Tag 6

Min letschte Tag in Chiang Mai isch bevorgstande. Gmüetlich wieder usgschlofe, well es het sowieso nume eifach i Ströme abeloh. Mit mine Fründe us de Schwiiz hemer üs bequem Zmorge is Hostel bstellt. Denoch hend üs leider noch dene 4 Täg üsi Weg trennt, well sie hüt uf Bangkok zrugg sind. I bi gmüetlich nochli dur Stadt gschlenderet und e neuis herzigs Kaffi ustestet und chli Me-Time gha. 📖☕️ Nochene het gheisse, ready mache für de Kochkurs. Wow, was ein Erlebnis!😍🫣 Zerscht simmer uf de Markt und hend alli Lebensmittel und Zuetate zeiged becho. Denn hemer für 4 Gäng us drü Gricht eis dörfe ussueche und so je 4 Sache koched. Zue Vorspiis hani Fresh Summerrolls gno, denn e Chicken Coconut Milk Soup, Pad Thai mit Chicken und Tofu und e Green Curry. Zum Abschluss hets Mango Sticky Rice geh. I ha so viil neui Sache glernt und Tipps bim Koche und eifach no nie so guet gesse. Lüt sind sooo herzlich gsi und Kochlehrerin e richtig Entertainerin.🤩🥭🍛🍜 perfekte Obig!! Jede Rappe wert! Und jetz hani sogar e Kochbuech wo alles Schritt für Schritt dine beschriebe isch. Spontan wie alles isch, hani gad auno hüt mis Hostel für Koh Tao umbueched, well Lüt mir gseit hend, sie würet lieber amene andere Ort sii. Morn gohts wiiter in Süde noch Krabi. Vorfreud uf de Strand die nögste 12 Täg isch riesig🥰😍 aber e schöni Ziit im Norde hani gha und dankbar für all die Erlebnis do!❤️ So viil lüt dörfe kennelerne und etz amigs scho truurig tschau sege allne! 🥲Read more