Reset search
Sri lanka
  • Yara Zehnder
Nov – Dec 2024

Sri lanka

A 24-day adventure by Yara Read more
FollowInsightsCalendarShareShareBucket list
Newest first
  • Trip start
    November 26, 2024
    Yara ZehnderSri lankaTraveler

    Ankunft Colombo

    November 27, 2024 in Sri Lanka ⋅ 🌧 28 °C

    Hüt am morge am 8i binich recht kaputt in Srilanka acho. Ha leider nur öppe 3h choenne schlafe. D Flüg sind guet gange, vor allem willi per Zuefall im erste Flugi zwei Fründinne ha troffe wo richtig Vietnam reised. Acho in Srilanka hets leider gregnet, und zwar de ganzi Tag. Drum hani zerst mal en Nap gmacht bevor ich denn id Mall bin go shoppe. Zrugg zum Hostel hani denn scho e wildi Tuktuk Fahrt miterlebt. Morn entdeckich denn d Hauptstadt mit meh Energie. Jetzt hani grad no fein im Hostel gesse und no es Bierli gschlürft. Chas scho chum erwarte bis mis Müsli achunnt ♥️Read more

    See translation
  • Yara ZehnderSri lankaTraveler

    Busy City

    November 28, 2024 in Sri Lanka ⋅ ☁️ 28 °C

    Nacheme lustige Abig gester und es paar Bierli zviel bin ich frisch und munter am 8i verwached. Kei Kater gits immer nur ide Ferie - efach de Wahnsinn! Nachem Zmorge hets denn e Morgesport Session geh. Nachem spörtle hani mich denn uf de Weg gmacht d Hauptstadt go zerkundige. En Park, en Tempel (Buddhistisch und Hinduistisch gmixt) und en See hani als erstes besichtigt. Aber iwie isch alles efach ned so schön gsi, also chani de Ruef vude Stadt bestätige. Denn bini witer in busy Teil vude Stadt womer alles kaufe cha, das hetmer scho meh zuegsproche. Det binich no e sehr schöni Roti Mosche go aluege. Recht erschöpft nach all dem Seightseeing hani es Bier brucht. So wies Traditione wennd bin ich natürlich ine Rooftop bar. Gstärkt vum esse und Bier wieder zrugg is Hostel go umechille und am Abig au no good company vumene Tamil us de Gegend gha. Und Dinah, han extra ganz viel Selfies gmacht wege dir!Read more

    See translation
  • Yara ZehnderSri lankaTraveler
    121

    Off to Negombo

    November 29, 2024 in Sri Lanka ⋅ 🌧 29 °C

    Jetlag het ghittet und ich ha ned chönne vor em 4i Morge ischlafe, drum hani au schön bis am 11 durepennt. Ufgstande, zmörgelet, packt und s Uber grüeft richtig Negombo. Nachere ewige Uber Fahrt (ca 1.5h) bini denn im Hotel acho. Ha zerst no 30min müsse im Rege warte aber zum Glück isch denn doch no epper ume gsi zum Türe öffne. Mega cutes Guesthouse miteme grosse Zimmer, hani gad als ersts gspörtlet. S Ziel isch nach dene Ferie ned weniger Muskle ha wie vorher! Denn hani mich uf de Weg id Stadt gmacht woni vu eim über schnurret worde bi zum e Lagune Tour zmache. Obwohl ich de Pris bis id Hälfti abedruckt han isches immerno viel zviel gsi. Es isch sehr schön gsi aber sie hend d Affe gfüetteret, wasi ned so cool find und iwie absolut nüt zude Natur erklärt. Hani chli Schad gfunde. Am Abig bini imene mega schöne Resti fein go znacht esse, denn ines anders es Bier go trinke und ez im Dritte no es Dessert schnabuliert. Muss irgendwie die Zyt umebringe bis ich endlich cha de Michi am Flughafe hole. Chas chuuuum erwarteeeeeeeee.Read more

    See translation
  • Yara ZehnderSri lankaTraveler

    Finally to the Beach

    November 30, 2024 in Sri Lanka ⋅ ☁️ 27 °C

    De Michi isch gester super acho am 3 ide Nacht und ich han ihn überrascht und am Flughafe abgholt. Denn hemmer eus richtig müsses usem Bett zwinge am morge. Sind fein go zmôrgele und hend eus endlich entschide dasmer an Strand gend. Nach ribigslose 4h Fahrt simmer in Matara acho. De Henri und sini 3 Friends hend eus super lieb enpfange und mir hend die erst Nacht defe bi ihne im Appartment verbringe. Denn simmer direkt scho id Happyhour und sind mehreri Stund neme vudere Bar wegcho. Schön betrunke nacheme guete Abig simmer denn hei is Bett gheit. Hüt schön usgschlafe und denn wieder legendär zmörgelet. Es isch sooooooo schön da! Und hüt isch en richtig Sunnige Tag gsi. Nachem zmorge simmer anen chline hidden Beach wo eus denn leider e Welle verwütscht het und all euses Hab und Gut nass isch worde. Das het eusi Lune natürlich nöd abebracht und mir hend glich super viel Spass gha. Jetzt hemer grad ines richtig nices Hotel icheckt (mit AC😍) und gend bald go znachte mit de anderne.Read more

    See translation
  • Yara ZehnderSri lankaTraveler

    Scooter ride

    December 2, 2024 in Sri Lanka ⋅ 🌬 30 °C

    Leider sind wir sehr müde aufgestanden, da wir ein Mücken Fight die ganze Nacht hatten. Wir sind extra früh ins Bett, aber schlafen keine Chance. Am Morgen ziemlich müde haben wir als erstes einen Scooter gemietet. Mit dem sind wir nachher Strände erkundem gegangen. Am Abend hatten wir eine super schöne Date night in einem wahnsinns Restaurant am Meer. Die Preise waren dementsprechend auch teuer. Aber das Essen hat sich echt gelohnt. Danach sind wir noch zu Henri und seinen Freunden trinken gegangen. Michi hat noch eine neue Frisur abekommen und Tim (der seine Dread 10 Jahre gewachsen lassen hatte) haben wir alle Dreads abrasiert. War spassig. Ich weiss nicht genau, warum ich plötzlich auf Hochdeutsch schreibe. War auf jeden Fall einen wunderschönen Tag. Gute Nacht.Read more

    See translation
  • Yara ZehnderSri lankaTraveler

    Katerday & activity day

    December 4, 2024 in Sri Lanka ⋅ ⛅ 29 °C

    Vorgester wiedermal biz tüf is Glas gluegt. Drum gester Morge chli schwierig gsi zum ufstah. Nüt was es leckers Zmorge mit Iskaffi ned witer guet gmacht hetti. Nachem zmörgele und paar Uno rundene simmer nochli an Strand go chille. Denn isches scho gli wieder Abig gsi und mir sind fein go esse. Curry a discretion für 3 Franke! No uf es paar feini drinks mit de Anderne und denn früeh go schlöfele damit mer hüt fit gsi sind fürs Yoga am 9i. Nach dere sehr coole Yoga session simmer go zmörgele und denn uf Weligama tuckerlet mit eusem Scooter. Das isch es Dörfli eppe 30’ da vu Matara. Det hemer chli erkundet und sind natürlich au wieder an Strand. Mer het endlich mal chli besser chönne bade und mir hend Wasserspass gha. Als Namittags Snack hets es paar Sushis geh. Hüt Abig isch wieder Party im Doctors House und mir treffed no 2 Kollege vum Michi us de Schwiz. Da es morn witer gaht memer eus au vum Henri & co verabschiede.Read more

    See translation
  • Yara ZehnderSri lankaTraveler

    Change of Town - Unawatuna

    December 5, 2024 in Sri Lanka ⋅ ☁️ 26 °C

    Gester Abig isch wild worde, mir hends sehr lustig gha und viel gfästet. Hüt am Morge hemmers gad knapp gschafft am 12i uschecke. Dasmal hemmers zmorge uslah und sind direkt en Burger go esse. Denn hemmer Stuktuk uf Unawatuna gno. Das Dörfli isch au super herzig, chli meh turistisch und vor allem nur Russe. Leider hends euses Hotel überbuecht und mir hend eus denn es anders müsse sueche. Aber eig simmer froh, will mir hend no viels chilligere gfunde. Denn simmer chli umegspaziert und denn am Beach go znachtesse. sHet wieder viel zviel geili Restis da, mir mend wieder sehr viel esse. Zum Dessert hets es grad frisch gmachtes Glace geh nur us Frücht und Kokosmilch. Sehr fein gsi. Jetzt mit vollem Buch im Bett zum morn früeh usechönne. Guet Nacht♥️Read more

    See translation
  • Yara ZehnderSri lankaTraveler

    Slow day

    December 6, 2024 in Sri Lanka ⋅ ☁️ 29 °C

    Gester Abig hemer churz chli Panik gha da ich super intelligenti all eusi 3 Kreditkartene imene Scam ha igeh (ich schwör es isch mega echt gsi). Zum guete Glück hets eus aber ke Geld abzoge und ez lebemer halt no mit einere Karte witer. Gad nomal Glück gha. Am Morge hemer denn e churzi Sport session igleit und sind denn fein go zmörgele. Denn hemer wieder en Scooter gmietet und sind anen ,,hidden‘‘ Beach wo leider nöm so hidden isch gsi. Trotzdem viel Wasserspass gha und feini Früchtli gesse. Nachher hemmers zum Glück gad no vorem strömende Rege hei gschafft und sind denn zerst mal id Massage. Mir hend für 12 Franke glaub die geilsti Massage sit langem gha. Denn zerst is einte Resti go Muschle esse (hemmer gester überall gsuecht und nur eis einzigs Resti het Muschle) und is nögste go richtig Znacht esse. Jetzt simmer de Abig no innere richtig coole Bar am usklinge lah.Read more

    See translation
  • Yara ZehnderSri lankaTraveler

    Turtles turtles

    December 7, 2024 in Sri Lanka ⋅ ☁️ 30 °C

    Hüt am morge hemmer leider zerste Mal nöd so guet zmörgelet. Aber euse Standard isch au höch will mer eusi Restis immer mit sorgfalt ussueched. Nachem zmorge simmer richti Dalawella Beach losdüset. D Fahrt det anne isch sehr schön gsi. Erst womer acho sind hemer gmerkt, dass de Beach au Turtle Beach heisst. Es het efach öppe 10 riese Turtles am umeschwümme idere Bucht. So eifach hemer no nie Turtles gseh. Leider hends es nöd so guet gschützt und vieli Turiste hend sie aglangt zum fötele. Das het eus hässig gmacht. Bim Schnorchle hemmer au no ganz viel Fischli gseh. Leider hets gege de Namittag recht zuetah und mir sind zrugg is Hotel gflüchtet. Denn hets voll afah abeschütte wommer richtig euse negsti Seightseegin Punkt - Galle Fort- hend loswelle. Drum hemers abbroche und sind ih eusi Lieblingsbar e Pizza go esse und en Cocktail go schlürfe. De Michi isch denn no en Nap go mache und ich ha mer e Fuessmassage gönnt und ha chli gshoppt. Znacht hemmer mal wieder wahnsinnig guet troffe, geilste Cocktails mit hammer Esse. Mir hend natürlich au wieder mit Abstand am meiste bstellt. Jetzt wieder mit vollem Buch im Bettli zum hoffentlich morn bi schönem Wetter no chönne Galle Fort aluege. Guet Nacht🫶🏽Read more

    See translation
  • Yara ZehnderSri lankaTraveler

    Snakes and Lighthouse

    December 8, 2024 in Sri Lanka ⋅ ☁️ 28 °C

    Endlich hemers mal gschafft früeh ufstah. Mir hend de Morge gnutzt zum d Festig wod portugiese erbaut hend - Galle Fort - chönne azluege. Es isch ez nöd wahnsinnig speziell gsi aber defür het de Michi sini lieblings Schlange defe hebe. Zum Zmittag simmer nomal ih euses Lieblingsresti und denn am Nami hemer eus uf de Weg gmacht richtig Hiriketya. Det hemmer de Henri & Co wieder troffe und sind mit ihne go znacht esse und denn no paar Bierlis go sippe.Read more

    See translation
  • Yara ZehnderSri lankaTraveler

    Snorkeling day

    December 9, 2024 in Sri Lanka ⋅ ☁️ 29 °C

    Hüt morge hemer eus früeh mit de anderne troffe zum zmörgele und denn simmer ab an Blue Beach zum go schnorchle. Es isch en sehr schöne und relaxte Tag gsi. Am Abig sind die andere witer in Nationalpark und mir sind no fein go esse und go Cocktails schlürfe.Read more

    See translation
  • Yara ZehnderSri lankaTraveler

    Usschlafe und Beachday

    December 10, 2024 in Sri Lanka ⋅ ☁️ 29 °C

    Hüt simmer bis am 11:30 im Bett gsi, hend iwie richtig Schlaf brucht. Denn wie immer fein go zmörgele und hend gad vor eusem Huus Äffli gseh. Nachem Zmorge simmer nomal an Blue Beach go schnorchle. So viel Fischli gseh. Am Abig hemmer no de Sunneuntergang gluegt. Znacht simmer ines chli fanciers traditional Sri lankan Resti gad am Meer. Es isch euse letzti Abig am Meer :( Hüt simer früeh is Bett, hend no eusi cool Serie Kaos witergluegt. Morn gahts denn witer in National Park.Read more

    See translation
  • Yara ZehnderSri lankaTraveler

    Strandabschluss

    December 11, 2024 in Sri Lanka ⋅ ☁️ 30 °C

    Hüt morge hemmers früeh usegschafft, damit mer no de letzti Strandtag chönd gnüsse. Mir sind anen neue Strand gange womer richtig wit het chönne inelaufe. Glese, en feine Milkshake trunke, Wasserspass gha und chillt. Ufem Weg döt hi hemmer soooooo viel Affefamilie gse. Am 4i simmer denn uf de Bus richtig Yala Nationalpark. D Fahrt isch chli müehsam gsi aber mir sind guet ih eusem Hotel acho. Es isch mega schön und euses Zimmer isch imene Baumhus. Es het leider umega fest gregnet und mir hend nöd viel vum Resort chönne gseh, defür hemmer es paar feini Bierli uf eusem Balkon gnosse. Morn am 04:30 gahts los ufd Safari, drum simmer ez am halbi 10 scho Bett ready.Read more

    See translation
  • Yara ZehnderSri lankaTraveler

    Safari time

    December 12, 2024 in Sri Lanka ⋅ ⛅ 26 °C

    Am 04:30 isches losgange ufd Safari. Leider hets kei Kaffi geh zum zmorge und mir hend grossi Müeh gha zum wach blibe. Mir hend uuuuh viel cooli Tier gseh, vum Vögeli, Reh, Wasserbüffel über Pfau, Elefante, Äffli und Opossums. Bis zum zMittag simmer nur scho 6h umegfahre. Da mir denn recht müed gsi sind hemmer Tour früezitig abbroche und sind zrugg zum Hotel. Ca. gege die 4i simmer denn zrugg bim Hotel gsi und sind denn nochli go spaziere zum eusi Bei nochli vertrete. Jetzt hockemer gmüetlich bimene Gläsli Wii uf eusem Balkönli und gend denn no da im Resti go esse. Morn gahts denn scho witer richtig Ella. Langsam gönd die Täg richtig schnell ume und s Ende naht immer nöcher.Read more

    See translation
  • Yara ZehnderSri lankaTraveler

    Off to the Mountains

    December 13, 2024 in Sri Lanka ⋅ 🌧 20 °C

    Hüt am morge hemmers gmüetlich gno und sind denn nachem zmörgele los richtig Ella. Ella isch es chlises touristisches Bergdörfli mit vielne Activities zum mache. Nachdem mer euse Scooter gmietet hend, hets voll afange abeleere. Es het wük in ströme pisst, de Michi isch pflutsch nass worde und ich ha mich zum glück chönne chli hinter ihm schütze. Lustigerwis sind die andere au immerno in Ella und mir hend sie nomal troffe zum zeme en Kochkurs mache. De wo die Kochkürs macht isch zuesätzlich no Gymnasiallehrer und het eus verzellt, dass er gad mal 200 Franke im Monet verdient… echt crazyyy..
    Nachem Kochkurs simmer no abe is Dorf zum eis go trinke, plötzlich gspürt d Yara öppis ah ihrem Bei ufelaufe…es Wurmartigs Wese. Sie tastet sich witer ab und findet es witers IDE Unterhose. De erst Gedanke isch gsi: Omg ich ha Parasite, die chömed us mir use!! Als mer denn mehreri vu dene Gschöpf am Töff gfunde hend und die andere eus verzellt hend, dass das Bluetegel sind, het sie sich wieder beruigt. Mir hend eus trotzdem adem Abig no öppe 10 Mal abgsuecht und de Tim het denn auno 3 vudene Fiecher im Schueh gha. Mir hend viel spass gha und hend bis spat id Nacht zeme trunke.    Read more

    See translation
  • Yara ZehnderSri lankaTraveler

    Teaplantation and 9 arches Bridge

    December 14, 2024 in Sri Lanka ⋅ 🌧 23 °C

    Hüt morge hemmer usgschlafe und sind nachem zmorge zunere Teeplantage gfahre. D Fahrt det hi isch scho uh schön gsi. Det hemmer viel über de Abbau vu Tee und anderne Pflanze glernt und hend chönne Tee digustiere. Nachher hets leider wieder biz regnerisch usgseh und mir hend eus mit Poncho und Regejacke (für en schnäppli Pris) ikleidet. So het eus nüt meh chönne devo abhalte im Rege no zude 9 Arches Bridge zfahre. Det hemer denn auno es Stückli müsse laufe. Da hüt Firtig isch hets uh mega viel iheimischi gha, wo die Brugg au hend welle aluege. Nach dem ganze Seightseeing simmer denn mit de anderne no e Rundi Billiard go spile und hend znacht gesse. Es het wieder in ströme gregnet. Ufem Heiweg het d Yara leider ihre Birkestock verlore und er isch iner 3 Meter tüfs Lovh abegheit, womer en leider nöm hend chönne rette. Zuesätzlich hemmer wieder Blutegelattackene gha. Frög mich nöd wie die innerhalb vu Sekundene iwie idini Kleider chömed und dirs Bei ufe chräsle chönd. Jetzt chillemer no biz bi eus uf de Terasse.Read more

    See translation
  • Yara ZehnderSri lankaTraveler

    Most famous trainride

    December 15, 2024 in Sri Lanka ⋅ ☁️ 28 °C

    Nach nur wenige Stunde Schlaf hemer eus uf de Weg an Bahnhof gmacht, un de Zug nach Kandy zneh. Die Zugfahrt isch sehr bekannt für ihri wunderschön Kulisse. Es sind 7h voller schönste Landscapes gsi😍 Ca am 4i simmer denn in Kandy acho und hend versuecht en Roller zmiete. Leider hend iwie alli Rollerständ zuegha und somit simmer halt mitem Tuktuk unterwegs. Denn simmer is Grand Hotel go znacht esse, es isch soo unglaublich fancy gsi, mir hend scho denkt, dasses sehr tür wird. Denn hemmers fast nöd chönne glaube wommer Prise gseh hend, es isch öppe sgünstigste Resti sit laaaangeeeem gsi. Feini Drinks, feins Esse und Ussicht über ganz Kandy für es Schnäppli.Read more

    See translation
  • Yara ZehnderSri lankaTraveler

    Market & Nails

    December 16, 2024 in Sri Lanka ⋅ 🌧 24 °C

    Hüt morge simmer als erstes nacheme feine zmorge zum Marktplatz. Es hät alles gä zum kaufe, über Gwürz, Fisch, Gmües, Kosmetik und Kleider. Natürlich hemmer eus komplett abzieh lah, hend Gwürz maximal übertürt kauft und hend sogar vergesse märte. Besser hemmers gmacht bim Kleider kaufe, det hetter zerst 9200 für es Shirt welle, denn simmer zu anderne Ständ go frage und hend checkt, dasses nur 3500 wer. Denn simmer zrugg (de erst het scho die schönste Sache gha) und hend alles für de Halbpris becho😎 Nach dem astrengende Shoppe simmer en Kaffi mit Lebkueche Gschmack go trinke und denn go Nägeli mache. Das het meh als 2h duret, mir hend en Massage Stuehl gha und sie hend eus auno massiert. Richtig nice gsi. Nachene isch scho Abig gsi und mir sind mit wunderschöne Nägel wieder ih euses ‘‘Stammresti‘‘ go znacht esse. Es isch wieder sehr fein gsii!Read more

    See translation
  • Yara ZehnderSri lankaTraveler

    Buddha day

    December 17, 2024 in Sri Lanka ⋅ ☁️ 22 °C

    Hüt hets mal chli en kulturelle Tag geh. Zerst simmer zum Buddha ufegloffe wo über d Stadt luegt, denah simmer zumene zweite Tempel gange wo no en Zah Buddhas besitzt. De hemmer denn aber ned mal chönne gseh, will de erst am Abig ade Zeremonie füre gholt wird. Nach dere Tour simmer zerst mal öppis go esse und denn no go shoppe. Es het viel Jewellery läde wommer abklapperet hend. Denn hets no öppis Süesse geh und mir sind für euse morgigi letzti Tag no en Roller go miete. Vorem Znacht hemmer no schnell hei müsse, willd Yara ihres Gspröch für Dissertation gha het. Denn simmer wieder ih euses Stammresti go znachte.Read more

    See translation
  • Yara ZehnderSri lankaTraveler

    Last day

    December 18, 2024 in Sri Lanka ⋅ ☁️ 26 °C

    Leider isch eusi Reis scho as Endi glangt. Mir hend de letzti Tag nomal i volle Züg gnosse. Ganz en gmüetliche Morge mit alles zeme packe und denn euses letzte Kottu go esse. Nachher simmer mit eusem Roller losdüset irgendwo id Berge. Will d Yara sone super Navigatorin isch, simmer es paar Schrotterpistene gfahre. Mir hend sogar no en chline Unfall gha, als mer hend welle de Fahrer wechsle und d Yara vum stehende Roller abgstige isch, hett sie sich mit ihrne Lieblingshose ighenkt (wo etz es Loch hend) und isch hinderschi mitem Steissbei uf en Stei gheit. Sie het sich voller Schmerz im Dreck gwältzt. Ganz herzig sind denn 3 Lüt zu eus cho zum eus helfe. Zum Glück isch de Schmerz schnell wieder verbi gsi und mit sind witer cruised (de Michi isch denn trotzdem de Fahrer blibe). Dur wunderschöni Landschafte und chline Strössli simmer denn amene Spa Hotel duregfahre. Döt hemmer eus no eusi letzti Massage gönnt. Zrugg in Kandy hemmer de Roller abgeh und hend nomal die letzte Sache gshoppt. Zum Znacht natürlich wieder i euses Stammresti sletzte Rote Thai Curry go esse. Ez gits no paar drinks und denn gahts ab ufs Uber uf Colombo an Flughafe. Am 4i Morge flügemer denn zrugg. Danke Sri Lanka, es isch de wahnsinn gsi ♥️♥️Read more

    See translation
    Trip end
    December 19, 2024
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice