Badlands Loop

Hüt Nacht heimer e Schreck erläbt. Zmitzt ir Nacht isch öper uf üses Zäut und haub ufd Andrea gheit. Zum Glück isch nüt passiert bis ufene bogni Zäutstange. Am Morge heimer de erfahre das es paar Idiote ufem Camping Zäut ufgschlitzt hei. Do si mir dämfau no glimpflech drvo cho.
Hüt simer mitere schöne Route dürd Badlands gstartet. E faszinierendi Landschaft. Denn simer uf Wall i berüehmt Wall Drug, es isch e riese Institution mit Masse a Touriste. Dr Kafi für 5 Cent ischs aber wärt gsi.
Witer ischs widermou churz über d Interstate gange, do simer sehr schnäu vorwärts cho. Das heimer au müese wemer üses Ziel nach 150 km no bi Tag hei wöue erreiche.
Ungerwägs heimer no Bekanntschaft miteme Typ us Florida gmacht wo vo Key West nach Alaska fahrt (mit sehr vüu Belüchtig und offesichtlech bewaffnet 🔫)
Ändlech heimers au mou ufene KOA Camping gschafft, das heimer unbedingt mou wöue. Er isch zwar guet aber au nid besser aus vüu angeri.Read more