Tag 11

Neuer Reisetag = neuer Ort🌴🤍
Hüt isch es für mii noch Koh Tao gange. Uf de andere siite vo Thailand, im Süde. Langi Reis bevorgstande und mit heftigem Rege in Tag gstartet. De Taxifahrer sogar 20‘ früener wie abgmacht, überpünktlich bim Hostel itroffe. Denn isch die 7stündig Reis losgange. Zerscht mitem Van uf Surat Thani und vo döte us mitem Speedboat richtig Insle. Alles super organisiert gsi aber de Wellegang chamer leider nö vorusplane… leider seechrank worde und i bi sooo dankbar gsi, womer in Koh Samui en Zwüschehalt gmacht hend. Döte acho wie im Paradies gfühlt😍 eifach en Traum wohr worde. Die zweit Fahrt isch leider au nö besser worde aber has dene gschafft. 😅 Endli uf Koh Tao acho und wieder nomol ganz en andere Vibe wie Krabi. Au touristisch aber uu cool mit Surferstyle. S‘Hostel isch en Traum und sooo froh hanis no spontan umbueched. Eventuell blibi do sogar e Nacht länger wie planned… so Plannige mache sind mega streng und i merk i bruch jetz eifach mol gmüetlichi Beachdays… morn würeds gratis en Hike anen uu schöne Strand do mache vom Hostel us aber i glaub i bruch eifach Strand, Yoga und Relaxing. Schnell hani scho Mädels us Dütschland kenneglernt und imene 16er Dorm ischs eigentli nö mol so schlimm und d‘Jungs sind au lieb. Voll Privatsphäre i mim Kabinli. Nochere erfrischende Duschi hani mi ready für de Znacht mit de Kollegin wo mit mir agreist isch gmacht. Fein gesse wie immer, aber leider hani vergesse zsege nö scharf😅🫣 has aber erstunlicherwis essbar gfunde hahah aber a de Grenze🙈😅 sie isch dene zrugg is Hostel und i bi elei chli dur Gegend gschlenderet und as Meer gsesse und eifach chli sii… Muskelkater vom Hike gescht loht sich langsam gspüre und ha mir hüt serste Mol direkt am Meer e Ganzkörper Oil massage gönnt. En Traum😍 E Glace vomene uu herzige Lade hets auno geh und denn hani im Hostel Mädels wieder troffe. Sie sind no wiiter aber i bi so kaputt dasi jetz eifach nur no mag go schlofe. I freuii mi uf entspannti Täg und morn chömed sogar per Zuefall no Kollege us San Galle do a und mini Kollegin wechslet morn is Hostel zu mir. Am liebste würi do jetz eifach mol e Wuche chille aber so viil Ziit leider nöö… wieni die schöne Tasse usem einte Lade hei söll transportiere weissi au nonig🙈😂 aber zersch mol gute Nacht🥰✨Read more