Currently traveling

Entlang der Ostsee

April 2018 - February 2020
Currently traveling
  • Day12

    Dargen, Insel Usedom

    April 26, 2018 in Germany ⋅ ⛅ 9 °C

    So langsam möchä mir uns parat für d'Rückrais. Am Morgä früeh no zerscht ä Spaziergang am Meer, denn Fahrt nach Dargen und Bsuech vom DDR-Museum. Morn fahrä mir hai, im Rucksack viili neui Iidrück, in dä Füess 250 km - ca. 350'000 Schritt.

  • Explore, what other travelers do in:
  • Day11

    Heringsdorf, Insel Usedom

    April 25, 2018 in Germany ⋅ ⛅ 9 °C

    Hüt s'erscht Mol bi Rägä vrwachä. Denn aber bi Sunnä am Strand entlang uf Polä gloffä. S'isch iidrücklich gsi, wiä stark mr gmerkt het, dass mr nümm in Dütschland sind. S'isch nümm so useputzt gsi und mir häi vili armi Lüt gseh. Jetzt häi mr 250 km gmacht, meh als mr dänkt häi😁.
    S'WLAN do im Hotel funktioniert nid guet. Ich schick d'Foteli morn 🤔.
    Read more

  • Day10

    Ückeritz, Insel Usedom

    April 24, 2018 in Germany ⋅ ⛅ 13 °C

    Wieder Glück gha, kai Rägä aber dütlich chüehler als diä letschtä Däg. Hüt si mr usschliesslich fascht nur im Sand gloffä, diräkt am Wasser, 20 km wiit, so cha mr sich vorstellä wiä uuuuu- lang diä Stränd do uf Usdedom si. Übernachtä düemmr uf dr gegenüberliegendä Sitä vo dr Inslä - kaini Badestränd drfür äs Surfparadies. Do chutets eus fascht drvo.Read more

  • Day9

    Wolgast

    April 23, 2018 in Germany ⋅ ⛅ 12 °C

    Hüt häi mr s"Naturschutzgebiet "Südspitze Gritz" uf Usedom bewanderet. D'Landschaft und Tierwält si iidrücklich und awächsligsriich, mir häi sogar ä Gugger ghört😊. Mit äm Wätter hämmer immer no Glück gha, kais Rägätröpfli, mehrheitlich sunnig und warm. Mit dä hüttigä 25 km häi mr 200-km-Gränzä überschrittä 😁😊😁.
    Am Obig no Stadtbesichtigung vom härzigä Städtli Wolgast.
    Read more

  • Day8

    Greifswald

    April 22, 2018 in Germany ⋅ ☀️ 21 °C

    Immer no sunnig, aber chüehler. Die hüttig Wanderig isch alles am Meer entlang gangä vo Stahlbrode Richtig Greifswald (23 km). Trotz Sunndig si mr immer no älai uf dä Wanderwäg😊. Die Städt do an dr Ostsee si aifach chaibä schön.

  • Day7

    Sassnitz, Rügen

    April 21, 2018 in Germany ⋅ ☀️ 15 °C

    Mir gniessä hüt Rügen, ohni Wanderschueh 🤗. Allnä wo das läsä wünschä mir äs schöns Wucheänd, lG Yuma🐾, Dieter und Marina

  • Day6

    Stralsund

    April 20, 2018 in Germany ⋅ ☀️ 18 °C

    Temperaturä wiä am Mittelmeer 😎. Mir hei hüt chönnä dussä z'Mörgelä und au am Obig häi mr euses Fischbrötli diräkt am Hafä vo Stralsund chönnä gniessä. Zum wanderä isches hüt für d'Yuma an dr Gränzä gsi, diä schwarzi Fällnasä hät Müeh mit dr Hitz gha😓, kai Schattä wiit und breit. Busfahrä, resp. die richtigä Büs findä isch do im Nordä ä Wüsseschaft.... äs si denn hüt doch no 20 km wordä..... ä Herusforderig für eus alli drei 🙃. Dr Ruehedag morn uf Rügen hei mr eus uf jedä Fall vrdient ☺.Read more

  • Day5

    Zingst

    April 19, 2018 in Germany ⋅ ☀️ 15 °C

    Hüt si mr durä Nationalpark Darss gloffä (23.5 km) - vo Ahrenshoop zum Lüchtturm Darsser Ort, denn witer uf Prerow. Wunderschöns Wätter, ä unglaublich schönä Urwald. Bim Lüchtturm hets eus zviil Lüt gha (mr cha laider mit dr Kutschä anäfahrä). Jetzt si mr in Zingst, diräkt am Wasser und freuä eus uf diä nöchschti Fischspezialität😋.Read more

  • Day4

    Graal-Müritz

    April 18, 2018 in Germany ⋅ ⛅ 18 °C

    Immer no strahlends Wätter, mir wanderä scho in dä Shorts. An dä Stränd gits scho aagfrässeni FKKler, Wassertempertur 6*..... brrrrr.
    Hüt si mr vo Kühlungsborn uf Börgerender gwanderet, vo dört am Strand zrugg uf Heiligendamm. So hämmer guet dr Bus chönnä neh um z'Kühlungsborn s'Auto go z'holä. Denn Autifahrt zum Hotel in Graal- Müritz. Die hüttig Etappä: 20 km. Morn isch s'Naturschutzgebiet Darss aagsait. Liebi Grüess in d'Schwyz 😊Read more

  • Day3

    Kühlungsborn

    April 17, 2018 in Germany ⋅ ☀️ 15 °C

    Ä wunderschönä, sunnigä Dag, sicher 20* warm 😎. Am Morgä Stadtbesichtigung vo Wismar, denn Autifahrt nach Rerik. Vo do si mr durch bewaldeti Dünä gloffä, spöter no ä Stund im Sand äm Strand entlang, ohni Menschä z'gseh - aifach ä Traum. Hüt si mr im Gsammtä 23 km gloffä 😊.