Tag 10

Hüt bini mol früener ufgstande und ha mi um de Transfer kümmeret für morn morge an Pier. Elei reise isch ganz schö tüür welld all die Taxis muesch elei zahle… aber lieber sicher as Ziel cho. Denn hani fein Zmorge gesse und gstärkt e Taxi für zum Tiger Cave Temple gsuecht. Es heti wieder mega viil kostet, aber has gschafft zum am Schluss nume mösse d‘Hälfti zahle und er isch so en liebe Guide gsi und het mi dene noch 2.5h au wieder döte abgholt und uf Ao Nang brocht. Kuhm simer losgfahre hets natürli mösse afange regne aber ha alles debi gha für Rege und eifach nume wölle de Tempel gseh. Bim Ziel acho isch Sunne fürecho und ha die 1‘260 Schritt bi gröschter Hitz dörfe ufelaufe😅😇 aber nume scho für de Golden Buddha und die hammer Ussicht het sichs extrem glohnt! 😍 mini Bei hend am Schluss nume no zitteret… denoch hani no Glücksbändeli becho und die dörf mer nö abzieh, wells süs Unglück bringt… en Mönch het mi dezue no gsegnet… schös Erlebnis gsi & i dem Moment bini mega dankbar gsi, wani eigentli alles do dörf erlebe… Im Hostel acho hani zersch mol dusched und mi denn ready für en Chill-Nomi gmacht. Ha mir en Kafi mit Kokoswasser gönnt und eifach chli umeglege und glese… denn hets gheisse chli packe und ha mi ready gmacht und uf en schöne Sunneuntergang ghofft… nö ganz so schö wege de Wolke aber eidütig wert gsi😍🥹🌊 Füürshow denoch het de ganz Obig toppt. Hungrig hani denn serste Mol elei noch 1.5 Wuche Znacht gesse und e feins Pad Thai gha. Eidütig mis lieblingsesse do! Leider bini irgendwie jetz gad mega schlapp worde und hoff i werd nö chrank well noch dem Workout hüt wöti nur no die nögste 6Täg am Strand chille bevors uf Bangkok goht. I hoff de Körper reagiert nö uf da…. Drum gangi jetz früeh go pfuse und hoff die schlappe Bei sind kei Gliederschmerze sondern vom Steggelaufe hüt. Reisemüedigkeit chunt langsam aber würkli…. Jetz freui mi aber uu uf Koh Tao morn und schöni erholsami Täg döte. Hoffentli bringed mir die Bändeli Glück und i bliib gsund🤞🏻😇✨Read more