Erzfeind Loose Gravel

Nacheme Gwitter die Nacht heimer hüt morge i liecht füechti Chleider müese stiege - es git definitiv bessers.
Drfür simer hüt besser id Gäng oder uf Tempo cho aus gester und si optimistisch gsi relativ früeh a üsem Ziel in Abbotsford azcho. Zmittag heimer direkt bire Chäsi kauft womer per Zuefall dra ane gfahre si. Und hei de währendem ässe chönne beobachte wie normal dases isch dr Motor eifach lo z laufe weme nur schnäu öpis ichauft. D Glace aus Dessert für zäme 7 Dollar isch au es Hichlight gsi.
D Route het üs de gäge Ändi vom Tag no uf 20 km Gravel gschickt. Und nid dä vor agnähme Sorte: Mitem Renner wäre mer nüm witer cho. So simer froh gsi heimer no s letschte Zimmer im Motel becho und hei üs die 8 km zum Camping chönne spare.
Düre Tag simer immer wider Amishe begägnet, es paar ufem Velo, es paar ir Kutsche und sehr vüu Fraue am Rasemäihe.Read more