Aramayı sıfırla
Zentral- und Südamerika
  • Andrea Sempach
  • Marietta Aeschlimann
  • Andrea Sempach
  • Marietta Aeschlimann

Zentral- und Südamerika

Mir hei lang gwartet uf die Reis und üse Troum wird äntlech wahr. Üses grosse Ziel isch Spanisch z lehre. Drzue umereise und öpis gseh vo dere Wäut. Okumaya devam et
+3
Takip EtGenel BakışGenel BakışTakvimTakvimFotoğraflarFotoğraflarPaylaşPaylaşYapılacaklar listesi
En yenisi başta
  • Gezinin başlangıcı
    15 Mart 2023
  • Zentral- und Südamerika

    About last Saturday

    11 Mart 2023, İsviçre ⋅ 🌧 3 °C

    Dass vor dere grosse Reis bi üs beidnä sone riise Wunsch no in erfüllig geit und dass das so ufgeit mitem Timing, hätte mir üs vorher niä gwagt z ertröime! Es git ke bessere Saisonabschluss aus dr Ufstieg id NLB - Eagles go💙💪🏼Okumaya devam et

    Çeviriyi gör
  • Zentral- und Südamerika
    2

    Adiós

    15 Mart 2023, İsviçre

    Es isch sowit und üsi Reis geit los! Nach langem hin u her mit packe u organisiere simer ready u höckle iz scho im Flüger 😁🙌🏼
    Hüt Morge no vou im Schnee u iz geits richtig Strand😅

    Çeviriyi gör
  • Zentral- und Südamerika

    San José - Tamarindo

    17 Mart 2023, Kosta Rika ⋅ ☀️ 22 °C

    Aso mir wäre de guet ahcho in San José.. fasch vergässe z Poste im Blog, da mir üs afe mau hei müesse erhole vo däm länge Flug und mir üs no ä rächti Ercheutig ihgfahre hei —> Dr Ufstieg lässt Grüssen 😅
    Hüt geits witer nach Tamarindo. Dr Bus isch zimmli vou und d fahrt duuret öpe 5-6 Stung😅    Okumaya devam et

    Çeviriyi gör
  • Zentral- und Südamerika

    Chli ga luege

    18 Mart 2023, Kosta Rika ⋅ ☀️ 31 °C

    Hüt si mir dr erscht Tag in Tamarindo chli am gniesse gsi. Aus erschts hets für Sam ä Yoga Session am Strand gä u für Äschi äs i Tag inehänge ir Hängematte 😉
    När simer ane Märit wo mir üs mit früschem Gmües und Frücht ihdeckt hei u aschliessend si mir z Dörfli no chli ga erkunde🙌🏼😁Okumaya devam et

    Çeviriyi gör
  • Zentral- und Südamerika

    Auf der Weide da ist Party

    18 Mart 2023, Kosta Rika ⋅ 🌙 28 °C

    Jetlag und Ercheltig si langsam überwundä, derfür macht sich jetzt anders bemerkbar. Ob d‘Ursach für di schöni Haarpracht ar elektrisierände Duschi oder doch eher am Klima ligt, isch nid ganz klärt. Aber wieso üs plötzlich äs gwüsses Lied nacheglofe isch, isch gloub klar🤣. Oh Shaun das Schaf… Sei nie brav sei Shaun das Schaf🐑Okumaya devam et

    Çeviriyi gör
  • Zentral- und Südamerika
    Das isch üse UfenthaltsruumDas isch ä Bereich zum Lehre und Ufgabe macheÄschi am hänge u drzue no chli ufgabe mache ;-)

    Aprendí las primeras palabras

    22 Mart 2023, Kosta Rika ⋅ 🌬 27 °C

    Mir hei i dene wenige Täg sit mir hiä in Costa Rica si, scho zimmli schnäu gmerkt, dass mä mit Englisch nume so häb chläb dürechunnt! Drum si mir am Sunntig bire Sprachschuel ga frage, ob mir de grad am Mändig dörfte cho und afe mau paar Lektione Spanisch nä 😁
    Das het du klappet und ize si mir scho dr dritt Tag dranne u fliessig am Wörtli lehre 🙌🏼😅
    D Schuel hiä in Tamarindo (wie häts ou angers chönne si) isch natürli vou mit Schwizer 😂 Abr das isch würkli ke Überraschig gsi für üs und isch füre Ahfang ou völlig okey😁    Okumaya devam et

    Çeviriyi gör
  • Zentral- und Südamerika
    1Ja sone Drink mues mä sech zwüschdüre o gönnä 😉Aso dr Kafi am Morge isch öpe z Wichtigschte 🙌🏼1

    Tamarindo hei mir gseh

    24 Mart 2023, Kosta Rika ⋅ ⛅ 30 °C

    Mir hei üsi erschti Wuche Schuel hinger üs! Es isch ungloublech schnäu düre gsi u glehrt hei mir gwüss ono viu😁 Mir chöi üs ömu düreschlah! Mir hei ä gueti Zit gha u vorauem o wäge au dene Lüt wo mir ir Schuel troffe hei! Am Friti Aabe hei mir üse Abschluss mit paarne Schuelkollege no chli gfiiret. 🎉🥳
    Hüt hei mir Tamarindo verlah u si gwüss bau froh, wöu Tamarindo isch nid z ächtä Costa Rica, es isch tüür, es het sehr viu Tourischte (vorwiegend Amerikaner) wägedesse wirds ou liebevoll „Tamagringo“ gnennt und es isch nid würkli öpis speziells, ömu sicher nid so wie mä sech Costa Rica süsch vorsteut mit au dene Tier und Farbe! 🌴🦜🦥
    Uf jede Fall si mir jetzt in Samara ahcho, das isch es chliises Surfer Dorf südlech vo Tamarindo. Mir hei hüt mau probiert, ob das klappet mit em ÖV - ja mir si ömu ahcho, abr zum Teil isches bim Umstige no schwer zum usefinge wo das mä de der nächscht Bus verwütscht☝🏼Aber mir chöinis ja iz düreschlah dank der Schuel 💪🏼😉    Okumaya devam et

    Çeviriyi gör
  • Zentral- und Südamerika
    Ja genau, ä Schuttmatch hei mir ono gseh..abr der Elfmeter müesse si no chli üäbe 😉

    Oh, qué bonito.. hei mir gseit

    25 Mart 2023, Kosta Rika ⋅ ☀️ 29 °C

    Am Samschti si mir in Samara ahcho und hei grad sofort gspürt, da herrscht ganz ä angere Vibe als in Tamarindo. Z Dörfli isch viu gmüätlecher und der Strand wunderschön. Churz gseit, mir füehle üs da scho viu wöhler 😉

    Samara isch perfekt zum ahfah Surfe, da der Strand ire Bucht isch und somit ä chli abgschirmt vom offne Meer. Äschi isch hüt zum aueri erschtä mau überhoupt ufem Surfbrätt gstange und het das super gmacht 🏄🏻‍♀️😊 Si het vore am Beach grad ä Surf Lektion gno.

    Sam het sech ou äs Brätt gmietet und isch uf eigeti Fust gange und nachem Surfe het si no ihri obligati Yoga Session am Strand gmacht 🏄🏻‍♀️🧘‍♀️😉

    Üses Hostel ligt im Zentrum und isch ou nid wit weg vom Strand. O da hets ungloublech viu Schwizer, vorauem vor Westschwiiz. Ja und mir si da im nä 6ser Schlafsaal – das geit tiptop, ussert der Venti macht di ganz Zit was er wot oder de hetmä wieder es paar Bsuecher ir Duschi ➡️ gmeint si nid angeri Mönsche, sondern Kakerlaken 🪳😱

    Im Grosse und Ganze, es isch no veiächli guet zum Verwile da😎    Okumaya devam et

    Çeviriyi gör
  • Zentral- und Südamerika
    Playa Cuevas
    Playa Santa TeresaÄ feini Piña Colada am Playa Santa Teresa hei mir üs scho müesse gönnä😜Hunger gits o geng😉💪🏼Playa CuevasIsch doch gar nid so fautsch odr verstöh mir öpis fautsch?😎Üses BadDas isch üsi outdoor ChuchiÜses härzige Bett & NachttischliWarm Up Äschi💪🏼1Badhose wo bisch!!?Üsi Ussicht😎

    Santa Teresa

    30 Mart 2023, Kosta Rika ⋅ ☀️ 30 °C

    Mir si geschter witergreist nach Santa Teresa und mir hei da ä super Ungerkunft verwütscht wo mits im Grüenä isch😊

    De hei mir aus erschts grad ä Abstecher gmacht zum nä ganz chlinä, härzige Strändli „Playa Cuevas“ wos üs ganz fescht het gfaue und mir dert ä wunderschöne Sunneungergang hei chönne gniesse!🌅

    Santa Teresa isch wieder ä grössere Ort. Z Städtli isch relativ läng zoge und nur teilweise asphaltiert.. plus es isch öpe dr tüürscht Fläck vo Costa Rica😅🤑

    Dr Strand Playa Carmen & Playa Santa Teresa si sehr gross und läng! Es het sehr viu Surfer wos definitiv im Griff hei😄
    De hei mir dä Platz am Strand grad gnützt; Sam het ihri Yoga Üäbige gmacht und Äschi es paar Warm Up Üäbige vom Unihockey! 💪🏼
    U wöus doch soo viu Platz het gha, het d Sam ihri Badhose irrtümlecherwiis äbe o grad eifach so la lige😅😱

    Morn geits de scho witers uf Montezuma🚎    Okumaya devam et

    Çeviriyi gör
  • Zentral- und Südamerika
    Aso genau hinger däm Schild hets 1 Gstell mit Büächer ghaPlace to be 😎Cascada Montezuma2Am Morge nach dä 7bnä wiit u breit niämer umeMir chöcherlä meischtens säuber mit dä zum teil beschränkte Chochutensilien😅O hüt hei mir veiächli möge bigä 😉

    Montezuma - Klein aber fein

    1 Nisan 2023, Kosta Rika ⋅ 🌙 28 °C

    Vo Santa Teresa si mir geschter uf Montezuma witergreist. Aus erschts hei mir es Taxi chönne Teile mit paarne angere Tourischte bis uf Cobano. Dert ahcho hei mir gseh, dass mir no 3 Stung ufe nächscht Bus hätte müesse warte. 🤦‍♀️ U de hei mir üs entschlosse mau das „hitch hiking“ (Autostöpple, wo hiä sehr viu Lüt mache) usprobiere. Mir si däm gägenüber eher skeptisch ihgstellt bzw. gsi, abr mir hei dänkt, isch besser aus 3 Stung ufe Bus z warte. Mir hei öpe ä haub Stung probiert bis der Erscht het stiu gha. Es isch ä österrichische Tourischt gsi, wo üs het mitgno und grad vorem Hostel het useglah! 🙌🏼🚗

    Montezuma.. ja, das isch ganz es chliises, bsungrigs Dörfli wome gfüehlt innert 2 Minute het gseh 😅 Klein aber fein! Es het sehr viu so grümscheli Lädeli und Soda‘s und Kafi‘s wome chli cha Zit vertribe. Es het sogar so öpis wine Buechlade - aso besser gseit hets eifach genau eis Gstell mit Büächer i jedere Sprach, abr es fingt jede öpis. D Stränd si nüme so gäbig zum Bade wöus teilwiis zimmli steinig & felsig isch. Aber es isch seehr gmüätlech, härzig und irgendwodüre hets si Charme😄

    Hüt simer ga d Montezuma Wasserfäll aluege. De hets unger jedem Wasserfall sone Pool wome drin cha ga bade. Ganz erfrüschend im Gägesatz zu dä Temperature wo z Meer het und mä isch mau nid vou Sand gsi..wobi das ja gjammeret isch uf höchem Niveau 😉 Item, uf jede fau weme zu dä höcher glägene Pools het wöue, isch Chlättere ahgseit gsi😅 Aso üses Workout hei mir somit ou gha💪🏼

    Mir blibe da iz no paar Täg, bevors de witer geit richtig Jungle🦜🌴    Okumaya devam et

    Çeviriyi gör
  • Zentral- und Südamerika
    1
    2Schono gmüätlech☺️Aha🤔Was doch ä i usmacht 😉 Dr Richi kennt doch jedä, odr?😂

    De Montezuma a Monteverde

    5 Nisan 2023, Kosta Rika ⋅ ⛅ 32 °C

    Eigentlech hei mir dänkt mir heige für die Verschiebig vo Montezuma nach Monteverde so ca. 4-5 Stung - abr schlussendlich isches viu länger gange 😅🙈 Zersch ufe Bus, när Ferry, när wieder dr Bus 2x😅 Ja es isch immer ä Herusforderig, abr schlussendlich chunnt mä irgendwie az Ziel mit frage und luege wos düre geit u wo dr nächscht Bus Terminal isch etc.😄

    Mir si guet ahcho und müesse üs ize grad wieder chli umgwöhne, wöus in Monteverde früscher isch und mir wieder müesse Socke u längi Hose ahlege😜
    Z Beschte vom Hostel isch, das mir nach paar Wuche wieder mau ä Duschi hei, wo warms Wasser het🚿
    Mir hei festgesteut das üses Hostel relativ grüen isch wöus überau viiu Pflanze het😅 Es het ou überau so Wandtafele wome mit Chridä öpis cha druf schriebe odr zeichne. 😉

    Mir freue üs ufe Jungle und uf die grüeni Pflanzewelt und uf die viele Waudtierli🦜🦥    Okumaya devam et

    Çeviriyi gör
  • Zentral- und Südamerika
    1

    La Reserva Bosque Nuboso Santa Elena

    6 Nisan 2023, Kosta Rika ⋅ ☁️ 20 °C

    Hüt hei mir ä Wanderig gmacht im Santa Elena Reservat, mits im schöne Näbuwaud🌳
    Es isch beihdruckend wie schön grüen dases isch und wie gross die Artenvielfalt vo dä Pflanze isch und was da aus so cha wachse uf dä Böim säuber😊 Tier hei mir hüt leider fasch kener gseh, mit Usnahm vo paarne Vögu (wome eifach cheibe schlächt het chönne fötelä..si si äuä chli schüch gsi😉) und die schöni Raupe🐛
    Z Schönschte isch gsi wo mir die Vögu hei ghört pfiffä, würkli wunderschöni Kläng und ufene Art ou entspannend🦜    Okumaya devam et

    Çeviriyi gör
  • Zentral- und Südamerika
    2Das wär äbe iz z Ämmitau🙌🏼Thunersee mit Sicht ufe NiesenFasch chli vom Winde verweht🌬️Ja da wäre mir recht flach usecho, we mir nid hätte umtischelet🤨

    Viaje a La Fortuna

    7 Nisan 2023, Kosta Rika ⋅ ☁️ 25 °C

    Hüt simer scho wieder witers gange nach La Fortuna. D Fahrt isch sehr schön gsi u mä het viu gseh😊 Zersch simer mitem Shuttle Bössli chli dür z Ämmitau gfahre, mit viu Weide und Chüä u när simer uf d Blüemlerä umgstige ufem Thunersee und si richtig Interlaken gfahre. ⛴️ u vo dert us hei mir sogar Sicht ufe Niesen (Volcán Arenal) gha. Aso ganz wie daheim 😉

    Nach der schöne Fahrt ufem See (Laguna de Arenal) simer wieder ines Bössli umgstige - dert hei mir chli päch gha, das mir z hingerscht hei müesse häre hocke u bi üsne Chöpf die Koffere geng wie necher si cho..und zwar bi jedere Kurve🤨🤔 De hei mir när mau chli vorbeugend müesse umtischele!    Okumaya devam et

    Çeviriyi gör
  • Zentral- und Südamerika
    El Arenal Vulkan
    Dä isch de immer no aktiv 😉Vulkangstei vom letschte Usbruch11Das wär iz äbe dä, gsichtet eifach so bim Verbigang😅😉Schono härzig winer lächlet🦥Äschi am Pfiläboge schiesse🙌🏼1So härzig dä chliin 🐸Bananenbaum mit dä Frücht und BlüetäAso wemä üs nid hät gseit, dass da ä Frosch ischh wär mä gwüss bau drüber gstoglet😅Scho mau Ross gseh Ananasschale frässe?😄😂

    La Fortuna

    9 Nisan 2023, Kosta Rika ⋅ ⛅ 27 °C

    Aso üses Ziel isch scho gsi, dass mir z mingscht einisch sones Fuultier us der nächi chöi bestuune, abr dasmä da nid mau inä Park hät müesse u mä das eifach grad so bim Verbigang gseht, hätte mir o nid grad erwartet😅🦥 U wohlbemerkt o mau eine wo nid schlaft.

    Abgseh drvo hei mir natürli o viu gha vo üsere Nachttour und der Tagestour. Mir hei bi dene Toure je ä Guide drbi gha, hei sehr viu über Tier, Pflanze und die umliegende Vulkän glehrt. 🌋

    ☝🏼Gwüssi Banane Arten wachse bis zu 2-3 Jahr, när trage die nume einisch Frücht u de wird Pflanze scho wieder abghoue⁉️🤔😳

    ☝🏼D Ameise trage zu tausende chliini Blätter Stückli i ihres Loch wo öpe 6-7 Meter im Bode isch u futtere dert ä Pilz. U we de dä gnue gross isch, wird dä de vo dä Ameise gfrässe. D’Königin läbt bis zu 7 Jahr und di angere läbe nume ca. 3 Mönet😧

    ☝🏼D Faultier si nid eifach langsam wöu nä das so passt, nei, si si langsam wöu si sone langsame Stoffwechsel hei und d Blätter wosi frässe ihne nid so viu Energie zuefüähre. Damit si nid z viu Energie verpuffe schlafe si 15-18 Stung pro Tag. Wesi wach si, si si deswäge ou gaanz gmüätlech ungerwegs😉

    Mir si ou bim nä wunderschöne Wasserfall gsi, wo o mir aus Schwizer (mir sinis ja a üser schöne, grosse schwizer Wasserfäll gwohnt) hei müesse säge; Wow, gseht super us🙌🏼
    De simer ono bi dene HotSprings gsi ga bade. Das isch würkli sehr schön warm und wie im nä Termalbad gsi🛁
    Eis vo dä Indigene Völker hei mir ono bsuecht (Maluku-Indianer) und mir si no bim nä
    Schmetterlingsgarten und bim nä Froschteich gsi🦋🐸

    Mir verlöh morn La Fortuna und somit ou z Land und gö witer nach Nicaragua. Mau luege wie dass das klappet 😅🙈🇳🇮

    Gracias Costa Rica! Pura Vida🇨🇷    Okumaya devam et

    Çeviriyi gör
  • Zentral- und Südamerika
    Das wär iz äbe sone Chicken Bus 🐥
    Het schono style 😜🙌🏼Ja weme öpis füre nimmt, mues mä mängisch no luege wo mä d Finger het🙀So quasi der Time Square vo San Juan del Sur😅Das si Busticket🥳Üser super Sandale, wo mir no in Costa Rica hei kouft - Pura Vida steit sogar druf🤙🏽

    Nicaragua - San Juan del Sur

    11 Nisan 2023, Nikaragua ⋅ 🌬 33 °C

    Scho fasch hinger dri simer mit Footprints setzä..mängisch da gseht mä so viu u erläbt so viu, lehrt so viu lüt kenne u mä isch ständig sech am ustuusche u rede, de vergisst mäs fasch die schöne Ihdrückt z teile😅

    Uf jede Fau si mir vor 3 Täg uf Nicaragua greist u zwar uf San Juan del Sur. Z Bordercrossing isch tiptop gange u de heisi üs ömu iche glah😉 Nach dr Grenze si mir i nächscht Bus ihgstige u zwar si das hiä in Nicaragua auti amerikanischi Schuelbusse u die wärde hiä „Chicken Bus“ gnennt. Wörum Chicken Bus? Si hei üs gseit wöu si gelb si..abr villech gits ja ono ä angere Grund wo mir no nid wüsse🤷🏼‍♀️
    Abr mit dene reise lohnt sech aui mau. Es isch günschtig und jedi fahrt es chliises Abentüür und mir zwöi „Gringo Blanco“ hocke mits i dä Locals - es isch absolut genial wie das hiä funktioniert. O wes teilwiis chum meh Platz het, si stosse eim bim Bus eifach no hinger iche u jage eim fasch, aso praktisch wie bim Viehtransport 😂

    Mir si guet ahcho in Nicaragua und hei ä super erschte Ihdruck becho vo däm Land! Zudem isch aues massiv günschtiger!    Okumaya devam et

    Çeviriyi gör
  • Zentral- und Südamerika

    Playa Hermosa

    13 Nisan 2023, Nikaragua ⋅ 🌬 30 °C

    Geschter hei mir ä Usflug gmacht zu däm wunderschöne Strand wo sech si Name ächt verdient het „Playa Hermosa“!
    Da d Stränd hiä in Nicaragua vo Privatpersone chöi kouft wärde, isch o dä in Privatbsitz und mä het müesse Ihtritt zahle. Es isch sehr ä subere Strand, es si fasch kener Lüt dert gsi und het sech auimal glohnt dä Ihtritt z zahle. Mir hei dä praktisch für üs gha☀️🏝️🏖️.Okumaya devam et

    Çeviriyi gör
  • Zentral- und Südamerika
    Volcán Conceptión - letscht Usbruch 2010😊
    Das isch no es Video vor Ferry us mit Blick ufe Vulkan 😊Es isch luschtig gsi das Tuktuk fahre😂Üses Grüppli🙌🏼Punta Jesus Maria😊I üsem Tuktuk🤙🏽Das isch eis vo üsnä Rennmobil gsi😜

    Ometepe

    14 Nisan 2023, Nikaragua ⋅ 🌬 31 °C

    U scho simer witers gange😊 Mir si witers zum Nicaraguasee (Lago Cocibolga), besser gseit uf di schöni Insle Ometepe. Die Insle het zwöi Vulkän, eine aktiv u dr anger nid. Si isch sehr gross (270km2) u der See drum herum isch dr gröscht Binnensee vo Mittelamerika.
    Hüt hei mir ä Roller gmietet u de simer da mit üsnä Kollege (Indien u Holland) gane Tour mache rund um die beide Vulkän😊 Es het mega Spass gmacht wieder mau chli Roller z fahre😅
    Ometepe isch eifach wunderschön u ladt ih zum längers verwile..aso würd säge es het ä guete Vibe😉    Okumaya devam et

    Çeviriyi gör
  • Zentral- und Südamerika
    Mitem Guide chli am diskutiere😊
    Bergblüämli🌸Schono schön die Sicht🙌🏼Üses coole Grüppeli z oberscht ufem Peak🌋Jaa, es isch äbe plötzlech chaut worde🙌🏼 zoge hets wie verrucktDas isch der Tequila Kakatus..aso us dene wird der Tequila hergstellt🍸Jaa die Lavaström hei Spure hingerlah, abr es wachst unheimlech da obe🌿🌱

    Volcán Concepción (1610müM)

    16 Nisan 2023, Nikaragua ⋅ ☀️ 23 °C

    We did it!! 🌋💪🏼
    Mir hei üse erscht Vulkan bestige! Mir si z vierte höch mitem nä Guide sprichwörtlech dert uechä gseklet! 😮‍💨😅Hiä paar Ahgabe;
    - ca. 30‘000 Schritte
    - ca. 20 km
    - ca. 1500 Höhenmeter (wohlbemerkt uechä u diä de ume achä)
    - ca. genau 8 Stung inkl. Pouse
    - 3 Liter Wasser trunke
    - 6:38 am Morge losglüffe

    Aso dä mitem uechä seklä isch de ärnscht gmeint gsi! Üsä Guide isch ab wines Zäpfli u mir hinger nache😅 Dämentsprächend simer iz o recht kaputt😅 Es isch ä mega schöni Wanderig gsi, leider hets z oberscht so viu Näbu gha, das mir nid i Krater ine hei gseh - abr öpe de bim nächschte😉    Okumaya devam et

    Çeviriyi gör
  • Zentral- und Südamerika
    Im hingergrund gseht mä no der chliner Vulkan Maderas, wo inaktiv isch
    Eifach wunderschön gsi🌿🙌🏼11Playa Mango mit Sicht ufe Vulkan Concepción

    Kayaking & Petroglyphs in Ometepe

    18 Nisan 2023, Nikaragua ⋅ ☁️ 30 °C

    Geschter hei mir wieder mau ä Roller gmietet u si voller Vorfreud losgfahre für das mir uf di angeri Site vor Insle chöme für mitem nä Kayak der Rio Istián ga z erkunde. Nachere meh oder weniger churze Diskussion mit dä Polizischte (Uswiiskontrolle uf der Insle…⁉️Die wos afe kenne, wüsse; Sam zieht so Situatione magisch ah😉) hei mir o wieder dörfe witerfahre u si zum Playa Mango ganes Kayak miete.
    De simer uf eigeti Fust zersch am Seeufer entlang padlet bis mir zur Ihmündig vom Rio si cho u vo dert us am Fluss entlang mits i die schöni, grüeni Flusswelt. Es isch eifach wunderschön gsi und mä isch au dene Tierli (vorauem Vögu u Schildchrötli) sehr nach cho - äuä o dä Alligatore, wos schiins hät gha🙌🏼😅

    Am Namitag simer när no ga Petroglyphs (Felskunst) aluege wo us der präkolumbianische Gschicht stamme. Die Indianer hei dert in dene Lavasteine verschidni Tierbilder, Lüt und Wege drigritzt. Sogar ihre eiget Jahreskalender heisi gha - 18 Mönet mit jeweils 20 Täg☝🏼    Okumaya devam et

    Çeviriyi gör
  • Zentral- und Südamerika
    Het gfägt🤙🏽Office mau angers 😉

    Popoyo

    19 Nisan 2023, Nikaragua ⋅ 🌙 30 °C

    Vorgeschter si mir vo der Insel Ometepe wieder a Strand greist und zwar nach Popoyo. Es isch immer wieder seehr amüsant i dene Chicken Bus und wie das so louft und was da eim so predigt wird😅 Wemä bim nä Busterminal ihstigt, louft no schnäu jedä Marktverchöifer düre Bus und wet eim eifach aus verchoufe - vorauem z Ässe, irgendwelchi Vitamin Kapsle odr süsch Medikament! Wemä nid ufpasst und wöus so eng isch i däm Bus, wärde eim d Tomate odr Zangbürstli grad ume Chopf ume donneret 😂 Aso natürli nid absichtlech, abr es mues haut jede säuber luege😅
    Popoyo isch sehr äs verschlafnigs Örtli, het sehr schöni, längi Stränd, no schöneri Sunneungergäng und isch bekannt für sini Surfspots. Drum hei mir ou wiedr mau es Brätt gmietet u si chli ga surfe🙌🏼    Okumaya devam et

    Çeviriyi gör
  • 2026© FindPenguins
  • Ana sayfa
  • Hakkımızda
  • Grup takibi
  • Basın
  • Hükümler
  • Gizlilik & Cookies
  • Yardım Merkezi
  • Damga