Isla Mujeres 🏝️

Isla Mujeres isch ganz ä wunderschöni, chlini Insle wo vo Cancun us ganz eifach erreichbar isch😄

Uf der Insle hei mir ä ungloublech schöne Schnrocheltrip gmacht u zwar mit Whale Sharks 🦈 Es isch dr gröscht Fisch wos git 👀 Die Tierli ernähre sich vorauem vo Plankton und Kleinstlebewäse. Mit ihrem grosse Mu suge si z’Meerwasser uf und tüäs filtere. Die längschte Walhaie chöi bis zu ca. 14m läng wärde und wiege ca. 12t. Die Tier erreiche z Erwachsenealter ersch mit ca. 30 jährig und läbe ou dementsprächend lang - si chöi bis zu 100 jährig wärde. Da d Beständ weltwiit sinke, wird der Wahlhai uf der rote Liste der Weltnaturschutzunion gfüehrt und somit als stark gfährdet ihgstueft.
Walhaie soo nach z gseh isch der absolut Wahnsinn gsi. Sehr beihdruckt si mir gsi und happy das mir es paar hei dörfe gseh u das de ohni das die Tier si ahgfuetteret worde 🥰🙌🏼

D Insle isch würkli es chlises Paradisli🏝️ Z‘ Wasser zeigt sech i dä schönschte Blautön, der Sand isch schneewiis und sehr fiin 🏖️ Zum Bade und zum chli sii ganz herrlech - abr ou cheibe tüür 😵‍💫🙈 Di „normale“ Touchgäng wo mir no hei gmacht dert, si im Verglich zum Ässe, Tourischtesouvenirs und jenschte angere Tourä no günschtig gsi - was ja irgendwie total kontrovers isch 😂 Abr es geit o mit Low-Budget - säuber choche und Hostels 😜Read more