Tag 14

Trotz wenig Schlof simer hüt uf üsen Hike. Zersch anen Ussichtspunkt und denn e schöni steili Stross mösse durab laufe an Beach. Es het sich so glohnt!😍 wie im Film!! Leider bini würkli nö geignet fürs schnorchle, weli eifach irgendwie nie Luft und denn Panik bechume… aber immerhin wiedermol probiert und schöni Fisch dörfe gseh.😊😍 denoch het üs zum Glück s‘Taxi wieder abgholt und nö mösse alles ufelaufe. So cool organisiert üses Hostel so Usflüg gratis! Denoch sind Nicole und i no ine uu cools Kafi go Zmittag esse und no käffeled. Obwohl mer üs nonig mol 24h kennt hend, hend üsi Tischnochbuure ganz erstuunt glueged, womer gseit hend mer kenned üs ersch sit gescht obig😅😂 aber mer hend üs echt eifach wie gfunde & sie isch au Lehrerin us Dütschland und wür gern i de schwiiz unterrichte😊 denoch simer wieder i üsi happy hour bar mit e paar lüt usem hostel und es kenned mi Kellner jetz scho döte😅 aber de passionfruit mojito isch eifach genial🍸😍🙈 wieder eimol meh de obig i üsem lieblingsresti usklinge loh und nochli im hostel chillt und morn wömer en neue beach erkunde😍 es isch morn scho de letsht tag in koh tao und muess sege i fühl mi do wie dehei und als heti so e family do und eifach als wäri scho siit wuchene do🙈 bi froh hani verlängeret weli jetz so echt cooli sache erlebe cha😍 also gute Nacht!🥰✨Read more