Hervey Bay -Tagestour Fraser Island

Euse Plan för am Donnstig wär Rainbow Beach gsi. Jedoch hed's eus denn wägemene Problem med eusem Chüehlschrank iine Camper Wärkstatt gfüehrt. Sie hend eus det sehr spontan & nätt entgäge gno & sofort nochem Problem gsuecht. Nach 2h omeschruube esch denn uscho, dass sie eus verwächslet hend & mer jo gar ned de erwartet Termin send ,wo'd Batterie vom Camper kabott esch 😂😂 Mir hends relativ locker chönne näh, wells sowiso grägnet hed & nüt usem sönnele worde wär. S Problem heder nor bedengt chönne behebe ond euse Chüehlschrank schmöckt emmerno komisch & d Ursach weiss mer ned 🙄 Jäno, för ei Woche esches ja no uszahlte.
Euse neu Camping in Hervey Bay esch voll im Busch enne. Näbst all dene Viicher--> Frösch, Mogge, Vögel & Chäfer, esch mer söscht rächt gmüetlech för sich. En cooli Bushkitchen & sälbergmachte Räge-Duschene hemmer au. S' Highlight send definitiv 5 freiläbendi Kängurus gsi, wo mer am Obig bim spaziere entdeckt ond wie sie grösste Spione beobachtet hend .😍

Am nöchste Tag semmer am 7.45 Uhr abgholt worde, för uf d Fähri nach Fraser Island. D Erwartige send relativ höch gsi för 170.-, pro Person & well alli devo gschwärmt hend. Mitem Bus simmer denn de ganz Tag uf de grösste Sandinsle uf de Wält (öber 120km2) omechauffiert worde & mehrheitlich nor am fahre gsi. Leider esch s Wätter rächt bewölkt gsi & bis zum feine Mittags Buffet simmer no ned so öberwältigt gsi. Mir hätt no chönne en Rundflug mache 15min wo au sehr schön sell sie - uf das hemmer etz aber mol verzichtet 🙈 S'Highlight esch denn aber doch no cho zom guete Schloss. De Lake Mckenzie hed eus beidne de Atem graubt & au en Dingo hemmer no gse. Wisse fiine Sand wie Puderzucker & kristallklars Wasser hed alles öbertroffe🤩 Eifach traumhaft, de See bestaht us Rägewasser und esch daher au ned salzig gsi 😆 Die Stond wo mer det hend chönne bade esch leider vell z schnell ome & mer hend schoweder zrogg uf d Fähri mösse 😞 D' Erennerig blibt aber im Gedächtnis & uf de tolle Fotis! 🤳🙌🏽❤ Morn Morge fahred mir witer richtig Airlie Beach, da aber 9h Wäg dezwösche send, wärdemer spontan luege wo dases en Break ged zwöschedinne ☺Read more