Tag 15

De letshti Tag uf Koh Tao isch hüt gsi und de hemer nomol wölle voll usnutze. Leider hani chli mit Buuchweh zkämpfe gha… öbs Pad Thai Chicken oder s‘Glace gsi isch, weissi nö… ha süs würkli immer Glück mit allem gha. Trotzdem hani zum Glück de fein Zmorge imene uu herzige Kafi chöne gnüsse, aber denoch bitzli müesse büesse. Ha denn aber doch de Usflug möge mitmache und mer hend üs zdritte e Taxi gönnt und sind zum Freedom Beach gfahre. Zersch hemer döte de Hike zum ViewPoint ufegmacht. Zum Glück hani devor no googled wafür Schueh mer söll alege, aber dasmer üs gege de Rucksack entschiede hend, hemer relativ schnell bereut… s‘chlettere isch aber für die krass ussicht uf jede Fall wert gsi… denoch simer an Beach und hends döte eifach gnosse. Nicole isch öppe e Stund go schnorchle und het e riese Meeresschildkrot chöne sichte😍 s‘Wetter het zum Glück denn no uftue und mir ischs denn au immer besser gange. Zrugg im Hostel hani agfange packe🥹 und hend üs spöter no mit minere Schwiizer-Crew zum Znacht troffe. Hüt hets endli mol kei Asiatisch geh sondern Barbecue & Tacos🌮😍 denoch simer nochli dur Bars gschlenderet und hend aber schnell gmerkt, nöd so i de Stimmig hüt. I werd aber morn mit mine Schwizerkollege uf Koh Samui fahre, well sie per Zuefall genau die gliich Fähre hend. Nicole und i sind denn nochli am Strand entlang gschlenderet und hend e schös Resti miteme Tisch direkt am Meer entdeckt. Miteme feine Mocktail und schöne Gspröch hemer de wunderschö Obig usklinge loh und i weiss jetz scho i werd mini neue Fründe sooo vermisse. Mag ehrlich gad nö weg vo do🙈🥹 de Abschied morn fallt mer jetz scho schwer, aber sie hend mir versproche, dass mer üs mol bsueched. Jetz heissts ab go schlofe, welli morn früeh uf muess und bi gspannt wa mi in Koh Samui erwartet die nögste 2.5 Täg. Freui mi aber uf Entspannig 🧘🏼‍♀️✨🧡Baca lagi