Tag 3

Früeh am Morge het de Wecker glüte und mir sind abgholt worde für mini erst Tour. Hüt ischs zu de Elefante gange. 🐘🤍 Sie werdet döte gschützt ghalte und guet versorged. Wie wohr alles isch, bini mir am Schluss au nö so sicher gsi, aber sie hend en guete Idruck gmacht die Lüt döte. Zersch hemers dörfe füettere, denn hemmer selber eri Nahrig zuebereitet wos als Probiotikum bechömed und denn simmer no go bade mit de Elefante. Würkli bsunders Erlebnis gsi. Am Schluss hemer no e feins thailändischs Buffet gha. Zrugg im Hostel hemer eigentli wölle en Kochkurs bueche. I ha aber glernt eifach offe sii und nö alles voll plane und hend üs denn dezue entschlosse, üs amene Schwiizerpäärli
(Wo eifach au us St. Galle chunt) azschlüsse und morn e Tagestour an höchste Punkt Thailand zmache und no vieles meh…. Bi so gspannt 😍 Sind denn fein go esse und denoch no en Tempel go aluege, wo Mönch gad Zeremonie gha hend. Soooo idrücklich gsi. Am Obig hemers gmüetlich gno, mit Esse bstelle und üs mit neue Hostellüt ustusche. Jetz aber ab go schlofe demiti für de Tag morn fit bin, mönd au wieder früeh uf. 🙈Weiterlesen