Praia Mole

In Rio ahcho bini zersch mal en Taag mit ere Läbensmittelvergiftig flachgläge. Isch wahrschindli au echli Karma gsi für 5 Nächt hinderenand fäschte. Denn ischs aber losgange. 2 Australianer kenneglernt wo irgendwie schochli alles gsi sind und gmacht hend im läbe . Mit dene uf de Corcobado zum Chrischtus ufe.
Denn hemmer d super idee gha zum e Favelatour in Rocinha z mache :) Abghollt hends eus im Hostel und denn simmer mit ere Gruppe zude Favela gfahre. Es Latinopärli het kein geeignetere Dresscode gfunde wie Markechleider (Guess, Reebock) und Goldschmuck ade Händ, ums Handglänk und Hals..
Am Ahfang isch alles no easy gsi, älteri Hüüser und Kabel überall zum Teil uf Kopfhöchi und ängi Gässli, aber alles no im Rahme vom erwartete.
Denn het de Guide gseit, mir derfed jetzt kei Foti meh mache und sölled bitte s Handy versorge. Bi de Latina hetmer natürli d helfti vom Handy im hindere Hosesatz no gseh. Wo eus denn e Gruppe vo 14/15-jährige buebe gseh hend sinds vom Bänkli ufgstande, hend an Bode gspuckt und hend s Maschinegwehr vom Bänkli gno zum eus ahluege... Scho grad easy schiss überchoo. Denn simmer wiiterglofe und öppe 5minute später het en Mah en 10jährige Bueb uf offener Strass gflätteret und isch ihm nahgrännt mit eme Griff ah sin Gürtel.. im gliiche Moment hani öpper uf de Strass bim verbiilaufe gstreift, woni han welle sorry säge, hani gseh dass de Bueb au sones riise Maschinegwehr um de Hals gha het. Aber alles keis Problem, mir sind ja schliesslich Bros gsi 😉
Abgseh devo dasmer krassi Gschichte über Rio ghört hend (Lüt wo ufs übelste verschlage worde sind wills am Dieb nahgrännd sind, oder Schüss is Bei willmer sich gweigeret het s Handy herezgeh) ischs eus aber nöd wiiter gfährlich vorchoo.
Mer het am Abig eifach immer müesse s Uber näh und sich nöd wiiter als 3 Blöck vom Strand entfärnt ufhalteRead more