Medellín 🇨🇴

Medellín - Es absoluts Highlight uf üsere Reis, di zweit gröschti Stadt vo Kolumbien 🙌🏼❤️

Medellín isch mau eini vo dä gfährlechschte Städt gsi, wo Tag täglech Schusswechsel zwüsche Polizei, Militär, dä Drogenkartell und dä Guerillas hei stattgfunge. Trotz däm i üsnä Chöpf immer no d’Kriminalität und di wüeschte Szene vo vor 30 Jahr gspicheret si, het üs die Stadt sehr gfaue, mä mues hiä nüme angscht ha u mä isch vorauem grad aus Tourischt sicher. Die Stadt het üs wahnsinnig beihdruckt mit dere ganze Gschicht und däm Wandel wo d’Lüt und d’Stadt i dä letschte paar Jahrzent hei düregmacht.
Medellín isch ä innovativi Stadt und het 2012 für das sogar dr Innovationspriis gwunne. Es het überau Kabinenbähndli wo uf d‘Höger vor Stadt füähre. Mä chunnt ganz eifach mit der Metro vo Ort zu Ort und mir si zum Teil nid usem stuune usecho wie schön dases isch🙌🏼

Am einte Tag hei mir ä Tour gmacht wo mir uf dä Spuren vom Pablo Escobar si gsi. Mir hei d Comuna 13 bsuecht wo z’gfährlechschte Viertel isch gsi vor Stadt und jetzt im nä ganz angere Liecht ufblüht. Es isch truurig und tragisch was denn zu mal aues isch passiert und wie viel unschuldigi Lüt si gstorbe. Abr ja, d‘Stadt het sech erholt, d‘Wundene wos bi dä Lüt het hingerlah si abr immer no da.Read more