Tag 8

Miteme feine Zmorge im herzige Hostelcafé hemer üs bi strahlend blauem Himmel gstärkt. Riese Vorfreud uf de Strand hemer gha, wa aber i churzer Ziit gänderet het. Uf zmol hets für 2 Stund wie us Chübel gregnet. Uf zmol isch de blau Himmel cho und mir hend üs denn gad ready gmacht zum e Longtail Boot zneh für an Railay Beach. Endli hani au mol so e Boot chöne fahre und endli am Strand gsi🌞😍🌴. Wie im Paradies und bi eifach nume happy gsi! 🙈 D‘insle isch so chli gsi, denn hemer sie nochli erkundet und hend Affe gseh. Schono frechi😅 nochere erfrischende Duschi simer wieder is Städtli und chli dur Läde gschlenderet und ufem Food market no uu fein gesse. Als Abschluss hend Freya und i üs no e Massage gönnt. Wie scho zämä zu Beginn vom Trip, jetz au als Abschluss. Die isch leider nö so relaxing gsi wie denkt aber mini Verspannige sind glaubs würkli wegg im Nacke😅😍 well s‘Wetter leider würkli dermasse unsicher isch, starti morn mega spontan in Tag und hoff de eint Ussichtspunkt zmache chöne… die bekannt Koh Phi Phi Insle tour werdi wohl leider nö mache, well sichs bi so wechselhaftem Wetter nö lohnt… mol luege wies wird, weni so die nögste zwei Täg wieder neue Aschluss muess sueche oder öbis eifach mol elei gnüss. I lern vo Tag zu Tag meh mit dem umgoh und sich eifach uf da iloh, au elei Sache zmache… de Rollerunfall womer hüt huutnöch miterlebt hend, het mir aber zeigt, dass is lieber würkli si loh mit em Scooter miete😅 aber insgesamt wieder sooo en schöne Tag gsi mit sooo liebe Mensche🥰Read more