Mérida 🇲🇽

Nachem Ufenthalt uf dere wunderschöne Insle hei mir wieder mau fürnes Zitli Abschied gno und si witers gange iz Landesinnere und zwar uf Mérida😄
Dert isches soo heiss gsi, das mir afe mau ä Huet hei müesse choufe wäge dere Sunne, süsch hätte mir die Toure nid usghalte 🥵
Es immer öpe um die 40 Grad ume gsi, ke Wind und eifach nume Sunne - aso ömu fasch immer 😅
Mir si Chichén Itzá ga ahluege (das isch eis vo dä 7 Weltwunder) und wo mir dert si gsi hets hurti ä Schütti gä🌧️ Abr heis auso grad gnosse, es isch ä willkommni Abchüälig gsi & si pfloschtnass gsi 😂💦
In Mérida si mir d‘Stadt ga aluege und hei wieder sone Free Walking Tour gmacht, wo vom nä Guide gfüährt isch worde, wo eim Gschicht und Wüssenswerts über d‘Stadt het verzeut.
Mir si iz Musikmuseum gange was ou sehr spannend isch gsi und am nä Abe hei mir ufem Stadtplatz ä Uffüährig vo dä Mayas ahgluegt. Si hei paar Ritual zeigt und wie das früächer d‘Mayas ihres bekannte Ballspiel „Pok-A-Tok“ hei gspielt.
Es isch auso ä spannendi & „heissi“ Stadt😄Read more