Tag 1&2 - ZRH - BKK - Chiang Mai

Pünktlich am Flughafe acho, wird direkt s‘Gepäck ufgeh und nie denkt, dass de Rucksack nume 12.6kg wiegt. Denoch folgt en emotionale Abschied, scho e komischs Gfühl gsi elei eifach losgoh. Natürli au mit Vorfreud und Nervosität verbunde. De ersti Flug mit nette Sitznochbuure uf Bangkok super überstande und denn fanged mini „Problemli“ a… natürli vergesse die neui Reisebankkarte im Vorus zaktiviere und s‘App goht natürli genau denn wemers brucht nö. Mi probiert selber beruhige und ghofft, dass nochem Aschlussflug uf Chiang Mai wenigstens alles guet chunt. Zum Glück alles tiptop gange und ha nomol voll chöne schlofe, welli serst Mol de Jetlag gspürt ha… Kuhm im Hostel acho, fangts brutal a regne… Regeziit hani au erlebt. Mensche in Asie sind aber würkli so lieb und netti Lüt im Hostel hani au scho kenneglernt. Sogar nebert usem Rhintal. D‘welt isch chli… es isch alles immerno sehr ungwohnt und brucht no ziit zum so richtig dri cho i da elei reise aber hend üs hüt kulinarisch richtig guet goh loh (die Frücht sind eifach vunere andere welt do) und de lang Reisetag hani mit de Freya binere Fuessmassage usklinge loh. Sind beidi btw igschlofe, sooo schö gsi😍 Morn stoht au e grosses Erlebnis ah, drum jetz gad go pfuse.Read more