E Begägnig vor unliebsame Art

Hüt ischs au scho wider witer gange ufem Velo. Ca. 30 km heimer brucht um au die letschte Suburbs hinger üs z loh. S Tempo isch leider nid so nach üsne Vorstöuige gsi, mir si dütlech langsamer vorwärts cho aus mir ghofft hei. Das vor auem wäg holprige Strosse, vüu Abzwiegige und Hügle. Zuesätzlech gspüre mir d Hitz aktuell extrem, es isch richtig drückend.
Nachdem mir am Mittag de entschide hei, das 170 km hüt äuä nid realistisch si, wemer morn au wider ufs Velo wei stige, heimer üs fürne Routeänderig zumene angere Camping entschide. Das isch im Moment grad s schwierigste, Campings z finge wo einigermasse schlaui Tagesetappe zuelöh.
Am Nomi simer de glich no rächt zügig vorwärts cho. S Renne gägene Hund wo direkt näbe üs überne Haag ufd Stross gumpet isch heimer emu nach 500 m für üs entschide💪. Es isch dr erst Hund gsi wo au dr Patrick gmeint het, es wär nid guet usecho we är s Renne gmacht hätt🤕. Dr Bärespray hei mr emu wider us dr Täsche packt und a Länker montiert.Read more