Tag 18

De letsht Tag uf Koh Samui het mit usschlofe gstartet. I ha gmerkt wie mi da Reise und all die idrück müed gmacht hend und drum mi eifach mol für en relaxday am strand entschiede😊🌴🌞 i glaub isch die bescht entscheidig gsi, well de strand isch wie im Paradies gsi😍 zersch aber chli Gegend erkundet und mini wohrschinli letsht Smoothiebowl no gnosse, well in Bangkok gits da sicher eher weniger😅 denoch bini zu de Mädels usem Hostel an Strand und sie hend mer en richtig schöne Platz zeiget wo‘s au wenig Lüt gha het und mer gratis Sunneliege gha het und defür eifach en Drink gno het… richtig gmüetlich gsii und eifach en Traum😍 zum de Süde abschlüsse hani mi am Obig mit de Schwiizerkollege in Chaweng zum Znacht troffe. Da isch nomol en andere Teil vo Koh Samui. Nomol richtig fein und günstig asiatisch gesse😍 zum de ganz obig no schö abschlüsse simer no an Strand ane Beachbar und jede het no sis highlight und sin tüüfpunkt vo de reis gseit… i cha nö sege wa mis highlight gsi isch, wells soo viil unterschiedlichi wunderschöni sache geh het🙈😍 koh tao isch aber sicher sehr hoch obe😊 im Nochhinein heti gern nomol e Wuche gha zum nomol Sache erkunde und vilicht no Koh Pangan bsueche… aber i ha glernt, alles chamer halt nö gseh und definitiv en grund meh nomol doane cho😍 jetz mueni aber go schlofe wells morn morge früeh losgoht an flughafe für uf Bangkok. Mini letsht Destination🥹🫣 freuii mi damol uf e eiges Zimmer imene Hotel😍🥳Read more