Sulawhaaaat?

Mir stöhn am Mittwuch spöter uff als plant, well mr no sehr müed sind vo unserer lange Reis nach Singapur. Es zieht uns als erscht in e Coffeeshop, wo mir uns e Flat White und e Dirty Chai Latte lönd lo schmegge. Es foht afo rägne und das söll au dr ganz Tag so blibe. Mit dr MRT fahre mir zum Boat Quay und erkunde d Innestadt z Fuess. D Architektur in Singapur isch sehr idrücklich, so au zum Bispiel s Marina Bay Sands Hotel mit sine drei Türm, wo obe durch e riesigi Brugg mit Infinity Pool verbunde sind. Dört obe bsueche mir d Rooftop Bar Ce la Vie. Es koschtet vyl Itritt und obe gits e „gratis“ Drink welle mir uffgrund vom schlächte Wätter nit dusse uff dr Terasse mit tollem Usblick, sondern dinne bi gfühlte 10 Grad Celsius gniesse. Für es paar Schnappschüss stöhn mir aber glich use und lön die faszinierendi Skyline vo Singapur uff uns wirke.
Ab gohts ind Gardens by the Bay, e Mischig us Stadtpark und Kunstinsallation. D Supertree Groves verbinde Natur mit Design und me fühlt sich kli wie amene Filmset vome Sciene Fiction Streife. Innerhalb vo däm riesige Park bsueche mir zwei Usstellige: (Fortsetzung folgt...)Meer informatie