Tag 9

Bi schönstem Sunneschii verwached und gnervt, dass i doch het sölle Koh Phi Phi tour bueche, bini denn aber miteme mega feine Zmorge in Tag gstartet. Leider het mini Luune nochdem i drechnig gseh ha, gad nomol kehrt und ganzi 12.- für de Zmorge zahlt. Klar für üs nö viil aber do schono😅 immerhin uu erfrischend und gueti Portion für de Priis gsi. D‘Hitz het mi hüt schö möge und ha gmerkt hüt wirds en relaxed day… ha denn aber vorgno mir e Grab zleiste und de Hike uf de Tempel zmache… ha aber bis am Nomi gwartet, demiti nö gad bi de gröschte Hitz gang. Het nö ganz klappet mit de Grab (Taxis in Thailand) und denn uf zmol alles zuetue mit Wolke und dermasse agfange regne. Spontan entschlosse eifach im Hostel zbliibe en feine Iced Matcha trinke, lese und eifach chli sii… has hüt richtig brucht, nochdem i immer chli Sache vorgno han… spontan hani mi denn entschiede e Manicure zmache loh für nume 15.- do und wiedermol schöni frischi Nägel zha. Komplette Me-Time day🥰 Per Zuefall sind hüt 4 Mädels us de Schwiiz neui im Zimmer dezue cho und alli werdet au Lehrerinne. Sie hend mi denn gfrögt öbi mit ene mag Znacht esse & ha drum wieder unerwartet Gsellschaft gha. Nochem Znacht hani im Hostel no zwei Mädels us London kenneglernt und mit ihne und de Holländerin no chli quatscht. So schöö wa do alles für Gspröch entstönd. Mis Insta het jetz scho öppe 10 neui Follower well alli eim noch insta fröged, zum enand für wiiteri Tipps bi Ort womer scho gsi isch update😂👌🏻 sharing is caring. Morn wöti aber würkli uf de Tempel und gang drum hüt mol früener go pfuse. Hoff uf guets Wetter!🙈🫣🌞😢 fingers crossed🫶🏻🤞🏻😜Read more