Tag 19 - 1

Früeh am Morge ischs an Flughafe vo Koh Samui gange. Leider wartet scho die letscht Destination Bangkok uf mi. Uf de einte Siite hani mi gfreut mol so Grosstadt go erlebe, aber wär gern doch no chli uf de Insle bliibe und die erkundet… isch ja aber e schös Zeiche… 🥰 de Flughafe isch sehr chli und uu herzig gmacht gsi und de Flug isch au uu schnell gange. Taxifahrt isch uu idrücklich gsi, aber ha schnell gmerkt da Grossstadtlebe isch nüt für mi, alles goht gfühlt 10x länger zum vo A noch B cho😅 endli im Hotel acho bini churz mi go umzieh, leider nonig is Zimmer chöne, aber ha mit emne Mitstudent und sinere Fründin (sie chunt us Bangkok) abgmacht. Dusse direkt vo de Hitz erschlage worde aber sie hend e uu cools Sightseeing-Programm gmacht und so hani uu viil Tempel und sogar e Flussfahrt erlebe dörfe. 😍 die Tempel und de riesig goldig Buddha scho sehr imposant gsi! Uf di 6i hemer inere Rooftopbar reserviert gha wo üs mini Kollegin empfohle het. Leider het s‘wetter umgschlage und recht bewölkt gsi und kei Sunset… hend aber doch no paar Minute dusse dörfe Sicht bimene feine Drink gnüsse. I bi eifach nur no am Stuune gsi🫣🙈😅 hungrig simer denn ine Shopping Mall well sie mir sbeschte Pad Thai hend wölle zeige. Wieder bini nö usem Stuune usecho, wie riesig de Foodcourt isch. Und würkli sehr guets Pad Thai gsi! Denoch simmer in Supermarkt und sie als Iheimischi het natürli mir alles brocht zum Probiere well sie immer lüt agsproche het. Soo cools Erlebnis gsi!😍 eifach schö gsi, mol sich umefüehre loh! Die tröcknete, aber au frische Frücht sind sooo guet und die Mangosteen het alles übertroffe! 😍✨ denn hets no e Mochi i Form vomene Bär geh und denn hani (probiert) mi uf de Heiweg mache. Gar nö so eifach finde e zahlbars Taxi um die Uhrziit. Völlig kaputt hani nur no is Hotel endli wölle und ufem Taxiapp hends immer wieder Fahrt canclet wells eifach so viil Verkehr gha het. Ein Taxifahrer het irgendwenn Mitleid gha und mi für viel weniger als alli andere mitgno 😅 verhandle chani… bi denn aber no s‘Navi gsi, well de alt Fahrer praktisch kein Plan gha het woane. Zersch hemers no lustige gha, womer denn aber falsch gfahre sind hets mi nur no gnervt, daser kein Plan het😂🙈 irgendwenn bini denn doch no acho und miteme uu schöne Zimmer belohnt worde. Welli so viil erlebt ha hüt, dank dere private Sightseeing Tour, werdi nomol separat nochene Bilder ufelade. Jetz wöti nur no go pfuuse und nimms morn gmüetlich zum go shoppe😍 i glaub vo de Stadt hani scho gnueg gseh und erlebt😂😅. Guet Nacht✨Read more