne guete Brunch im Mage hemmer eus ufe weg zum Film und Special Effects Museum Karla Zemana gmacht und erfahre mit was für tricks er frühner i sine film gschaffed het. Nachdem mer denn öpe zum 20te mal über d Karlsbrugg gloffe sind, hemmer denkt jetzt müemer doch no is Museum zum gschicht vo de Brugg z erfahre. Mit gstilltem Wüssensdurscht simmer richtig Legomuseum gloffe wo mer amne Verkehrsunfall verbi cho sind. Is Legomuseum hends eus leider nid ineglah will mer glaub eifach zu erwachse gsi sind, oder evtentuell isch es au de Fakt, dass mer kei cash debi gha hend, gsi. Uf jedefall hemmer üs denn überleit was erwachseni so mached und sind denn mit de nächste Strassebahn zur Basilika Svatého gfahre und hend die besichtigt. Det hemmer denn au üse ersti Apero gha, en guete Pinot Blanc und chli Chäs und Johanisbeerekonfii. Uf de Moldau hemmer denn üse zweiti Apero gnosse bevor mer üses tschechische Znacht verdrückt hend.Lue lisää

    Katso käännös
  • Es süffigs Bsüechli in Prag

    Dä letschti Schluck

    11. syyskuuta 2023, Tšekin tasavalta ⋅ ☀️ 29 °C

    Mit emne guete Zmorge im Hostel hemmr üs ufe Weg gmacht is Clementinum zude Nationalbibliothek und em Astronomieturm.
    D'Füehrig hed ersch am Eis agfange drum simmer no es Altststadtründeli go dreiä und hend i de eint und ander Lade inegügsled. Sogar e Victorinox Store heds gah und mier Bünzlis hend ded müesse ine zum am nächschte Daherglaufene go sege dass uf dem Bild "d'Mythe" und nid "d'Müthe" abbilded sind. De Perislav oder so ähnlich hed üs sehr interessiert zueglost demit er sine Chunde das au wiitersege chan. 😄
    Spöter hemmr nid schlächt gstuunt wo mier i diä Bibliothekshalle mit meh als 27'000 Büecher gwundrig inegluegt hend. Ufem Astronomieturm hemmr 360° Rundumsicht gnosse und erfahre wiä sie früehner midemne Liächtstrahl ufem Bode im abdunklete Ruum diä gnaui Uhrziit gwüsst hend und so zum Zmittag d'Fahne ghisst.
    Mier hend au Zmittagsfahne ghisst und sind ines Bistro ade Moldau und hend sletschte Mal d'Sicht zude Prager Burg beguetachted. En Espresso Tonic hemmr üs gegönnt bevor mier üses Gepäck denn gholt hend und überpünktlich a Flughafe sind. S'letschte Pilsner Urquell und denn ab i Flüger uf Züri.

    Es isch e herrlich süffige Usflug gsi uf Prag mit vill verschiednigem Esse, mittelalterlichem Scharm und nid z'vergesse das guete Bier mit es bizli zvill Schuum.
    Proscht und bis zum nechschte Mal!
    Üchi bierige Reisefüdlis 🙋🏼‍♂️    Lue lisää

    Katso käännös
    Matkan lopetus
    11. syyskuuta 2023
  • 2025© FindPenguins
  • Koti
  • Tietoa meistä
  • Ryhmän seuranta
  • Lehdistö
  • Ehdot
  • Yksityisyys & Cookies
  • Ohjekeskus
  • Merkintä