Vor es paar Täg semmer ide Hauptstadt vo Kolumbie acho. Bogotá esch kei schöni Stadt, aber mer hend interessanti Egge ond spannendi Projekt kenneglernt.
Am idrücklichste esch de Bsuech im Barrio Egipto xii. „Breaking Borders“ esch en Organisation vo junge Männer, wo e dem Viertel ufgwachse send. S‘Ziel esch d‘Lebensqualität z‘verbessere & d‘Gwalt ond Droge usem Viertel z‘verdränge. I dem dass ehemaligi Schwerverbrecher de Touriste eres Viertel chönd zeige, werd ehne en neui Perspektive gschenkt ond metem Geld werd sichergstellt, dass d’Chind ed Schuel chönd ond sie gschiidi Freiziitmöglichkeite hend.
Jetzt gohts för eus z‘4te wiiter id Tatacoa-Wüesti, wo eus heissi Temperature erwartet. 🌡🤩Lue lisää