Reset search
Prag 2026
  • Lio99
  • Lio99

Prag 2026

A 9-day adventure by Lio99 Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    February 27, 2026
  • Lio99Prag 2026Lio99
    1Buechlädeli
    Gifthüttli (ächt nid so zempfähle, trouet Tripadvisor nid!)No chli läsä bevors zum Bhf geitSuite vo innä

    Ab ufe Nachtzug

    February 27 in Switzerland ⋅ 🌙 12 °C

    Bi chli früecher uf Basu damit ig gnue Zit ha gha fr zZnachtässä und ufe Nachtzug ufgumpä. Wüu ds Resti woni ha wöue gah nid so früeh offe gha het, bini no ine antike abuechlade, wo dr Verchöifer sitem 2000 vo sire Mama übernoh het, wo dr Lade 1960 uftah het. Isch es fründlechs auts mändi gsii
    Wüus nurno eh private suite frei gha het fahri ultrapremium, nur haut ds zbett glich zweni gross isch dasi mi ganz cha streckä...
    ZBasu säuber bini no sehr närvös gsii abr siti ufem Zug bi hetsech ds aues ih riisägi Fröid umgwandlet😁    Read more

    See translation
  • Lio99Prag 2026Lio99
    ZMorgä
    1ZLeipzig bini gd direkt ufe nächst Zug gumpet, auso nid würk Zit meh aus dr Bhf zgsehDs Dresden-Neustadt hets sone aminiaturisebahn am Bhf gha, wome fr Gäud het chönne lah fahreEs chli müeds Lionel uf Matchajagdt1Erfougriich gjagdtBi dem apremium zMorge hani denkt es brucht drfür es bessers zMittag23Hotel Room

    Scho besseri Geburistarts gha

    February 28 in Czech Republic ⋅ ☀️ 11 °C

    Ha im Zügli nid huere guet chönne penne, drum hani am 05:53 am Morge mau entschide nomau ufs WC zgah und ner bis prag dürezschlafä. Dr Zugbegleiter het mi de direkt abgfange mit "I've been trying to tell you: This train only goes to berlin. It does not go to prague."
    Ignöbber het auso entschide ds mi Zug über Nacht sis Ziu änderet 🙃
    Wenigstens hani no mis Deluxe*****-Zmorge chönne gniesse, bevor ig ha usemüesse, und bi nid last minute ufgwacht.
    Ig bi dementsprechend in Leipzig und Dresden umgstigä und 4h speter aus erwartet in Prag ahcho.
    Ds Dresden hani wenigstens no Zit gha zum es Kaffi uszprobiere.
    Ds Prag zersch mau fett go nappä dsi de am Abe evtl no mah fr ih usgang🥳    Read more

    See translation
  • Lio99Prag 2026Lio99
    Normaus Tram vo ussä
    Vo innäDsch es Amok Tram: Schüttlet wine more und dChauffeure kenne garnüt xDGd di ersti Gass woni ihboge bi loufi ah sonere jüdische Synagoge vrbii, wo abr leider zue het ghaEs het ignwie 2 Arte vo Hüser, sötigi wie hie odr so giga-prunktfoui, mittuauterlichiWie ds bspw...Eig. wär dr Plan gsi ds aui drvoflüge und ig mi wie eh Disneyprincess cha füehle, ABER IZE HAUT11. Chile vo innä, die isch ignwie 5 Stöck höch gsii und aui Figure wome da gseht si läbänsgrossChile 2 vo ussä1Vo innäDie het sone spezielle Maria-Ahbettruum gha (bi mir mit no meh Bluemä, ds isch vo google maps)1So hani mi gfüuht auses het ahfah rägne2Bi wind u Wätter, dFrisur sitzt1Entebrust zum ZmittagIf you're brave enough...1👀2Roierend Franz Kafka ChopfDs isch ds erstä woni vo de Nutrias ha gseh1. Nutria in Sicht11Weme ke Sunne het muessmä haut säuber strahlä😉💀Ds Schloss vo wiiiit wäggHojicha latte im nöie Lieblingskaffi zPrag (so what wenni ersch eis kennä)Iced mango matcha latte1Gässli wos langsam dunku wirdMis Znacht, Merci Luca frs recommende🤝

    1. Ganz Tag in Prag

    March 1 in Czech Republic ⋅ ☁️ 8 °C

    Bide gester nachem Nap so müed gsi dsi gd im Hotel blibe bi, RIP Usgang auso abr hets gd brucht😴 Ausserdem Shout out an C-Dog, das Telefonat mit dir hat mich wirklich aufgestellt!
    Hüt hani mau zZmorge im Hotel abcheckt (leider vergässä Föteli zmache, die chöme de no). Mixed feelings xD, es isch OK abr ou nid meh😁 Perfekt auso dsmes cha näh aus Option abr dsme sich ou nid zschad isch fr nöime ines Kaffi go zmörgele.
    Ha de dört mi Tag planet.
    Ziu vom hüttige Tag isch worde: Es Stadt-ÖV-Abo zchoufe und dFlussinsle mitem Park Legií druffä zbsuechä.
    Ufem Wäg derthärä bini ah zwöine Chilene verbiicho, wo scho vo usse mega nach Katolisch gschroue hei und inne mega ihdrücklech si gsi.
    Nachem Zmittag im U Kroka bini imene chliinä botanische Gartä nebe dr Biologie-Uni gsii und am rotierende Kopf vom Franz Kafka verbiicho, bevor ig de när zersch dNachbarsinsle Slovansky Island und ner mis Tagesziu, dr Park Legií, erreicht ha. Uf beidne hani Nutrias gseh, im Park sisi sogar so zuetroulech gsii, ds si eim ads Hosebei si cho zieh fr ässä zbecho🥺
    Am spetere Nami bini när ines härzigs Matcha-Kaffi (Matcha Koncept) go läsä und ner ih Dim Sum Spot go Dumplings zum Znacht ässä (besti Dumplings woni ih mim Läbä gässä ha!)
    Die einti wo derte bedient het isch mega witzig gsii, isch die ganz Zit zur loufende Musig am tanze gsi und het mr bihbracht, was Danke uf Tschechisch heisst, nume ds si mi ner glich nid verstange het am Schluss (und ds cha würk nid ah mire Ussprach lige, die isch fix perfekt gsi xD)    Read more

    See translation
  • Lio99Prag 2026Lio99
    Zmorge im Hotel
    Eifach so es paar Geböide in Prag womi Föteliwürdig düecht heiDs isch ds Stägähuus zum Tattoostudio gsi😂Wenni die Empfählig vom einte Mitprakti nid gha hät, hätti äuä zweni Vertroue gha xDAsian RestaurantEnte😋Eh flügende Hirsch, Deko vomene Restaurant bzw. eh Wägwiiser derthiiAb hie isch Alchemiemuseum, dert hets so flasks und usgstopfti Tier ghaDs im Chronlüchter isch Moses us dr Bible. Wäg Übersetzigsfähler het er ih dere Darstellig Hörner.Wer wott scho nid, ds sini Zit vo mehrere haubnackte Froue festghäbt wird?🙃Ih dem Fläschli unge im Glas isch no originale Inhaut vo anno 14ignöbbis drinnNo chli meh usgstopfti Tier1Versteckti Tür wo ih die aute Alchemiezimmer füehrt, wome früecher het müesse gheim phauteDs isch so dr Houpt-Punschmachruum gsii1Hie het me versuecht mit Auchemie Goud herzsteue1Hie het mä dFläschli fr ds Gepansche hergsteutImmer widr bini erstuunt wie schöni Hüser ume Egge ume uftouche aube13Znacht

    2. Tag, weniger schmärzvou aus erwartet

    March 2 in Czech Republic ⋅ ☁️ 2 °C

    Hüt isch toll gsi!
    Am Morge mau widr im Hotel gässä, hami nid getrout vom ganze Buffet es Foto zmache, drum nur mini Uswauh ufem Täuer (es isch tatsächlech feiner auses usgseht).
    Nachem Zmorge bini ner direkt mitem Trämmli id Stadt gfahre wüu: Hüt hani am 11:00 eh Tattootermin abgmacht😁
    Ig bi uh mega nervös gsi! Ig ha am Studio im vorus scho gschribe, ds si eh Designidee vo mir chöi in rueh plane und umsetzä. Ha de ouno gschribe bi welem artist dsis mr chönnt vorsteue und guet isch.
    Woni ize derte hocke, schicki sones AGB-Dok ab, damit si ihri Haftig chöi usschliesse etc. obwouh mr chli mulmig isch gsi, wüu ig ds ahgäbleche Gspräch über Risike etc. mitem Artist gar nid gha ha (de ig ja nonidemau gseh ha ih dem Moment). Jänu hani denkt, ds Studio isch ufem Internet guet bewärtet und öbber woni pers. kenne hets mr ou empfohle, de chas nid sone Sach sii.
    Nachdem ds abgschickt isch, chunt de mini Tattowiererin füre, mir ds Design cho zeige, wosi gmacht het und ig wirde zzwöite mau chli stuzig, wüu si nid eine vo denä Artists isch, woni ahgäh ha xD abr fr öbbis hani ja bir Ahmäudig gseit si chöimer die Person gäh, wosi zgfüu hei eigni sich am bestä frs Tattoo ih dem Stiu wonis ha wöue.
    Ig luege auso ds Design ah und bi würk direkt verliebt, ha abr glich no es paar Ahpassigä, woni ar Tattowiererin sägä und während si die Sächeli ahpasst, checki sä uf Insta us, was si scho so fr Büetz gmacht het.
    Wie erwartet gseht aues guet uus, si het zwar 1-2 Biuder gstoche, womi nid so überzügt hei abr ha denkt si wird ds bi mir sichr guet machä.
    Si chunt zrügg mitem ahpasste Design, ig ha nomau Änderigswünsch und nachdem luegemer ih wellere Grössi und womers gnau härätüe. Has scho vo Ahfang ah ufem Trizeps wöue, gnau ischs ize ufem ungere Trizeps glandet😁
    Ig weiss no, bevor si ahgfange het und ig scho ufem Tisch bi glägä hani mis Härz mega gspührt schlah, bi so ufgregt gsii! Und ner wosi ahgfange het stäche, hani dänkt: Wart ds isches?
    Es het würk eich fasch nid wehtah. Es het scho Orte gäh wo mau weniger, mau meh gschmärzt hei, abr all in all mega chillig! Und dTattowiererin isch sehr härzig gsii, het immer widr gfragt öbs geit und öbi Pouse bruche etc. (Emu nachdem si gfragt und checkt het, ds ds mis erstä Tattoo isch, vorher hettsi eue denkt was fragt de fr dummi Sache xD).
    Und ds Resultat? Ig fröie mi mega!😍🥰 Es isch es hennä schöns Tattoo, woni zgfüu ha dses sehr zu mir passt und ig fröie mi mega ds uf mir zha!! Ig zeiges öich de aune gärn mau IRL, auso in ächt, wenni widr zrügg bi😁
    Nachem Tattoo bini fein asiatisch go ässä und ih sones Alchemiemuseum, wo ouno spannend isch gsii. Ha nid no meh gmacht, wüu ds Tattoo lenger gange isch aus antizipiert (mit consultation etc. öbbe 3h) abr dsch vo Ahfang ah eich so planet gsii😁
    Nachem Museum bini no im Ribs of Prague gsii und ner hei go läsä. Aues ih auem eh supererfougriichä Tag!    Read more

    See translation
  • Lio99Prag 2026Lio99
    1No witzig: nöi renovierti Hüser male si immer so verschide bunt ah, so wie hie
    1Äh Radio- und Fernsesänder mits ir Stadt, isch anschinend umstritte gsi de zboue, gseh wieso...1Absoluts Monster vonere Statur... und dr Turm hingerdrann isch ou grossKirche des heiligsten Herzen Jesu (Kostel Nejsvětějšího Srdce Páně)1Widrmau leid übertribä im innere1So chlini Raseflächine/Pärkli hets no viu und immr widrMeistens steit de aube ouno gd wasme aues darf ih dem Park1Zmittag🤤Ih ds Pärkli hani mi verliebt, isch imene Viertu, wo weniger touri und meh local isch😍😍😍2Het ouno so Ruine dertäMatcha latte to goSt. Ludmilla (Bazilika sv. Ludmily), ou leid prunktvou im innerr, ha abr ke Fotos dörfe macheZPrag isch aube no guet weme ufeluegt, es het viu so Kunst wo hanget odr höcher obe ah Hüser ischNo öbbis womer ufgfaue isch: nebst de Houptroute (wie hie) hets zPrag ignwie weni VerchehrMatcha latte imene kaffi wou ou gd eh artsy-craftsy shop isch gsi1Dsch es Bispiu vo somene artsy-craftsy Shop1Hie hani ner Znachtgässä, so feins Sushi hani nonie gha😍🤤2

    3. Tag, Shopping

    March 3 in Czech Republic ⋅ ⛅ 4 °C

    Hüt bini chli go shoppä, nüt enorm spannends abr het mi glich sehr gfröit. Es het zPrag es paar mega cooli und stylisch ihgrichteti shops, wo fairi und umwäutbewussti Produkt hei und ig bi ou chli ih local-craftmanship shops ine, wüumer die so gfaue und igs nice finde, weme local artists cha ungerstütze.
    Im einte shop hani chli mitem Inhaber gredt, wo eigentlech Architekt isch abr wüu er ou so gärn local crafts het, aus Näbäding de shop betribt.
    Ungerwägs bini widrmau anes paar chilene und anere jüdische Synagoge verbiichoo.
    Ha de no es Pärkli gfungä, womi absolut us de Sockä ghoue het, wenni hüt nid schone Mission hät gha wäri äuä dr ganz Tag derte blibä, es isch mega schön ruhig gsi und mega verwiuderet, absoluti Perlä!
    Hüt isch ou dr erst Tag, wo dSunnä schint und es duet mi Mood mega ahäbä😊 Es füuht sech vorauem ou je lengers je meh enorm guet ah, ellei zreisä, liebes vo Tag zu Tag meh🥰    Read more

    See translation
  • Lio99Prag 2026Lio99
    1So gseht aube dr Morge uus, näblig
    1St. Vitus Kathedrale vo usseMit dr Tour heimer ah Orte herechönne, wo normalerwiis abgsperrt si gsiDs einzige Fänschter wo painted isch, und nid FarbmosaikglasSo gseh aui angere Fänster uus, normaus farbigs MosaikglasNöii Orgele wosi voletscht inetha hei und ize teste öb si guet isch1Ir Kathedrale werde immerno Mässänä abghaute, hie steit dr Prediger1In Eiche gschnitzt Abbiud vo Teile vo Prag, isch so gross gsi ds nid aues ufem Foto het Platz gha3St. Vitus und si cockHie geits abe zum tomb of kinksDr tomb of kinks, da lige di verschidnige tote KönigeEh Kapäuä, ou widr ganz angere Stiu4Hinger dere Tür si dChronjuwele, me brucht 7 Schlüssle vo 7wichtige Staatsfigure, zum dTür uftueUssicht vom Schloss uusZmittagRathusuhr, wie eh Touri vordr Zytglogge hani mi gfüuht, wöusi ou hie sones Figurespiu hei1Mini Tourgruppe, gd ungerwägs im jüdische ViertuKlosterschenke (merci Johannes btw.)2Strussäläbärä 😋

    4. Tag, Sightseeing

    March 4 in Czech Republic ⋅ ⛅ 4 °C

    Hüt hani mr vorgnoh, chli Sightseeing zmache. Fr ds hani 2 Toure gmacht , einisch eini id St. Vitus Kathedralä und einisch eh Walkingtour dür dOld Town. Beides sehr lehrrich und spannend gsii, abr ha chli müesse stesse vor einte zur angere Tour, ha ignwie knapp 1.5h Zit drzwüsche gha und no müesse go Zmittagässä nöime.
    DKathedrale säuber isch eigentlech nur sehr zerstücklet boue worde, wobii dr zwüschem erste und em zwöite Teil ca. 600 Jahr lige. Und ignwie düecht mi ds gseht meh ou. Es isch irgendwie im Inmere aues all over the place und es chrüsimüsi. Denn isch si ou mau no zerstört worde und meh hets müesse ernöiere abr het nümme geüsst wies vorher usgseh het und ds machts nomau meh zu öbbis modernem, autem und mittuautem glichzitig.
    Dr Tourguide het nid meega guet englisch chönne abr es het glängt fr dser guet het chönne erkläre. Ds witzige isch gsi, dser es paar Sache gseit het, woni fasch ha müesse uselache, woni gern no share (ja ig bi 12i ih mim Chopf):
    Anstatt "king" hetter aube "kink" gseit, was in Sätz resultiert isch wie "This was our favorit kink.", "Now we go to the kink-tomb." Odr "There were a lot of kinks."
    Denn bire Statue vom Heillige, wo ou dr Namensgäber vor Chile isch (St. Vitus), wo aus sis Markezeiche eh Güggu het gha, het dr Guide verzeut "He was often depicted with his cock, that you also can see here." Hätter doch besser rooster brucht...
    DTour ir Old Town isch ou spannend gsii, ha sone free walking tour buechet, wome am schluss ner ds zaut, wos eim wärt isch gsii. DGuides dert si aues Locals und üsi het Architektur studiert und isch ner is Touribusiness ihgstige. Si het spannendi Sache verzeut, isch chli id Gschicht ine und ou hie widr: dAutstadt vo Prag isch enorm zerstücklet, so dasme vo de Geböide nid cha sägä, wie aut si si, eifach wüu dr 2t Stock evtl nöier isch aus dr 1t odr dr hinger Teil vom Geböide scho 300 Jahr lenger steit aus dr vorder Teil. Ds gseht meh de Geböide tatsächlech ou ah, wenn si vo modernem zu gothischem zu barockischem Stiu wächsle.
    Bir Rathusuhr heimer de erfahre, ds die 5 Zite ahzeigt und si het chli erklärt was wie ahzeigt wird. Enorm faszinierend, verzeue de gern mau meh, ds ufzschribe würd 3 Jahr gah.
    Am abe bini no ine Chlosterschänki go Zmittagässä, was mau widr sehr fein isch gsi und zum vibe vo Autstadt und Cathedral passt het.    Read more

    See translation
  • Lio99Prag 2026Lio99
    Matchaa
    Zmorge im Kaffi LetkaTheminerscoffee1MatchaaaLetna Park (Letenská pláň)Museum für Technik (bi nid dinne gsi)1MatchaaaaKrálovská obora StromovkaZnacht

    5. Tag, chillä

    March 5 in Czech Republic ⋅ ☀️ 3 °C

    Hüt bini eifach chli am chillä gsii.
    Zum Zmorge hani ds beste Omlette vo mim Läbä gha, när bini ih 2 grössere Pärkli gsi und ha dert eifach gläsä. Ds het mi sehr glücklech gmacht, esch eifach sehr entspannend gsii und het gwohlet.Read more

    See translation
  • Lio99Prag 2026Lio99
    Zmorgää
    Bi widr id Ruinä gangeKašna s Tritonem v Havlíčkových sadech1Ds het mi gd gfröit hani ds uf mim to go Bächerli gseh :DWüus so fein isch gsi nomau Sushi go ässä😁1Zbreit füre Sitz... abr cha mi chli inequetsche, auwo bini rdy fr dNacht😊

    6. Tag, Uf-, Ab- und Zemebruch

    March 6 in Czech Republic ⋅ ☀️ 9 °C

    Hüt steit nomau chillä ah, bevor ig de am haubi 7i ufe Nachtzug hopsä.
    Ig bi ih ds Pärkli gangä, woni nomau ha wöue womi so verzouberet het (Grébovka (Havlíčkovy sady)). Es isch fantastisch gsii, schöns Wätter, dVögu wo pfiffä und es spannends Buech + Matcha (mau widr).
    Bi de spät go Zmittag ässä und sehr früeh los fr ah Bahnhof, wüui nonid gwüsst ha uf weles Perron ig muess. Ar Information sisi giga hässig gsii, wüu ig ihres schlächte Englisch nid verstange ha (Augen auf bei der Berufswahl) und ha de abr glich useghört, ds ds Perron ersch 15min vor Abfahrt ahgäh wird.
    Mit guet 1.5h Zit bini ner chli düre Bhf gschländeret, hamer Znacht kouft (eifach es Sandwich, drum kes Foto) und bi no is Pärkli vorem Bhf go höckle. Wo de die zwöiti Person cho isch und direkt vor mir ane Boum bislet het, bini ner ih Bhf seuber go warte.
    Dert isch eine neb mir ghocket wo uf sim Handy Fotos vo haubnackte Manne ahgluegt het und au 10sec zu mir überegluegt het. Da mr ds leid nid ghür isch gsii und er ou chli usgseh het aus hätter nid nur Wasser intus, bini de witer schüsch nöime go warte bis ds Perron vom Zug ahzeigt worde isch.
    Ize hoffi dsi ohni Ungerbrüch und direkt uf Basu chume, drücket mer dDüme😆    Read more

    See translation
  • Lio99Prag 2026Lio99
    1"Sitz"-Abteil
    Sunneufgang usem Zug use😁Müed abr glücklech1Bärn ig ha di gärn

    Widr Däheimä

    March 7 in Switzerland ⋅ ⛅ 8 °C

    Ig bi mega guet heigreiset, ha nid müesse umsgige bis uf Basu, ha mis Abteil nur mitem Mikalej teilt, emne Pol, wo uf Frankriich geit go Skifahrä😁 Eh sehr eh liebe Mönsch gsi und mir hei hüt am Morge no chli zeme gredt, er isch abr ds Basu nid no witrcho uf Bärn.
    Zum Glück het üs no öbber gseit, wo nur bis Leipzig drbi isch gsii, dsme dSitze im Abteil cha abeklappe, dses zumene Bett wird, de hani im Sitzabteil fasch glich guet pennt wie im Schlafabteil fr uf Prag.
    Es isch eh mega schöni Reis gsii, Prag möchti unbedingt mau widr gseh😁    Read more

    See translation
    Trip end
    March 7, 2026
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice