Acho in Minneapolis

Hüt het üs e gmüetleche Tag erwartet. 100 km flach uf Minneapolis und das vor auem uf Velowäge. Was üs uffallt isch, dases uf normale Strosse praktisch nie Velofahrer het, mr uf dene Trails aber plötzlech ganz vüu aträffe.
D Mittagspause heimer imene härzige Kafi imene Vorort gmacht. Mit super Sandwiches (ändlech mou wider sehr guets Ässe wo nid frittiert isch).
D Natur mit ganz vüu Weiher und See isch hüt au wider vüu abwächsligsriicher gsi aus die letschte Täg und het üs chli ad Schwiz erinneret.
Uf Downtown Minneapolis inezfahre, wo mr wider e Warmshower hei, isch erstuhnlech eifach gange. S Velonetz isch do tiptop usbout und au beschüderet. Einzig die viele Boustöue und Umfahrige hei üs s Läbe schwär gmacht.
Nacheme churze Zwüschestopp mit früsch Dusche und s Velo ablade bim Warmshower geits für üs jetz zur Mall of America, s grösste Ichaufszenter ide USA.Read more