Tag 5

Nochdem i hüt eifach mol bis am 10ni usgschlofe ha, hani min Tag ganz gmüetlich gstartet. S‘erste Mol hani mi eifach elei chli triebe loh, noch wani gad Luscht gha han. Nochere kurze Sportsession uf de Rooftopterasse bini gmüetlich ine Kafi go fein zmörgele und has eifach mol gnosse Ziit für mi zha. Eigentli hani hüt chli wölle dur Stadt schlendere und Kafis uschecke (do gits halt würkli de bescht Kafi) und chli alles erkunde. Es isch aber so heiss und stickig gsi und genau woni zumene neue Kafi lauf, frögt eini (sie hani am obig vorene kenneglernt) öbi mit uf de Monks trail chume. Wells mer i de Stadt e zheiss worde isch, hend sich innert Minute mini Plän gänderet. Da isch öppis woni jetz scho glernt ha, eifach meh jo sege und offe sii und spontan für Planänderige. Bi aber doch no rasch zum Kafi und ha döte die wunderschö Trinkfläsche mit dem schöne Spruch kauft. Passt eifach gad zu minere Reis. Denoch hemer üs uf de Weg gmacht. Leider au alles chli andersch cho, well üs de Taxifahrer direkt zum Ziel gfahre het, obwohl mer eig de Trail hend wölle ufelaufe. En wunderschöne Tempel ischs sowieso gsi und denn simer halt de Trail eifach abeglaufe. Pflutschnass (vom schwitze) dune acho hani mol s‘typische Taxi vu Thailand dörfe erlebe. Im Hostel hani eifach gmüetlich mol chli Ziit für mi wieder gno und uf z‘mol luscht uf frischi frücht becho und bi rasch uf de Streetfood market vis a vis glaufe. 25 Baht sind öppe 60 Rappe und es isch soo e feini Drachefrucht gsi😍 am Obig bini mit de zwei Schwiizer zämä uf de Nightmarket und no fein go esse, well sie morn leider scho abreised. En richtig schöne Tag goht wieder z‘End und freuii mi uf de morgig, well döt au wieder öppis mega cools astoht, woni hüt spontan entschiede han. 😊 I seg nur eis, es wird kulinarisch.😉Read more