haubziit

ungloublech, wi schneu di ziit hie verbi geit! ersch grad no z‘miami glandet, simer scho chli über der heufti vo üsere reis. aber es git no lang kes ändi: es nöis aabetüür wartet vor üsere hustüre u da derfür heimer hüt üses zwöite outo gmietet. bismer de d‘schlüssle vo üsem wage hei gha si aber paar stunde vergange - uf de chnortz müässe mer aber itz ni gneuer iiga. z‘einzige wo no spannend isch (nid nume für öich, sondern isch ou für üs e nätti überraschig gsi) dasmer für z‘outo schlussendlech, mit aune versicherige u lizenze u weis der gugger was si no vonis hei wöue, bau z‘dopplete vom aagäne priis im internet zaut hei...💸

item, mir hei üse wage u er fahrt - das isch doch d‘houptsach! u mit dem tolle fakt simer hüt scho uf jaco (ad pazifikküste) gfahre. ufem wäg dört häre, heimer di berüähmti „krokodiu brügg“ passiert u hei hurti e haut gmacht, für di wahnsinnige tier z‘bestuune🐊. fridlech u seeleruhig sisi desume gläge u hei ihres muu, viu eifach us kem (vo üs bekannte) grund speranguwiit offe gha. villech het der fisch vom z‘morge e fiise nachgschmack mitsech bracht - de wär di churzi verlüftig aso no verständlech🤢.

z‘jaco aacho simer öbbis go främsle, hei der strand bsuecht u im hostel iichegget. abgseh dervo, dasmer no chli si dür z‘stedtli gloffe u ufem fänster sims em gscheh vor strass hei zuegluegt isch ou nümme meh gloffe🍃.

jael - 16.08.19Weiterlesen